Donald Tramp Kim Çen İn haqqında danışdı
"Ölkə.Az" xəbər verir ki, ABŞ prezidenti buna rəğmən ciddi bir toqquşma riskinin olduğunu da söyləyib. Tramp çox gənc yaşda hakimiyyətə gələn Kim Çen İnin işinin çox çətin olduğunu vurğulayıb.
"Reuters"-ə müsahibə verən Tramp Şimali Koreya ilə problemi sülh yolu ilə həll etmək istədiyini, iqtisadi sanksiyaların tətbiq ediləcəyini bildirib. Amma Tramp hərbi həll yolunun da istisna olmadığını qeyd edib.
Tramp deyib: "Şimali Koreya ilə çox ciddi bir toqquşmaya girmək ehtimalı var. Biz məsələni diplomatik yollarla həll etmək istəyirik, amma bu çox çətindir. Şimali Koreya ABŞ-ın ən böyük qlobal problemidir".
Kim Çen İnin məntiqli olub-olmadığı barədə suala Tramp belə cavab verib: "Bunu bilmirəm. Amma ümid edirəm ki, Kim Çen İn məntiqlidir. 27 yaşı olanda atası vəfat edib və o, hakimiyyətə gəlib. İstədiyinizi deyə bilərsiniz, amma bu yaşda çox çətin işdir. Onun etdiyi işi görmək istəyən çoxlu general və insanlar var. Onun etdiklərinin haqlı və ya haqsız olduğunu demirəm. Sadəcə deyirəm ki, gördüyü iş çox çətindir".
Hikmət
Ölkə.Az
