Dollar ucuzlaşır

Dollar ucuzlaşır
14:36
21.03.2019
3778
İqtisadiyyat
A
FED-in (Federal Ehtiyat Sistemi,ABŞ- red) açıq bazarlar üzrə komitəsi uçot dərəcəsini əvvəlki səviyyədə (2,25-2,5 % civarında) saxlamağa qərar verib.

"Ölkə.Az"ın məlumatına görə, FED nümayənədələri  iqtisadi artım templərinin aşağı düşəcəyindən ehtiyat etdiklərinə görə 2019-cu ildə uçot dərəcəsini artırmamağı qət edib.

Bir çox iqtisadi şərhçilər faiz göstəricisinin bir və ya iki faiz qaldırılacağını proqnozlaşdırırdı.

ABŞ-da təkcə 2018-ci il ərzində uçot dərəcəsi üç dəfə 0,25 faiz artırılıb.

Faiz göstəricisinin artırılması adətən dolların digər valyutalara nisbətdə bahalaşmasına gətirib çıxarır.

Lakin “Fed”in  son qərarından sonra dünya valyuta bazarlarında dolların ucuzlaşması müşahidə olunub. Bakı vaxtı ilə saat 09.15-ə olan vəziyyətə görə, avronun dollara nisbətdə məzənnəsi 1,1423 dollara qədər yüksəlib. Dolların yenə nisbətdə məzənnəsi isə 110,55 yenə qədər aşağı düşüb.

Ölkə.Az

ŞƏRH YAZ
0

Bu şəxslər inzibati məsuliyyətə cəlb olunacaq

Bu şəxslər inzibati məsuliyyətə cəlb olunacaq
13:24
21.04.2019
1053
İqtisadiyyat
A
“Gömrük sərhədindən keçirilən malların və nəqliyyat vasitələrinin bəyan edilməsi Qaydaları”da dəyişiklik edilib.

"Ölkə.Az" "Report"-a istinadən xəbər verir ki, Nazirlər Kabinetinin qərarına əsasən, fiziki şəxslər tərəfindən gömrük sərhədindən kommersiya məqsədləri üçün nəzərdə tutulmayan malların keçirilməsi halları istisna olmaqla, mallar gömrük ərazisinə gətirilməzdən əvvəl gömrük orqanlarına elektron formada qısa idxal bəyannaməsi təqdim olunmalıdır.

Bildirilir ki, qısa idxal bəyannaməsinin verilməməsi bəyannaməçinin inzibati məsuliyyətinə səbəb olacaq, lakin bu, gömrük rəsmiləşdirilməsinin və malların buraxılışının həyata keçirilməsinə mane olmayacaq.

Ölkə.Az

ŞƏRH YAZ
0

Azərbaycanın çay idxalı ixracını üstələyib

Azərbaycanın çay idxalı ixracını üstələyib
20:00
20.04.2019
1562
İqtisadiyyat
A
Bu ilin yanvar-mart aylarında Azərbaycan 2,005 mln. ABŞ dolları dəyərində 308,4 ton çay ixrac edib.

"Ölkə.Az"ın Dövlət Gömrük Komitəsinə istinadən verdiyi məlumata görə, bu, ötən ilin eyni dövrü ilə müqayisədə məbləğ baxımından 331 min dollar (14,2%), həcm baxımından isə 45,6 ton (12,9%) azdır. 

Eyni zamanda Azərbaycan 3 ay ərzində 9,986 mln. dollar dəyərində 2,7 min ton çay idxal edib. Bu isə illik müqayisədə məbləğ baxımından 1,871 mln. dollar (15,8%), həcm baxımından isə 366 ton (11,9%) azdır. 

Hesabat dövründə çay ixracı Azərbaycanın ümumi ixracının 0,04%-ni, çay idxalı isə ölkənin ümumi idxalının 0,32%-ni təşkil edib. İdxal ixracı 8,75 dəfə üstələyib.

Qeyd edək ki, Azərbaycanın 3 aylıq ticarət dövriyyəsinin 4 484,55 mln. dolları ixracın, 3 135,58 mln. dolları isə idxalın payına düşüb. Son 1 ildə ixrac 43,1%, idxal isə 33,7% artıb.

ŞƏRH YAZ
0
BAĞLA