DİM X sinif şagirdləri üçün sınaq imtahanı keçirəcək

DİM X sinif şagirdləri üçün sınaq imtahanı keçirəcək
15:57
16.04.2018
775
Ölkə
A
Mayın 6-da yeni təhsil proqramı (kurikulum) əsasında 10-cu sinif şagirdləri üçün 5–10-cu siniflər (10-cu sinif birinci yarımilədək) üzrə məzmun standartlarının reallaşması səviyyəsinin yoxlanılması məqsədilə sınaq imtahanı keçiriləcək.

Dövlət İmtahan Mərkəzindən (DİM) "Ölkə.Az"a verilən məlumata görə, 2019-cu ildə ali təhsil müəssisələrinin bakalavriat səviyyəsinə qəbul imtahanının modelinə uyğun olaraq test tapşırıqları hər blokda 3 imtahan fənni üzrə aşağıdakı kimi təqdim olunacaq:

Şagirdlərə hər fənn üzrə 30 test tapşırığı təqdim olunur. Bu tapşırıqların 22-si qapalı, 8-i isə açıq formalıdır. Açıq formalı tapşırıqlardan 3-ü yazılı şəkildə cavablandırılması tələb olunan situasiya və yaxud mətn əsasında hazırlanan tapşırıqlardır.

Digər açıq formalı tapşırıqlar uzun müddətdir istifadə olunan hesablama, seçim, xronologiya, uyğunluğu müəyyən etmə tipli tapşırıqlardır.

Situasiya və yaxud mətn üzrə təqdim olunan açıq formalı test tapşırıqları isə 0, 1 və ya 2 balla, digər formalı açıq və qapalı test tapşırıqları isə 0 və ya 1 balla qiymətləndirilir.

Qapalı formalı tapşırıqlar üzrə səhv cavabların sayının 1/4-i ümumi baldan çıxılır. Açıq formalı test tapşırıqları üzrə səhv cavablar düzgün cavabların nəticəsinə təsir göstərmir.

İmtahanın müddəti 3 saatdır.

Tapşırıqların cavabları “cavab vərəqi”ində nəzərdə tutulan müvafiq yerlərdə qeyd olunur. İmtahanın sonunda sual kitabçaları və cavab vərəqələri şagirdlərdən təhvil alınır.

2019-cu ildə ali təhsil müəssisələrinin bakalavriat səviyyəsinə qəbul imtahanları yeni təhsil proqramı (kurikulum) üzrə keçiriləcək. Həmin qəbul imtahanlarının, Təhsil Nazirliyi ilə razılaşdırılmaqla, bu sınaq imtahanı modelinə uyğun təşkil olunması nəzərdə tutulur.

Sınaq imtahanında hazırda 10-cu sinifdə təhsil alan şagirdlərin iştirakı tövsiyə olunur.

Sınaq imtahanına qeydiyyat 16 aprel saat 14:00-dan 1 may saat 10:00-dək aparılacaq.

İmtahanlar Bakı, Sumqayıt, Naxçıvan, Gəncə, Şəki, Bərdə, Göyçay, Şirvan, Xaçmaz və Lənkəran şəhərlərində təşkil olunacaq.

Sınaq imtahanlarında qeydiyyatdan keçmək üçün  ekabinet.dim.gov.az saytında “Şəxsi kabinet” yaradılmalıdır. “Şəxsi kabinet”in “Hesab” bölməsinə imtahanda iştirak üçün nəzərdə tutulan məbləğ (20 AZN) yüklənilir. Hesaba lazımi miqdarda vəsait əlavə etmək üçün müxtəlif ödəniş üsullarından yararlanmaq olar.

Daha sonra DİM-in saytında yerləşdirilən qeydiyyat linki vasitəsilə “Şəxsi kabinet”in istifadəçi adı və parolundan istifadə etməklə sistemə daxil olub “İmtahana buradan yazılın” düyməsini basmaq lazımdır. Açılan səhifədə imtahan vaxtı, yeri seçilir. Daha sonra şəxsiyyət təsdiq edən sənədin məlumatları, imtahan verəcəyiniz bölmə, imtahan bloku seçilir və “Qeydə al” düyməsi basılır. “Qeydə al” düyməsini basdıqdan sonra “İmtahana buraxılış vərəqəsi”ni çap edə bilərsiniz.

Yazı işlərinin yoxlanılması ilə əlaqədar və iştirakçıların sayından asılı olaraq imtahanın nəticələri ən tezi 1 həftədən sonra elan olunacaq. Şagirdlərə imtahanda topladıqları ballar haqqında məlumat hər bir fənn üzrə ayrılıqda təqdim olunacaq.

ŞƏRH YAZ
0

Energetika Nazirliyinə 599 müraciət daxil olub

Energetika Nazirliyinə 599 müraciət daxil olub
19:33
Bu gün
1880
Ölkə
A
Cari ilin yanvar-aprel ayları ərzində Azərbaycan Respublikasının Energetika Nazirliyinə və nazirliyin tabeliyində olan Enerji Məsələlərini Tənzimləmə Agentliyinə istehlakçıların hüquqlarının qorunması, abonentlərin elektrik enerjisi və qazla təchizatı ilə əlaqədar 599 ərizə və müraciət daxil olub.

