Donald Tramp Roma Papası ilə görüşdü
ABŞ prezidenti Donald Tramp Vatikanda Roma Papası ilə görüşüb.
"Ölkə.Az" xəbər verir ki, Tramp Vatikana səfər çərçivəsində katoliklərin ruhani lideri Roma Papası Fransisk ilə görüşüb.
Apostol sarayına girişdə prezidenti, birinci xanımı və İvanka Trampı Papa evinin perfekti arxiyepiskop Georq Gensvayn qarşılayıb. Tərəflər arasında görüş 20 dəqiqə davam edib.
Prezident və onun ailəsinə bir az sonra Amerika nümayəndə heyəti də qoşulacaq. Onlar Vatikanın dövlət katibi kardinal Pyetro Parolin ilə görüşəcəklər.
Tramp Roma və Vatikana planlaşdırılmış ekskursiya proqramı çərçivəsində Sikstin kapellasını və Müqəddəs Pyotr məbədini ziyarət etmək niyyətindədir.
Sonra isə ABŞ prezidenti Belçikaya yola düşəcək.
Hikmət
Ölkə.Az
