Donald Tramp: \"Qətərlə xoş münasibətlərimiz davam edəcək\"
ABŞ prezidenti Donald Tramp yeni açıqlama verib.
"Ölkə.Az" xəbər verir ki, Qətər böhranına baxmayaraq, ABŞ Qətərlə xoş münasibətlərini davam etdirəcək.
"CBN" kanalına müsahibə verən ABŞ prezidenti deyib: "Qətər ilə xoş münasibətləri davam etdirəcəyik. Hərbi baza ilə bağlı isə heç bir problemimiz olmayacaq".
Tramp həm də bildirib ki, ABŞ Qətərdəki hərbi bazadan çıxmaq məcburiyyətində qalsa, Amerika üçün könüllü baza inşa etmək istəyən 10 ölkə var.
Qətərin terroru maliyyələşdirməsi barədə iddiaları isə Tramp belə şərh edib: "Səudiyyə Ərəbistanı ilə danışdım. Terrorun maliyyəsinin dayandırılmasının lazım olduğunu bildim. Qətər də terroru maliyyələşdirənlərdən biri olaraq bilinir. Terroru maliyyələşdirən varlı ölkələr ola bilməz".
Hikmət Həsənov
Ölkə.Az
