DİQQƏT: Dəlixanadan qaçan ruhi xəstə axtarılır

DİQQƏT: Dəlixanadan qaçan ruhi xəstə axtarılır
21:03
11.08.2017
463
Ölkə
A
Sumqayıt sakini, 33 yaşlı Nicat Nəsirov müalicə aldığı Ruhi əsəb Xəstəlikləri Dispanserindən qaçıb.

Ölkə.Az-ın Xəzər TV-yə istinadən məlumatına görə, hadisə avqustun ikisində baş verib. 

Doqquz gündür xəstənin axtarışları davam etdirilir. 

Dispanserdən qaçan Nicat Nəsirovun anası Mehriban Ağayeva bildirib ki, xəbəri ona telefonla veriblər. Rusiyada yaşadığı üçün dərhal bilet alaraq geri qayıdıb.

Söhbət əsnasında məlum olub ki, Nicat evdə olarkən də tez-tez qaçırmış. Ananın sözlərinə görə oğlu idmançı olub və əvvəllər ailəsi ilə Rusiyada yaşayıb. Xəstəliyi də məhz həmin ölkədə yaranıb.

Məsələ ilə bağlı Sumqayıt şəhər Ruhi əsəb Xəstəlikləri Dispanserindən verilən məlumata görə Nicat avqust ayının ikisi, saat 18:30 radələrində xəstələr yeməkxanaya aparılarkən qaçıb. Sözügedən xəstə termosuna çay doldurub geri gələcəyini söyləyib, lakin imkan düşən kimi qaçaraq hasarı tullanıb. Nəzarətçi həkimlər isə ona çata bilməyiblər. 

Həkimlər iddia edirlər ki, xəstənin insanlar üçün heç bir təhlükəsi yoxdur. Sadəcə yaddaş zəifliyi var və ünvanı, telefon nömrələrini xatırlamaqda çətinlik çəkir. 

Nəsirov Nicat Ağahüseyn oğlunun axtarışları davam etdirilir. Onu görənlərdən polisə müraciət etməsi xahiş olunur.

ŞƏRH YAZ
0

Nazirlik tülküyə işgəncə verən şəxsi cərimələdi

Nazirlik tülküyə işgəncə verən şəxsi cərimələdi
18:36
Bu gün
722
Ölkə
A
Son günlər vəhşi heyvana qarşı qəddarlıq göstərərək nümayişkaranə surətdə sosial şəbəkədə video görüntüləri yayan şəxsin tapılması məqsədilə Azərbaycan Heyvanların Qorunması Cəmiyyətinin Heyvan Haqları üzrə inzibatçısı Fərid Mansurov tərəfindən aidiyyəti qurumlara müraciət olunub.

Ekologiya və Təbii Sərvətlər Nazirliyinin (ETSN) mətbuat xidmətindən "Ölkə.Az"a verilən məlumata görə, müraciət Heydər Əliyev Fondu tərəfindən nəzarətə götürülüb.

Nərimanov rayonu 18-ci polis bölməsinin əməkdaşları tərəfindən tülküyə işgəncə verən şəxslə bağlı araşdırmalara başlanılıb. Araşdırma zamanı tülkü ilə rəhmsiz davranaraq sosial şəbəkədə görüntüləri yayan şəxsin Bakı şəhəri sakini Akif Həsənov olduğu müəyyən edilib. A.Həsənov hadisəni etiraf edərək səhvini boynuna alıb. 

ETSN tərəfindən qanun pozucusu inzibati xəta törətdiyinə görə 500 manat məbləğində cərimə olunub və cərimənin ödətdirilməsi təmin edilib.

ŞƏRH YAZ
0

Ana və oğlunu qətlə yetirən kriminal avtoritetin cəzası qüvvədə qaldı

Ana və oğlunu qətlə yetirən kriminal avtoritetin cəzası qüvvədə qaldı
17:57
Bu gün
720
Ölkə
A
Şirvan Apellyasiya Məhkəməsində Lənkəranda ana və oğulu qətlə yetirən şəxsin apellyasiya şikayətinə baxılıb.

Ölkə.Az”ın məlumatına görə, hakim  Kamran Əkbərovun sədrliyi ilə keçirilən prosesdə Fətullayev Nəriman Səfər oğlunun apellyasiya şikayəti təmin edilməyib.

Birinci instansiya məhkəməsinin qərarı qüvvədə saxlanılıb.

Qeyd edək ki, Lənkəranda kriminal avtoritet kimi tanınan 56 yaşlı Nəriman Fətullayev 2008-ci ildə zərgər Şükür Əhmədovun evinə basqın edib. Ev sahibinin oğlu Şahin Əhmədovu çoxsaylı bıçaq zərbələri ilə öldürüb, onun həyat yoldaşı Əzizə Əhmədovaya bıçaq xəsarətləri yetirib. Qadın xəstəxanada vəfat edib.

Rusiyaya qaçan N. Fətullayev insidentdən bir neçə il sonra qətldə və başqa cinayətlərdə şübhəli bilinərək həbs olunub.

Lənkəran Ağır Cinayətlər Məhkəməsinin hökmü ilə N. Fətullayev Cinayət Məcəlləsinin 120.2.4, 120.2.9, 120.2.11, 29, 120.2.6, 29, 120.2.7, 29, 120.2.10, 181.3.2, 181.3.3 maddələri ilə təqsirli bilinərək  14 il 6 ay müddətinə azadlıqdan məhrum edilib.

Onun əvvəllər də dəfələrlə məhkumluq həyatı yaşadığı bildirilir.

ŞƏRH YAZ
0
BAĞLA