Donald Tramp: “Müharibə İranın sonu olacaq”
ABŞ İranla münasibətlər kəskinləşdiyi üçün Fars körfəzi və yaxınlığına yeddi hərbi gəmi, “Patriot” zenit-raket kompleksi cəlb edib.
“Ölkə.Az” xəbər verir ki, ABŞ prezidenti Donald Tramp da İranı mümkün müharibə ehtimalı ilə hədələyib.
“Əgər İran müharibə istəsə, bu onun rəsmi sonu olacaq. Heç vaxt ABŞ-ı hədələmə”,- deyə Tramp Tvitterdə yazıb.
Bundan başqa, Tramp jurnalistlərə müsahibəsində bildirib ki, müharibəyə can atmır. Onun istəyi iqtisadi həmlədir: “Müdaxilə olsa, iqtisadi olacaq”.
ABŞ prezidenti vurğulayıb ki, İranla müharibə istəmir və onun yeganə istəyi İslam Respublikasına nüvə silahı istehsal etməyə icazə verməməkdir.
Qeyd edək ki, İranın Ali Ruhani Lideri Əli Xamenei bəyan edib ki, İran ABŞ-la müharibəyə girmək niyyətində deyil, amma Vaşinqtona qarşı mübarizə aparmaqda davam edəcək.
Hikmət Həsənov
Ölkə.Az
