“Donald Tramp böyük səhvə imza atır” — Emmanuel Makron

“Donald Tramp böyük səhvə imza atır”
23:51
06.12.2017
1083
Dünya
A
Fransa prezidenti Emmanuel Makron ABŞ prezidenti Donald Trampın verdiyi qərara görə üzgün olduğunu bildirib.

“Ölkə.Az” xəbər verir ki, Emmanuel Makron jurnalistlərə açıqlamasında deyib ki, Trampın yeni qərarına görə təssüflənir. Onun sözlərinə görə, Trampın Qüds şəhərini İsrailin paytaxtı kimi tanıma qərarı düzgün deyil.

“Düşünürəm ki, D.Tramp Amerika tarixində ən böyük səhvə imza atır. Çox təəssüf edirəm ki, o belə qərar verib. Amerikanın Qüds şəhərini İsrailin paytaxtı kimi tanıması səhv qərardır”, - deyə E.Makron bildirib.

Qeyd edək ki, ABŞ Prezidenti Donald Tramp Amerikanın Qüds şəhərini İsrailin paytaxtı kimi tanıdığını elan edib. Onun sözlərinə görə, Qüdsü (Yerusəlim) İsrailin paytaxtı kimi tanımağın vaxtı gəlib çatıb.

“Qərara gəldim ki, Qüdsün İsrailin paytaxtı kimi tanınmasının vaxtı gəlib çatıb. Amerika bu addıma qarşı deyil və Qüdsü İsrailin paytaxtı kimi tanıyacaq”, deyə D.Tramp vurğulayıb.

Ziya Səccad
Ölkə.Az

ŞƏRH YAZ
0

İsveçdə 66 ilin ən isti yayı — Müsəlmanlar yağmur duası etdi

İsveçdə 66 ilin ən isti yayı
23:59
22.07.2018
1050
Dünya
A
İsveçdə müsəlmanlar meşə yanğınlarının qarşısını almaq üçün yağmur duası edib.

“Ölkə.Az” xəbər verir ki, müsəlmanlar Stokholmda Tensta adlanan ərazidə toplanıb. Onlar ölkədə 40 yerdə davam edən meşə yanğınlarının qarşısının alınması üçün yağmur namazı qılıb. 

Namaza qatılan isveçli alim İohann Abhdulla Klominek İsveçdə 4 aydır, yağış yağmadığını, bunun üçün duaya çıxdığını deyib. O, ölkədə anormal quraqlıq olduğunu da əlavə edib. 

Sinoptiklər ölkədə son 66 ilin ən isti yayının müşahidə edildiyini açıqlayıb.

Ölkə.Az

 

ŞƏRH YAZ
0

İranda növbəti zəlzələ — 800 bina dağıldı, 287 yaralı var + YENİLƏNİB

İranda növbəti zəlzələ
23:45
22.07.2018
1746
Dünya
A
İranın qərbində Kermanşah vilayətində 5.9 bal gücündə baş verən zəlzələ nəticəsində xəsarət alanların sayı 287 nəfərə çatıb.

"Ölkə.Az" xəbər verir ki, zəlzələdən 43 kəndə ziyan dəyib, 101 bina isə tamamilə dağılıb.

Vilayətin şəhər və kəndlərində 800-dən çox binanın qismən dağıldığı bildirilir.

Hazırda təmir işləri aparılır.

***

İranda baş verən zəlzələ zamanı xəsarət alanların sayı 146 nəfərə çatıb.

"Ölkə.Az" xəbər verir ki, zəlzələ zamanı xəsarət alanlardan 21-i xəstəxanalara yerləşdirilib. 

***

İranda bu gün ərzində növbəti dəfə zəlzələ baş verib.

"Ölkə.Az" xəbər verir ki, İranın qərbindəki Kirmanşah əyalətində qeydə alınan zəlzələ 5,9 bal gücündə olub. 

Zəlzələ nəticəsində 128 nəfər xəsarət alıb. 

Ölkə.Az

ŞƏRH YAZ
1
BAĞLA