Nazirlikdən "Ölkə.Az"a verilən xəbərə görə, 87 müraciət “Qaynar xətt” (“Onlayn müraciət”), 512 müraciət isə poçt vasitəsilə qəbul edilib. Vətəndaşlardan ən çox daxil olan müraciətlər elektrik enerjisi təchizatı ilə əlaqədar məsələləri əhatə edib. Belə ki, 181 müraciətdən 45-i elektrik sayğaclarının quraşdırılması və ödənişlərin hesablanmasında borcun yaranması, 56-sı enerji təchizatı şəbəkəsinə qoşulma üçün texniki şərtlərin verilməsi, 80-i isə elektrik enerjisinin verilişi ilə bağlı olub.

2018-ci ilin 4 ayı ərzində qaz təchizatı ilə bağlı 152 müraciət qeydə alınıb. Bunlardan 83-ü qaz xəttinə qoşulma, sayğaclarının quraşdırılması və izafi borcun yaranması, 69-u isə qazın verilişinə dair olub. 

İstehlakçılar tərəfindən nazirliyə daxil olan bütün müraciətlər müəyyən olunmuş qaydada nazirlik tərəfindən araşdırılıb, mahiyyəti üzrə təhlil edilərək lazımi tədbirlər görülməsi üçün aidiyyəti qurumlara göndərilib və icra olunub. Bəzi müraciətlər icraya nəzarət çərçivəsində nazirliyin nümayəndələrinin iştirakı ilə yerində yoxlanılıb və cavablandırılıb. Bütün ərizə və müraciətlər “Vətəndaşların müraciətləri haqqında” Azərbaycan Respublikasının Qanununa, elektrik enerjisindən və qazdan istifadə qaydalarına, elektroenergetika və qaz təchizatı haqqında mövcud qanunvericiliyə uyğun olaraq icra edilib. 

Vətəndaşların müraciətlərinə baxılması işinin çevik və səmərəli təşkili məqsədilə nazirliyin rəsmi internet səhifəsində rəhbərliyin qəbulu qrafiki yerləşdirilib. Bu xidmətdən faydalanan vətəndaşlar nazirliyin məsul işçiləri tərəfindən qəbul edilərək şikayətləri dinlənilib, problemləri araşdırılaraq həll edilib. 

Energetika Nazirliyi vətəndaşların şikayətlərinə obyektiv baxılması, problemlərin düzgün və operativ araşdırılmasında şəffaflığın və vətəndaş məmnunluğunun təmin edilməsini daim diqqətdə saxlayır və abonentlərə qarşı sui-istifadə əməllərinin qarşısının alınması istiqamətində müvafiq tədbirlərin görülməsi üçün öz işini davam etdirir.

ŞƏRH YAZ
0

Los-Ancelesdə Azərbaycana dair təqdimat keçirildi

Los-Ancelesdə Azərbaycana dair təqdimat keçirildi
19:02
Bu gün
2027
Ölkə
A
Azərbaycanın Los-Ancelesdəki baş konsulu Nəsimi Ağayev bu şəhərdə yerləşən Bəhai Mərkəzində Azərbaycana dair təqdimatla çıxış edib.

Baş Konsulluqdan "Ölkə.Az"a verilən məlumata görə, Los-Ancelesin Bəhai icmasının dəvəti ilə baş tutan təqdimatda 600-ə yaxın icma üzvi iştirak edib.

Təqdimat Baş Konsulluğun Los-Ancelesdə fəaliyyət göstərən dini icmalarla münasibətlərin qurulması yönündə apardığı iş çərçivəsində keçirilib.

Baş konsul çıxışında ilk olaraq Azərbaycanın tarixi, zəngin mədəniyyəti, yerləşdiyi coğrafi mühit haqqında qonaqlara məlumat verib. O, daha sonra Azərbaycanda kök salmış multikulturalizm və tolerantlıq ənənələri haqqında danışaraq, bu dəyərlərin ölkəmizdə əsrlərdən bəri mövcud olduğunu diqqətə çatdırıb. N.Ağayev ölkəmizdə dini və milli mənsubiyyətindən asılı olmayaraq hər kəsin bərabər hüquqlara malik olduğunu və sülh şəraitində dinc yanaşı yaşadığını, insanların öz etiqadlarını, adət-ənənələrini sərbəst şəkildə həyata keçirdiklərini və bu unikal tolerantlıq mühitinin Azərbaycan Prezidenti İlham Əliyevin müdrik və uzaqgörən rəhbərliyi altında günü-gündən daha da gücləndiyini vurğulayıb.

Azərbaycan multikulturalizmi və tolerantlığı icma üzvləri tərəfindən böyük maraq və rəğbətlə qarşılanıb. 

ŞƏRH YAZ
0
BAĞLA