Direktordan baş rejissora CAVAB: "Bir tamaşalıq dəvət edə bilərik"

Direktordan baş rejissora CAVAB:
12:05
10.08.2017
78
Mədəniyyət
A
İrəvan Dövlət Azərbaycan Dram Teatrının direktoru İftixar Piriyev teatrın keçmiş baş rejissoru Oruc Qurbanovun mədəniyyət və turizm naziri Əbülfəs Qarayevə yazdığı məktuba münasibət bildirib.

Direktor "Ölkə.Az"-ın əməkdaşıyla söhbətində O.Qurbanovun fikirlərinin həqiqət olmadığını söyləyib:

"Bu məsələyə münasibət bildirmək istəmirəm. Ancaq onu deyə bilərəm ki,  Oruc Qurbanovun yazdıqlarının heç biri həqiqət deyil. Böhtan, şantaj və qərəz xarakterli heç bir qərəzli yazıya münasibət bildirmirəm. Çünki istər yaradıcılığım, istər rəhbərlik fəaliyyətim, istərsə də şəxsiyyətim barədə məlumat almaq istəyənlər "google" və  "vikipedia"ya daxil olub kifayət qədər dolğun məlumat  ala bilərlər".

İ.Piriyev bildirib ki, Oruc Qurbanovun işdə qalması üçün dəfələrlə nazir Əbülfəs Qarayevə müraciət edib:
"Oruc Qurbanovun yaşı 65-ü ötüb. Ondan 5 il sonra da müqavilə bağlanıb. Qanuna görə yaşı 65-i keçmiş cəmi iki nəfəri işdə saxlaya bilərdik. O isə 69 yaşını tamamladı və qanun heç bir halda icazə vermir ki, Oruc Qurbanovu işdə saxlayaq. Biz onun qalıb işləməsi  neçə ildir nazirə məktubla müaricət etmişik.  Qeyd edim ki. bu il özü müqavilə bağlamaq üçün müraciət etmədi və getdi. Ancaq nə zamansa bir tamaşalıq dəvət edə bilərik". 

Qeyd edək ki, 2010-17-ci illərdə İrəvan Dövlət Azərbaycan Dram Teatrının baş rejissoru vəzifəsində çalışmış Oruc Qurbanov direktor İftixar Piriyev barəsində nazir Əbülfəs Qarayevə məktub yazıb.

İntiqam VALEHOĞLU
Ölkə.Az

ŞƏRH YAZ
0

Tanınmış alim vəfat etdi

Tanınmış alim vəfat etdi
15:45
Bu gün
416
Mədəniyyət
A
Görkəmli alim Əsəd Musayev vəfat edib.

"Ölkə.Az" xəbər verir ki, bu barədə APA-ya Kənd Təsərrüfatı Nazirliyindən (KTN) məlumat verilib.

Bildirilib ki, Ə. Musayev yanvarın 21-də 80 yaşında dünyasını dəyişib.

Əsəd Cənnət oğlu Musayev uzun müddət Aqrar Elm Mərkəzinə və Əkinçilik Elmi-Tədqiqat İnstitutuna rəhbərlik edib.

Ə. Musayevin tədqiqat işləri nəticəsində yüzlərlə buğda, çovdar və digər dənli bitkilərin təbii hibrid formaları toplanıb. Rəhbərlik etdiyi “Bitki seleksiyası” şöbəsində bir sıra buğda, arpa, qarğıdalı, soya, lobya, noxud, tritikale bitkilərinin 20 mindən çox genofondunun toplanmasına nail olunub, dənli, dənli-paxlalı bitkilərin 90-dan çox sortu yaradılıb, KTN yanında Bitki Sortlarının Qeydiyyatı və Toxum Nəzarəti üzrə Dövlət Xidmətinə verilib. İndiyədək onlardan 47-si rayonlaşıb və patentləşib. Bu sortlar hər il respublikada 600 min hektardan artıq sahədə əkilir. 

Mərhum alim “Şərəf nişanı” ordeni ilə təltif edilib, əməkdar kənd təsərrüfatı işçisi fəxri adına və Azərbaycan prezidentinin fərdi təqaüdünə layiq görülüb.

ŞƏRH YAZ
0

“Paddinqton 2” Azərbaycan dilində nümayiş olundu — Foto

“Paddinqton 2” Azərbaycan dilində nümayiş olundu
22:27
21.01.2018
570
Mədəniyyət
A
"CinemaPlus Ganjlik Mall"da Azərbaycan dilinə dublyaj olunmuş “Paddinqton 2” filminin nümayişi keçirilib.

"Ölkə.Az" xəbər verir ki, ekran əsərində baş rolları Hyu Bonnevill, Salli Hokins, Brendan Qlison, Hyu Qrant kimi məşhurlar ifa edirlər.

Xronometrajı 103 dəqiqə olan filmin rejissoru Paul Kinqdir.

Filmi Azərbaycan dilinə Murad Dadaşov, Oksana Rəsulova, Aqil M. Quliyev, Kamran Ağabalayev və Sənubər İsgəndərli səsləndiriblər.

Filmin süjet xəttinə görə, Londonun əntiq əşyalar satılan mağazasında gözəl və yaxşı tərbiyə olunmuş ayı Paddinqton qədim qeyri-adi bir kitab tapır. O, bütün ayı gücü ilə həmin kitaba pul yığana kimi, nadir kitab oğurlanır. Paddinqton, it konservləri reklam edən, öz çevrilmə bacarığını bütün Londanda gizlədilən zinət əşyalarının ovuna istifadə edən aktyorun planı olan əsrin hiyləsinə qoşulmuş olur.

Ölkə.Az

ŞƏRH YAZ
0
BAĞLA