Dizel yanacağının qiyməti dəyişəcəkmi? — RƏSMİ

Dizel yanacağının qiyməti dəyişəcəkmi?
09:30
16.07.2017
11
Ölkə
A
Azərbaycanın Tarif şurasının (qiymət) gündəliyində dizel yanacağının qiymətinə yenidən baxılması məsələsi yoxdur.

ÖlkəAz Trend-ə istinadən xəbər verir ki, bu fikirləri Tarif (qiymət) Şurasının katibi İlkin Məcidov AzTv telekanalının efirində bildirib.

"Hazırda Tarif şurasının gündəliyində hər hansı tariflərin, o cümlədən dizel yanacağının tariflərinin, dəyişdirilməsi ilə əlaqədar məsələ yoxdur".

O həmçinin qeyd edib ki, Аİ-92 markalı benzinin qiymətinin artırılması məsələsi dəfələrlə müzakirəyə qoyulub, lakin əvvəlki illərdə bu addım məqsədəuyğun hesab edilməyib: "Strukturlar tərəfindən müraciət daxil olduqda, məsələ dərhal müzakirəyə çıxarılmır. İlk olaraq ciddi təhlil aparılır, və yalnız bundan sonra məsələ müzakirəyə çıxarılır, nəticədə Şura tariflərin dəyişib-dəyişməmək haqda qərar qəbul edir. Yanacağın tarifləri sonuncu dəfə 2013-ci ildə dəyişdirlib, amma bu o demək deyil ki, ötən dörd il ərzində tariflərin dəyişdirilməsi üçün bizə müraciət olunmayıb. Sadəcə, bu günə qədər bu addım məqsədəuyğun hesab edilmirdi".

ŞƏRH YAZ
0

İxrac nəzarətinə düşən mallar üzrə xüsusi icazənin verilməsi qaydaları dəyişib

İxrac nəzarətinə düşən mallar üzrə xüsusi icazənin verilməsi qaydaları dəyişib
00:35
Bu gün
922
Ölkə
A
Nazirlər Kabineti “İxrac nəzarətinə düşən mallar (işlər, xidmətlər, əqli fəaliyyətin nəticələri) üzrə xüsusi icazənin verilməsi Qaydaları”nda dəyişikliklər edib.

“Ölkə.Az” APA-ya istinadən xəbər verir ki, bu Qaydalar ixrac nəzarətinə düşən malların (işlərin, xidmətlərin, əqli fəaliyyətin nəticələrinin) nəzarət siyahısı üzrə ixracına, idxalına, təkrar ixracına, təkrar idxalına, tranzitinə xüsusi icazənin verilməsi qaydalarını müəyyən edir.

İxrac nəzarətinə düşən malların nomenklaturuna uyğun kodlar üzrə, habelə işlərin, xidmətlərin, əqli fəaliyyətin nəticələrinin qanunvericiliklə müəyyən edilmiş siyahısındakı malların (işlərin, xidmətlərin, əqli fəaliyyətin nəticələrinin) kateqoriyaları və bölmələri üzrə müvafiq dövlət orqanları tərəfindən verilən xüsusi icazə mülkiyyət və təşkilati-hüquqi formasından asılı olmayaraq, hüquqi şəxslər və hüquqi şəxs yaratmadan sahibkarlıq fəaliyyəti ilə məşğul olan fiziki şəxslər (sifarişçilər) tərəfindən bu Qaydalarda göstərilən əməliyyatların hər hansı birini həyata keçirməyə icazə verən rəsmi sənəddir. Dəyişiklik xüsusi icazə almaq üçün sifarişçilərin ixrac nəzarətinə düşən malların nomenklaturuna uyğun, habelə işlərin, xidmətlərin, əqli fəaliyyətin nəticələrinin qanunvericiliklə müəyyən edilmiş siyahısında göstərilən malların (işlərin, xidmətlərin, əqli fəaliyyətin nəticələrinin) kateqoriyaları və bölmələri üzrə xarici iqtisadi əməliyyatların növlərindən asılı olaraq, müvafiq dövlət orqanlarına təqdim etməli olduqları sənəd  və məlumatlarla bağlıdır. Bundan sonra xüsusi icazə almaq üçün ərizədə malın son istifadəsi və texniki təsnifatı haqqında məlumat  tələb olunmayacaq. Eyni zamanda ixrac edilən malın mənşə sertifikatının əsli deyil, surəti tələb olunacaq.

Ölkə.Az

ŞƏRH YAZ
0

Xəlil Rzanı təhqir edən gənc yazar üzr istədi

Xəlil Rzanı təhqir edən gənc yazar üzr istədi
23:54
16.01.2018
1434
Ölkə
A
Gənc yazar Kəramət Böyükçöl Xəlil Rza Ulutürkü təhqir etdiyinə görə üzr istəyib.

“Ölkə.Az” xəbər verir ki, gənc yazar bu barədə “Facebook” səhifəsində status paylaşıb.

“Bir neçə gün bundan əvvəl feysbuk səhifəmdə Xəlil Rza Ulutürk haqqında yazdığım fikirlər birmənalı qarşılanmadı. Sərt reaksiya göstərildi. Mən şəhid atası Xəlil Rza haqqında səsləndirdiyim fikirlərin kökündən yalnış olduğunu anladım və buna görə Xəlil Rzanın və onun qəhrəman oğlu şəhid Təbriz Xəlilbəylilinin ruhundan, onların ailəsindən, eyni zamanda Xəlilsevərlərdən üzr istəyirəm. Şəhidlər torpağa basdırılmış ehtiyat qüvvələrimizdir. Nə qədər torpaq altında yatan şəhidlərimiz var, vətənimiz bir o qədər böyük və qüdrətlidir”, - deyə Kəramət Böyükçöl qeyd edib.

Qeyd edək ki, bir müddət əvvəl gənc yazar Xəlil Rza Ulutürkün ünvanına xoş olmayan fikirlər yazıb. Bu fikirlər isə böyük səs-küyə və etirazlara səbəb olub.

Ölkə.Az

ŞƏRH YAZ
0
BAĞLA