Diqqət! Bu yolda təmir başlanır

Diqqət! Bu yolda təmir başlanır
22:05
09.10.2019
4431
Ölkə
A
Oktyabrın 10-dan etibarən Səbail rayonu Abbasqulu Abbaszadə küçəsində təmir işlərinə başlanılır.

“Ölkə.Az” “Azərbaycan Avtomobil Yolları” Dövlət Agentliyinə istinadən xəbər verir ki, təmir işləri sözügedən küçənin Badamdar şossesi ilə kəsişməsindən Bakı Oxford Məktəbinə qədər olan hissəsində aparılacaq.

İşlərin qısa müddətə yekunlaşdırılması nəzərdə tutulur. Bu müddət ərzində Abbasqulu Abbaszadə küçəsində sıxlıq və tıxacın yaranmasının qarşısını almaq üçün sürücülərə öncədən hərəkət istiqamətlərinə uyğun alternativ yollardan istifadə etmələri tövsiyə olunur.

Ölkə.Az

ŞƏRH YAZ
0

Azərbaycanda vəhşilik — Sığınacaqdakı itləri kütləvi zəhərlədilər - VİDEO

Azərbaycanda vəhşilik
19:17
Bu gün
865
Ölkə
A
Xaçmaz rayonunun Yergüc kəndi ərazisində sahibsiz itlər üçün salınan sığınacaqda itləri zəhərləyiblər.

"Ölkə.Az" xəbər verir ki, bu barədə “Biz də yaşamaq istəyirik” adlı sığınacağın rəhbəri Nailə Rüstəmli BAKU.WS-ə məlumat verib. Onun sözlərinə görə, 3 gün bundan əvvəl sığınacaqda yerləşən itlərdən 15-i zəhərlənib.

“Kimlərsə itlərimizi zəhərləyib. Ümumilikdə 15 it zəhərlənib. Onlardan 11-i ölüb. Şübhələndiyimiz insanlar var. Dəfələrlə mənə təzyiq olub ki, həmin sığınacağı bağla, yoxsa pis olacaq. Hətta itimizə güllə də atıblar”, - deyə Nailə Rüstəmli bildirib.

Zəhərlənən itlərin çoxunu Bakıya aparıblar ki, onların həyatını xilas etsinlər:
“İtləri Bakıya aparmışdıq. Klinikada həkim nəzarətində olublar. Hamının ala biləcəyi zəhər deyil. İtlərın hamısı uyuyub, keyiyib”.

Sığınacaq rəhbəri deyir ki, itlərin yerləşdiyi ərazi heç bir yaşayış evlərinə yaxın deyil:

“Yaxınlıqda bağlar var, lakin onları narahat etmir. Heyvanlar kimlərisə narahat etmir. Bizim orada daimi yaşayan işçimiz var. Heyvanların hamısına 400 manatlıq peyvənd vurmuşduq”.

Nailə Rüstəmli deyir ki, 3 ilə yaxındır bu işlə məşğul olurlar: “Heç biri sağlam it deyildi. İşgəncəyə məruz qalan heyvanlar idi. Onları yaşatmaq üçün çox əziyyət çəkmişik. Heyvanların hamısı bırkalıdır. Amma kimlərsə bizim zəhmətimizi heç edir, dilsiz heyvanlara zülm verirlər”.

ŞƏRH YAZ
0

Bakıda evlərə qənim kəsilən qadın tutuldu — FOTO

Bakıda evlərə qənim kəsilən qadın tutuldu
19:04
Bu gün
791
Ölkə
A
Binəqədi Rayon Polis İdarəsi 7-ci Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində evlərdən oğurluqlar edən qadın saxlanılıb.

"Ölkə.Az" xəbər verir ki, zərərçəkən şəxslərdən biri polisə müraciət edərək bildirib ki, evin giriş qapısının açıq olmasından istifadə edən naməlum şəxs mənzilin dəhlizindəki dolabdan 5350 ABŞ dolları və 500 manat oğurlayaraq hadisə yerindən qaçıb. Bölmə əməkdaşları qısa zamanda qeyd edilən oğurluğu törətməkdə şübhəli bilinən əvvəllər məhkum olunmuş Abşeron rayon sakini Günay Abdullayevanı saxlayıblar. 

O, ifadəsində etdiyi cinayəti etiraf edib.

Araşdırma zamanı G.Abdullayevanın Binəqədi rayonunda daha bir neçə evdən eyni üsulla, yəni açıq qalmış qapıdan içəri daxil olmaqla oğurluqlar etdiyi məlum olub. 

Faktla bağlı 7-ci Polis Bölməsində toplanan materiallar  araşdırılması üçün Binəqədi RPİ-nin İstintaq Şöbəsinə göndərilib. Bu şəxsin əməllərindən zərərçəkən başqa vətəndaşlar vasra ərazi üzrə polis idarə, şöbə və ya bölmələrinə müraciət edə bilərlər. 

Natiq Allahverdiyev
Ölkə.Az

 

ŞƏRH YAZ
0
BAĞLA