DIM dövlət qurumları üçün müsahibə elan etdi — SİYAHI

DIM dövlət qurumları üçün müsahibə elan etdi
16:02
15.04.2019
1149
Ölkə
A
Dövlət İmtahan Mərkəzi (DİM) 5 dövlət orqanında inzibati vəzifələrin 3-7-ci təsnifatına uyğun olan vəzifələrin A və B növü üzrə ümumi müsahibə elan edib.

DİMdən "Ölkə.Az"a verilən məlumata görə, mərkəzi icra hakimiyyəti orqanlarının aparatı, onların tabeliyində olan qurumlar, yerli bölmələr və məhkəmələrdə olmaqla elana çıxarılan vəzifələrin 36-sı dövlət qulluğu vəzifələrinin A növünə (inzibati rəhbər) və 23-ü isə B növü vəzifələrə (inzibati icraçı) aiddir.

Ümumi müsahibəyə çıxarılan vəzifələr arasında ən yüksək vəzifələr inzibati vəzifələrin 3-cü təsnifatına uyğun olan Əmlak Məsələləri Dövlət Komitəsinin Torpaqların Dövlət İdarəetməsinin Təşkili üzrə Dövlət Agentliyinin direktor müavini, inzibati vəzifələrin 4-cü təsnifatına uyğun olan Energetika Nazirliyində şöbə müdiri, Əmlak Məsələləri Dövlət Komitəsi və Əmək və Əhalinin Sosial Müdafiəsi Nazirliyində şöbə müdirinin müavini vəzifələridir. Ümumilikdə isə, Əmlak Məsələləri Dövlət Komitəsində 4 vəzifə, Əmək və Əhalinin Sosial Müdafiəsi Nazirliyində 44 vəzifə, Energetika Nazirliyində 7, Sumqayıt Apellyasiya Məhkəməsində 1 vəzifə, Hesablama Palatasında 3 vəzifə olmaqla 59 vakant vəzifə ümumi müsahibə elanına çıxarılıb.

Ümumi müsahibə üzrə sənəd qəbulunun təkmilləşdirilməsi, vətəndaşların rahatlığının təmin edilməsi, vətəndaşların vaxt itkisinin və maliyyə xərclərinin qarşısının alınması məqsədilə Dövlət İmtahan Mərkəzi tərəfindən ümumi müsahibə üzrə sənəd qəbulu yalnız elektron qaydada həyata keçirilir.

Ümumi müsahibədə iştirak etmək istəyən namizədlər “Dövlət qulluğu üzrə müraciət Forması” vasitəsilə 15 aprel 2019-cu il tarixindən 15 may 2019-cu il saat 18:00-dək (30 gün müddətində) Mərkəzin internet portalına məlumatları daxil edərək qeydiyyatdan keçməlidir.

DİM mərkəzi icra hakimiyyəti və məhkəmə hakimiyyəti orqanları olmaqla ümumilikdə 6 dövlət orqanında inzibati dövlət qulluğu vəzifələrinin A (79 vəzifə) və B (391 vəzifə) növünə aid olan 470 vakant vəzifənin tutulması üçün müsabiqənin müsahibə mərhələsini də elan edib. 

Müsahibədə iştirak etmək üçün qeydiyyat müddəti 2019-cu il 15 may tarixinə qədər davam edəcək.
Müsabiqəyə təqdim olunmuş vakant vəzifələr üzrə vəzifə təlimatları, müsahibə proqramları Mərkəzin internet portalında yerləşdirilib.

Namizədlər əldə etdikləri sertifikata uyğun olan müsahibələrdə iştirak edə bilər. Müsahibədə iştirak üçün namizədlər 15 may 2019-cu il saat 18:00-dək (30 gün müddətində) “Dövlət qulluğu üzrə müraciət Forması”nı (https://eservices.dim.gov.az/dqq/Home/Login) doldurmaqla qeydiyyatdan keçməli və elan müddətində formaya daxil etdiyi məlumatlarda, sənədlərdə dəyişikliklər olduğu təqdirdə müvafiq düzəlişlər etməlidir.

