Dispetçer solla sağı səhv salıb — Onlarla insan öləcəkdi

Dispetçer solla sağı səhv salıb
22:52
16.05.2019
1367
Dünya
A
Tayvanın “Eva Air” hava yolları şirkətinə aid sərnişin təyyarəsi dağ zirvəsinə çox təhlükəli yaxınlıqdan ötüb keçib.

"Ölkə.Az" Türkiyə mediasına istinadən xəbər verir ki, buna səbəb aviadispetçerin solla sağı səhv salması hadisəsi olub.

İnsident 2016-cı ildə Los-Ancelesdən Taypeyə uçan “Boeing 777” laynerində baş versə də, araşdırma nəticələri yalnız indi ictimailəşib. Məlum olub ki, əlverişsiz hava şəraiti ilə əlaqədar dispetçer təyyarəni şərqə istiqamətləndirməli olduğu halda, qərbə yönəldib.

Əvvəl pilota 180 dərəcə sola uçmaq və iki min metr yüksəkliyə qalxmaqla bağlı təlimat verilib. 40 saniyədən sonra isə sağa 180 dərəcə döndərməsini istəyib. Ardınca havada “Air Canada” şirkətinə aid “Boeing” təyyarəsi ilə toqquşmaması üçün 1,5 min metr yüksəklikdə uçmasını tələb edib. Çox keçmədən dispetçer yenidən hər şeyi qarışdıraraq, “Eva Air” təyyarəsini yanlış istiqamətə göndərib.

Nəticədə Tayvan layneri Vilson dağlarının 500 metr yaxınlığından keçərək, pilotlara həyəcanlı anlar yaşadıb.

Ölkə.Az

ŞƏRH YAZ
0

İngiltərənin baş naziri istefa verir

İngiltərənin baş naziri istefa verir
14:10
Bu gün
507
Dünya
A
İngiltərənin baş naziri Tereza Mey bu gün səhər açıqlama verərək istefa tarixini elan edəcəyini bildirib.

“Ölkə.Az” xəbər verir ki, Tereza Mey bu gün iqtidar partiyasının kabinetdə təmsil olunmayan millət vəkilləri ilə görüş keçirəcək və görüşdən sonra istefa tarixini açıqlayacaq. İqtidardakı “Mühafizəkarlar” partiyası isə yeni liderin seçilməsi üçün vaxt təyin edəcəklər. Nazirlərin məlumatına görə lider seçimi üçün yarış 10 iyun tarixində başlaya bilər.

Qeyd edək ki, Meyin istefasına səbəb İngiltərənin Avropa İttifaqından ayrılması məsələsi olub. Onun Breksit layihəsi parlament tərəfindən 3 dəfə rədd edilib.

Hikmət Həsənov
Ölkə.Az

ŞƏRH YAZ
0

Paşinyan sözünü “yedi” — Aşot hərbi xidmətinə Ermənistanda davam edəcək

Paşinyan sözünü “yedi”
13:18
Bu gün
769
Dünya
A
Siyasi vəziyyətin gərginləşməsi səbəbindən Nikol Paşinyanın oğlu Aşot Paşinyan xidmətini davam etmək üçün Qarabağdan təcili Ermənistana köçürüb.

“Ölkə.Az” xəbər verir ki, bu barədə erməni mətbuatı yazıb. Məlumata əsasən, Aşot Paşinyan Arteziandan Sovetaşendəki hərbi hissəyə köçürülüb. Anti-inqilabi qüvvələr bu faktı Paşinyana qarşı istifadə ediblər. Paşinyan qorxudan oğlunu Ermənistana gətirib.

“Armadily.am” portalına müsahibə verən Ermənistan müdafiə nazirliyinin mətbuat xidmətinin rəhbəri Artsrun Hovannisyan qeyd edib ki, əsgərlər hərbi xidmət dövründə müxtəlif bölgələrə hərəkət edirlər:

"Bizim əsgərlər müxtəlif təlimlər üçün müxtəlif yerlərə hərəkət edə bilərlər. Bu məsələni şişirtmək düzgün deyil”.

Hovannisyan əlavə edib ki, Sovetaşendə heç bir hərbi baza yoxdur və guya Aşot burada hərbi təlimdə olacaq.

Amma erməni mətbuatı əksinə, qeyd edirlər ki, Paşinyan qorxduğundan bu addımı atıb.

Hikmət Həsənov
Ölkə.Az

ŞƏRH YAZ
0
BAĞLA