Donald Tramp Avropa İttifaqını hədələdikdən sonra müqavilə imzalayıb

“Ölkə.Az” xəbər verir ki, Trampın sözlərinə əsasən, Avropa İttifaqı gömrük vergisinin qarşısını almaq üçün ticarət müzakirələrinə razılıq verib. Tramp deyib: “Yunker Avropadan ofisimə o qədər sürətlə gəldi ki, o qədər sürətli təyyarələrinin olduğunu bilmirdim”.

Tramp və Polşa prezidenti Andrzej Duda Ağ Evdə keçirilən görüşdən sonra mətbuat konfransı keçiriblər. Aİ-nin də Çin kimi ABŞ-dan sui-istifadə etdiyini iddia edən Tramp “Bu bir prosesdir. Bir az vaxt alır. Aİ bizimlə danışmırdı. Prezident Obama ilə də danışmırdılar” deyib.

Tramp bildirib ki, Aİ Komissiya sədri Jan Klod Yunklerin müzakirə təklifini rədd edib:

“Yunker yenidən müzakirələri istəmədi. 3 dəfə təklif etdikdən sonra da istəmədi. Mən də “artıq müzakirə etmək məcburiyyətində deyilsiniz. Sizin ABŞ-a göndərdiyiniz milyonlarla avtomobilə vergi tətbiq edəcəyik” dedim. Bu zaman Yunker çox sürətlə Ağ Evə gəldi”.

Bundan sonra isə tərəflər arasında razılıq əldə edilib.

Hikmət Həsənov
Ölkə.Az