Dmitri Medvedev Türkiyədə Binəli Yıldırımla görşəcək

Dmitri Medvedev Türkiyədə Binəli Yıldırımla görşəcək
20:39
19.05.2017
28
Dünya
A
Rusiya baş naziri Dmitri Medvedev Türkiyəyə rəsmi səfər edəcək.

“Ölkə.Az” xəbər verir ki, səfər may ayının 22-də baş tutacaq. Səfər çərçivəsində D. Medvedev İstanbulda keçiriləcək Qara dəniz İqtisadi Əməkdaşlıq Təşkilatının zirvə toplantısında iştirak edəcək. 

D.Medvedev səfər zamanı Türkiyənin baş naziri Binəli Yıldırımla görüşəcək.

D.Medvedevi Türkiyə səfərində baş nazirin müavini Arkadiy Dvorkoviç və energetika naziri Aleksandr Novak da müşayət edəcəklər.

Görüş zamanı iki baş nazir iqtisadi-ticarət münasibətləri barədə də danışıqlar aparacaqlar. Bu sahədə mövcud problemlər müzakirə obyekti olacaq.

Qeyd edək ki, Qara dəniz İqtisadi Əməkdaşlıq Təşkilatının zirvə toplantısında Türkiyə prezidenti Rəcəb Tayyib Ərdoğan, Yunanıstan lideri Prokopis Pavlopulos, Moldova prezidenti İqor Dodon və Rumıniya baş naziri Sorin Qrindyan da iştirak edəcəklər.

Ziya Səccad
Ölkə.Az

ŞƏRH YAZ
0

Ərdoğanla Putin Afrindən danışdı

Ərdoğanla Putin Afrindən danışdı
00:23
Bu gün
502
Dünya
A
Türkiyə Prezidenti Rəcəb Tayyib Ərdoğanla Rusiyanın dövlət başçısı Vladimir Putin arasında telefon danışığı olub.

"Ölkə.Az" xəbər verir ki, ikitərəfli əlaqələrin də müzakirə olunduğu telefon danışığında Türkiyənin Afrində həyata keçirdiyi hərbi əməliyyat, o cümlədən Suriyadakı hadisələr haqqında fikir mübadiləsi aparılıb.

Prezident Ərdoğan “Zeytun budağı” əməliyyatında məqsədin Afrin bölgəsini PYD/YPG və İŞİD kimi terror təşkilatı ünsürlərindən təmizləmək olduğunu bildirib.

Türkiyənin milli təhlükəsizliyini zəmanət altına almağı hədəfləyən bu əməliyyatın Suriyanın siyasi birliyi və ərazi bütövlüyü baxımından da əhəmiyyətli töhfə olduğunu deyən Ərdoğan Suriya məsələsində Rusiya ilə birlikdə çalışmağa önəm verdiyini vurğulayıb.

Hər iki lider Soçidə keçiriləcək Suriya Milli Dialoq Konqresinin uğuru və siyasi həllinin önünün açılması üçün birgə səyləri davam etdirməkdə qətiyyətli olduqlarını diqqətə çatdırıblar.

Ölkə.Az

ŞƏRH YAZ
0

ABŞ kürd terrorçularına — XƏBƏRDARLIQ ETDİ

ABŞ kürd terrorçularına
22:54
23.01.2018
824
Dünya
A
ABŞ PYD/YPG terror təşkilatına xəbərdarlıq edib.

“Ölkə.Az” xəbər verir ki, bu barədə Pentaqon bəyanat yayıb. Vaşinqton terrorçulara  Suriyanın Afrin bölgəsinə doğru hərəkət etməməyi məsləhət görüb. Bəyanatda qeyd olunur ki, əgər bu xəbərdarlığa əməl edilməsə, ABŞ terrorçulara dəstəyini kəsəcək.

"Suriyanın şimal-şərqindəki PYD/YPG yaraqlıları Afrinə doğru hərəkət edəcəkləri təqdirdə ABŞ-ın dəstəyini itirəcəklər", - deyə açıqlamada bildirilir.

Qeyd edək ki, yanvarın 20-dən Türkiyə Afrində “Zeytun budağı” əməliyyatına başlayıb. Əməliyyat zamanı Türkiyə 3 şəhid verib.

Ölkə.Az

ŞƏRH YAZ
0
BAĞLA