"Dolu"nun Drakonu 100 manat cərimə ödəyəcək

12:45
08.02.2018
2627
Maqazin
A
Bakı şəhəri 220 nömrəli məktəb – liseyində aktyor Rza Rzayevlə məktəb direktoru arasında baş vermiş insidentlə bağlı hüquq-mühafizə orqanlarına şikayət olunmuşdu.

 “Ölkə.Az”-a verilən məlumata görə, artıq Nizami RPİ-nin 24-cü polis bölməsində daxil olan şikayətlə bağlı aidiyyatlı şəxslər dindirilib və R.Rzayevin əməlinə inzibati xətalar məcəlləsinin 510-cu (xırda xuliqanlıq) maddəsi ilə qiymət verilib. 

Belə ki, xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə - əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur.

Xatırladaq ki, Bakı şəhəri 220 nömrəli məktəb – liseyində baş vermiş hadisə ilə bağlı Bakı Şəhər Təhsil İdarəsində (BŞTİ) araşdırma aparılır.

BŞTİ-dən "Ölkə.Az"a verilən məlumata görə, yanvarın 29-da özünü 220 nömrəli məktəb-liseyin direktor müavini Zeynəb Rzayevanın qardaşı kimi təqdim edən Rza Rzayev direktorun otağına daxil olaraq, heç bir səlahiyyəti olmadığı halda, məktəbin işinə kobud şəkildə müdaxilə edərək, ifadə edilməsi mümkün olmayan nalayiq ifadələrlə direktoru təhqir və təhdid edib.

 “Həmin hadisə digər şəxslərin şahidliyi ilə baş verib. Bakı şəhəri 220 nömrəli məktəb – liseyin direktorunun xidməti otağında açıq şəkildə quraşdırılmış video kameradan görüntülər və hadisə barədə müvafiq akt hüquq-mühafizə orqanlarına təqdim edilib. Məsələnin nədən qaynaqlandığına gəlincə, 220 nömrəli məktəb-liseyin direktor müavini Zeynəb Rzayeva 29.01.2018-ci il tarixində direktor tərəfindən dəvət edilərək, ona təlim-tərbiyə işləri üzrə direktor müavinlərinin vəzifə səlahiyyətlərinin bölgüsündə II yarım ildən etibarən dəyişiklik ediləcəyi bildirilib. Heç bir maaş dəyişikliyi gözlənilmədiyi halda, Zeynəb Rzayeva bu qərara etiraz edib. Bundan əlavə, məlum olub ki, direktor müavini Zeynəb Rzayeva müəllimlərdən pul alındığını qeyd etdiyi siyahı hazırlayıb və sonradan həmin siyahıya başlıq əlavə edərək mətbuata verib. Bu məsələnin də araşdırılması ilə bağlı müvafiq qaydada müraciət olunub. Fevralın 1-də 220 nömrəli məktəb-liseydə BŞTİ əməkdaşının iştirakı ilə müəllimlərlə iclas keçirilib və müəllimlər tərəfindən müvafiq iddiaların tamamilə əsassız olduğu bildirilib. Hazırda məsələ ilə bağlı BŞTİ tərəfindən də müvafiq araşdırmalar aparılır” – məlumatda deyilir.

Qeyd edək ki, R. Rzayev aktyordur. R. Rzayev direktor müavini olan bacısı Z. Rzayevanın işdən çıxarıldığını deyərək məktəb direktorunun rüşvət yığdığını iddia edib.

ŞƏRH YAZ
0

"Azərbaycanın səsi"nin finalçısı Rəhim Rəhimlinin elə görüntülərini paylaşdı ki... — FOTOLAR

11:18
20.02.2018
7731
Maqazin
A
"Azərbaycanın səsi" musiqi yarışmasının finalçısı Dua Murad (Aynur Hacıqurbanlı) arxivindən fotolar paylaşıb.

"Ölkə.Az"ın məlumatına görə, 1995-ci ildə "Yaşıl yarpaq 95" müsabiqəsində çəkilən görüntülərdə bir sıra məşhur şəxslər yer alıb.  Sənətçi fotoları paylaşmaqla bəzi həmkarlarına ismarış yollayıb:

"Bu gün bəzi müğənnilər səhnədəki bir-iki illik fəaliyyətlərinin davasını edirlər. Mənəm-mənəm deyib, sinələrinə döyürlər. Sənət olmayan yerdə sənətdən danışırlar, daha doğrusu, sənətdən başqa hansı mövzuyla desəniz, gündəmə gəlirlər. Bu da məndən onlara bir müjdə. Yeri gəlmişkən, aparıcını yəqin ki, tanıdınız. Bəli, Rəhim Rəhimlidir. Münsiflər də hazırda xalq artistləridir".

Qeyd edək ki, 1995-ci ildə keçirilən "Yaşıl yarpaq 95" müsabiqəsinin münsiflər heyətində xalq artistləri Flora Kərimova, Cavanşir Quliyev, Faiq Ağayev, Baba Mahmudoğlu və Yalçın Rzazadə, əməkdar artist Yaqub Zurufçu təmsil olunurdular. Sözügedən müsabiqədə Aynur Hacıqurbanlı ilə yanaşı, hazırda məşhur olan bir neçə ifaçı, o cümlədən əməkdar artist Zaur Əmiraslanov iştirak ediblər. 

İntiqam VALEHOĞLU
Ölkə.Az

ŞƏRH YAZ
1

"Verilişlərin səviyyəsi qane etmir" — Elxan Şirinov

12:12
19.02.2018
5600
Maqazin
A
Tanınmış müğənni Elxan Şirinov efirlərdə az görünməsindən danışıb.

Sənətçi "Ölkə.Az"-ın əməkdaşıyla söhbətində bunun öz istəyi olduğunu diqqətə çatdırıb:

"Məni efirə yetərincə dəvət edirlər. Sadəcə indiki ağlımla belə dərk edirəm ki, efirə az çıxmaq lazımdır. Ona görə də nə qədər istəyirəmsə, o qədər efirə çıxıram. Allah şahidimdir ki, dəvətlər olur. Sadəcə, bəzi hallarda verilişlərin səviyyəsi qane etmir".

Qeyd edək ki, E.Şirinov daha çox lirik mahnıların ifaçısı kimi tanınır.

İntiqam VALEHOĞLU
Ölkə.Az

ŞƏRH YAZ
0
BAĞLA