Donald Tramp: “Kim Çen İnlə sənəd imzalayacam”
ABŞ prezidenti Donald Tramp bəyan edib ki, Şimali Koreya lideri Kim Çen İnlə sənəd imzalayacaq.
“Ölkə.Az” xəbər verir ki, bununla yanaşı, Tramp jurnalistlərə söhbətin hansı sənəddən getdiyini deməyib:
“Biz bu dəqiqə sənəd imzalamağa gedirik”.
Trampın sözlərinə görə, görüşdə böyük proqres əldə edilib. Sammit gözləndiyindən də yaxşı keçib.
Qeyd edək ki, Tramp və Kim Çen İnin görüşü Sinqapurun Sentos adasındakı “Kapella” otelində keçirilir.
Görüş tərəflərin əl sıxması ilə başlayıb. 45 dəqiqə təkbətək keçən danışıqlardan sonra tərəflər geniş formatda sammitə davam ediblər. Bundan sonra nümayəndə heyəti nahara yollanıb.
Hikmət Həsənov
Ölkə.Az
