Donald Tramp: “Şimali Koreya tamamən yer üzündən silə bilərik”

“Ölkə.Az” xəbər verir ki, Tramp bunu BMT Baş Assambleyasının 72-ci sessiyası zamanı çıxışında bildirib. O qeyd edib ki, Kim Çen In hökumətinin həyata keçirdiyi raket sınaqları bütün dünya üçün təhlükə mənbəyidir.

“Kim Çen In ölüm robortudur. O, intihar missiyasını seçib. Şimali Koreya özünü məhvetmə siyasətini həyata keçirir. ABŞ Şimali Koreyaya imkan verməyəcək ki, dünyanı təhlükə altında qoysun. ABŞ özü və ya müttəfiqləri üçün təhlükə yaranacağı təqdirdə, Şimali Koreyanı tamamilə məhv etmək məcburiyyətində qalacaq”, - deyə Tramp bildirib.

Tramp dünya ölkələrinə çağırış edib: “Şimali Koreya hökuməti təcrid olunmalıdır. Bütün dövlətlər onlarla əməkdaşlığı dayandırmalıdır. Bu dünyanın xilası üçün mütləqdir”.

Amerika rəhbəri bu istiqamətdə əmçəkdaşlığa görə, Rusiya, Çin və Türkiyəyə təşəkkür edib.

Ziya Səccad
Ölkə.Az