Dolların sabaha olan məzənnəsi — RƏSMİ

Dolların sabaha olan məzənnəsi
17:37
16.03.2017
10
İqtisadiyyat
A
Azərbaycan Mərkəzi Bankı (AMB) martın 17-nə olan USD/AZN rəsmi məzənnəsini açıqlayıb.

AMB-dən "Ölkə.Az"a verilən məlumata görə, USD/AZN rəsmi məzənnəsi 1,7202 səviyyəsində müəyyən olunub.
 
Qeyd edək ki, bu gün AMB-də Dövlət Neft Fondunun da iştirakı ilə hərrac keçirilib. Hərracda manatın orta çəkili məzənnəsi 1,7202 səviyyəsində formalaşıb. Beləliklə, bugünkü hərracda manat dollara nisbətən 0,46% bahalaşıb.

Ölkə.Az

ŞƏRH YAZ
0

Benzinin bahalaşması avtomobil bazarına necə təsir edəcək? — Ekspert rəyi

Benzinin bahalaşması avtomobil bazarına necə təsir edəcək?
22:51
17.11.2017
3030
İqtisadiyyat
A
Benzinin qiymətinin bahalaşması və gömrük rüsumunun yeni ildən artırılacağı barədə gəzən söz-söhbətlər avtomobil bazarına təsirsiz ötüşməyəcək.

İlin sonuna yaxınlaşdıqca proqnozlara görə milli valyutamız xarici valyutalara qarşı dəyər itirəcək. 

Bütün bu hadisələrin avtomobil bazarına təsiri barədə "Ölkə.Az" Rəşad Quliyevin şərhini diqqətinizə çatdırır:

"İlk növbədə Aİ-95 (Premium) və Aİ-98 (Super) markalı benzinin bahalaşması yenidən dizel avtomobillərinə marağın artacağına səbəb olacaq. Nəticə etibarı ilə qara bazarda dizel mühərriki ilə işləyən avtomobillərin də süni qiymət artımı qaçılmazdır. Çünki aradakı fərq 50%i ötüb keçməkdədir. Qismən, benzinlə çalışan yeni avtomobillərin bu markalı yanacaqla işləməsi əhalinin xərclərinin artmasına və başqa, alternativ, cibə uyğun seçim etmələrinə gətirib çıxardacaq". 

R.Quliyev avtomobil bazarındakı vəziyyətə də toxunub:

"Ümumiyyətlə son aylarda avtomobil bazarında idxal və satışda müəyyən qədər artım hiss olunur. Buna səbəblərdən biri, 2018-ci il yanvar ayının 1-dən etibarən gömrük idxal rüsumunun və aksiz vergisinin müəyyən qədər qaldırılacağı haqda insanlarımız arasında yayılan xəbəridir. Belə ki, ölkədə avtomobil istehsalının olması xaricdən avtomobil idxalında rüsumun bahalaşması ilə nəticələndiyinə görə, ölkəmizin də bu yanaşmaya doğru getdiyini sezmək olar. Buna görədə Gömrük Komitəsindən rəsmi təsdiq olmasa da, rüsumların və verginin yaxın zamanlarda qaldırılacağı istisna edilmir. Aparılan araşdırmalardan görsənir ki, yeni ilə yaxınlaşdıqca rəsmi diller və qara bazarda satışlar sürətlə artır. Baxmayaraq ki, avro dollara və manata nisbətən güclənir və idxal əsasən Avropa ölkələrindən asılıdır. Bundan əlavə dekabr ayının yaxınlaşması, turistlərin, xüsusilə də ölkəmizdə yeni ili keçirmək və ov məqsədi ilə gələn ərəb turistlərin xidmətində istifadə olunan minivanların satışı və sifarişi də getdikcə artmaqdadır".

ŞƏRH YAZ
0

Benzin bahalaşdı — Sabahdan bu qiymətə satılacaq

Benzin bahalaşdı
20:08
17.11.2017
13323
İqtisadiyyat
A
Azərbaycana idxal edilən “Aİ-95” premium və “Ai-98” super markalı benzinin qiyməti bahalaşıb.

“Ölkə.Az” xəbər verir ki, hazırda “Aİ-95” premium markalı benzinin yeni qiyməti 1,25 AZN, “Ai-98” super markalı benzinin qiyməti 1,50 AZN təşkil edir.

SOCAR həmin markalı yanacağın bahalaşma səbəbini benzinin başqa ölkələrdən idxal edilməsilə əsaslandırıb. Qeyd olunur ki, “Aİ-95” və “Ai-98” markalı benzinin qiyməti dünya bazarında premium markalı benzinin qiymət tendensiyasından asılıdır.

“Qiymət artımı respublikamızda istehsal olunan və sürücülərin böyük əksəriyyətinin istifadə etdiyi “Aİ-92” markalı benzinə şamil olunmur. Yəni istər “Aİ-92” markalı benzinin, istərsə də dizel yanacağının qiymətində dəyişiklik olmayacaq.

Qeyd edək ki, “Aİ-95” premium markalı və “Ai-98” super markalı benzindən sürücülərin az qismi istifadə edir. Bu isə bu markalarda yanacağa olan tələbatın “Aİ-92” markalı benzinə olan tələbatdan qat-qat az olmasından irəli gəlir.

Xatırladaq ki, xaricdən idxal olunan məhsulların qiymətinin tənzimlənməsi Tarif Şurasına aid olmadığı üçün "AI-95 Premium" markalı benzin qiyməti də qurum tərəfindən tənzimlənmir. Yeni qiymətlər yalnız lüks avtomobil sürücülərinə təsir edəcək.

Qeyd etdiyimiz kimi, respublikamıza xaricdən gətirilən və müəyyən mənada xarici bazarlardakı qiymətlərdən asılı olan “Aİ-95” premium markalı və “Ai-98” super markalı benzinin qiyməti sərbəst təyin edilir. Eyni zamanda bu markadan olan benzinin qiyməti həm region, həm də dünyanın digər ölkələrində bahalaşıb.

Məsələn, Rusyada “Ai-95” markalı benzinin topdansatış qiyməti 1,7%, “Ai-92” markalı benzinin qiyməti isə 2,3% artıb, Gürcüstanda isə oktyabr-noyabr aylarında dizel yanacağının qiyməti 6-11 tetri, benzinin qiyməti isə 5-10 tetri bahalaşıb.

Bütün bunlar onu göstərir ki, proses digər ölkələrdə də baş verir. Respublikamıza xaricdən idxal edilən “Aİ-95” premium markalı və “Ai-98” super markalı benzinin qiymətindəki artım isə qonşu Rusiyadan və Gürcüstandan fərqli olaraq benzinin digər növlərinin qiymətinə təsir etməyəcək.

Ölkə.Az

ŞƏRH YAZ
1
BAĞLA