Müsahibə proqramları ilə mərkəzin portalından və vakant vəzifənin aid olduğu dövlət orqanının internet saytından tanış olmaq olar.

Qeyd edək ki, müsahibəyə çıxarılması üçün dövlət orqanları arasında ən çox vakant vəzifə Kənd Təsərrüfatı Nazirliyi (432 vəzifə) tərəfindən təqdim olunub. Ümumilikdə, müsahibəyə çıxarılmış 470 vakant vəzifənin 1-i 4-cü təsnifata, 38-i 5-ci təsnifata, 2-si 6-cı təsnifata, 429-u isə 7-ci təsnifata aid olmaqla, 79-u AC, 37-si BA, 354-ü isə BB vəzifə qrupuna aiddir.

Ölkə.Az

ŞƏRH YAZ
0

Bacısını və sevgilisini öldürmək istədi — Gəncədə

Bacısını və sevgilisini öldürmək istədi
14:51
Bu gün
1100
Ölkə
A
Gəncə Ağır Cinayətlər Məhkəməsində bacısını və onun tanışını öldürməyə cəhd etməkdə təqsirləndirilən Ruslan Abbasovun cinayət işi üzrə məhkəmə iclası başlayıb.

"Ölkə.Az" xəbər verir ki, hakim Elmin Rüstəmovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib. Məhkəmənin baxış iclası sentyabrın 2-nə təyin edilib.

Qeyd edək ki, bu ilin martın 22-də Gəncə şəhər sakini, 30 yaşlı Amin İsmayılov və 34 yaşlı Gülmira Abbasovanı bıçaqlanıb. Hər iki şəxs Gəncə şəhər xəstəxanasına çatdırılaraq əməliyyat olunublar. Hüquq-mühafizə orqanlarının apardığı əməliyyat axtarış tədbirləri nəticəsində hadisəni G.Abbasovanın qardaşı R.Abbasovun törətdiyi məlum olub. O, polis tərəfindən saxlanılıb. Hadisənin qısqanclıq zəminində törədildiyi bildirib.

İstintaq orqanı tərəfindən R.Abbasovun barəsində Cinayət Məcəlləsinin 29,120.2.4 (xüsusi amansızlıq adam öldürməyə cəhd) və 29, 120.2.7-ci (iki və daha çox şəxsi öldürməyə cəhd) maddələri ittiham elan edilib.

Natiq Allahverdiyev
Ölkə.Az

ŞƏRH YAZ
0

Tanınmış azərbaycanlı vəfat etdi — FOTO

Tanınmış azərbaycanlı vəfat etdi
14:38
Bu gün
1400
Ölkə
A
Tanınmış azərbaycanlı alim vəfat edib.

"Ölkə.Az" publika.az-a istinadən xəbər verir ki, Azərbaycan Hidrotexnika və Meliorasiya Elm-İstehsalat Birliyinin “Qeyri-ənənəvi sulardan istifadə” laboratoriyasının müdiri, aqrar elmləri doktoru, Azərbaycan Respublikası Prezidenti yanında Ali Attestasiyası komissiyasının aqrar və ekologiya elmi sahələri üzrə ekspert komissiyasının üzvü Ofelya Adil qızı Zeynalova dünən vəfat edib.

81 yaşlı alim xəstəlik səbəbindən dünyasını dəyişib.

Qeyd edək ki, Ofelya Zeynalovanın yaradıcılığı Azərbaycan dövləti tərəfindən yüksək qiymətləndirilmiş və onun Azərbaycanda Meliorasiya və Su Təsərrüfatının inkişafındakı xidmətlərini nəzərə alaraq 05 iyun 2014-cü ildə Azərbaycan Respublikası Prezidentinin Sərəncamına əsasən “Tərəqqi” medalı ilə təltif edilib. 2017–2019 illərində Azərbaycan Respublikası Prezidenti yanında Ali Attestasiyası komissiyasının aqrar və ekologiya elmi sahələri üzrə ekspert komissiyasının üzvü olub.

Allah rəhmət eləsin!

Tanınmış azərbaycanlı alim vəfat etdi - FOTO

Ölkə.Az

ŞƏRH YAZ
0
BAĞLA