Dopinqdən istifadə edən 4 idmançımıza sanksiya tətbiq edildi

Dopinqdən istifadə edən 4 idmançımıza sanksiya tətbiq edildi
13:33
09.02.2018
830
İdman
A
Azərbaycanın 4 idmançısına dopinqdən istifadəyə görə sanksiya tətbiq edilib.

"Ölkə.Az"ın Report-a istinadən məlumatına görə, bu barədə Azərbaycan Milli Antidopinq Agentliyinin (AMADA) rəsmi saytında bildirilir. Güləşçi Ruhin Mikayılov 18 aylıq, bodibildinqçilər Adil Rzayev, Fövqi Əfəndiyev və Kənan Cəlilov isə 48 aylıq diskvalifikasiyaya məruz qalıblar.

Mikayılov qadağan edilmiş maddə və ya üsuldan istifadə, yaxud istifadə cəhdinə görə cəzalanıb. Onun orqanizmində furosemid maddəsi aşkarlanıb.

Rzayev, Əfəndiyev və Cəlilovdan alınmış nümunələrdə isə qadağan edilmiş maddə və ya onun metabolit, yaxud markerlərinin mövcudluğu təsbit olunub. Birincinin orqanizmində stanozolol metaboliti, boldenon, boldenon metaboliti, dehydroxlorometiltestosteron, 1-androstenedion, 1-testosteron və 19-norandrosteron maddəsi tapılıb. Digər bodibildinqçidə klenbuterol və tamoksifen metaboliti aşkarlanıb. Sonuncuda isə dehidroxlorometiltestosteron metaboliti, metenolon metaboliti və metenolon təsbit edilib.

2012-ci ildə yeniyetmələr arasında yunan-Roma güləşi üzrə 63 kq çəki dərəcəsində dünya çempionu və Avropa çempionatının bürünc mükafatçısı olmuş Mikayılovun cəzası 2017-ci il iyulun 5-də qüvvəyə minib və 2019-cu il yanvarın 5-də başa çatacaq. Bodibildinqçilərə gəldikdə, Rzayev və Əfəndiyevdə bu müddət 4 avqust 2017-ci ildən 4 avqust 2021-ci ilədək, Cəlilovda isə 4 oktyabr 2017-ci ildən 4 oktyabr 2021-ci ilədək nəzərdə tutulub.

ŞƏRH YAZ
0

“Real” Çempionlar Liqasının qalibi oldu — YENİLƏNİB

“Real” Çempionlar Liqasının qalibi oldu
00:46
Bu gün
913
İdman
A
UEFA Çempionlar Liqasının qalibi "Real" olub.

***

UEFA Çempionlar Liqasının “Real” və “Liverpul” komandaları arasında keçirilən final qaşrılaşmasında növbəti qol vurulub.

"Ölkə.Az" xəbər verir ki, 61-ci dəqiqədə İskonun yerinə meydana daxil olan Beyl 3 dəqiqə sonra fantastik qolla komandasını yenidən hesabda önə çıxarıb. Beyl akrobatik zərbə ilə topu qapıya göndərib.

***

UEFA Çempionlar Liqasının “Real” və “Liverpul” komandaları arasında keçirilən final qaşrılaşmasında ilk qol vurulub.

“Ölkə.Az” xəbər verir ki, 51-ci dəqiqədə "Liverpul"un qapçısı Karius böyük səhv edib. Benzema ilə üz-üzə olmasına baxmayaraq topu əllə meydana daxil etmək istəsə də, Benzema ayağını uzadaraq topu qapıya göndərib. Beləliklə, "Real" hesabı açıb.

Lakin "Real"ın sevinci uzun çəkməyib. 55-ci dəqiqədə küncə zərbəsindən ötürmədən sonra yaranan qarşıqlıqdan istifadə edən Mane topu qapıya göndərib - 1:1.

***

UEFA Çempionlar Liqasının “Real” və “Liverpul” komandaları arasında keçirilən final qaşrılaşmasında ilk hissə qolsuz heç-heçə ilə başa çatıb.

"Ölkə.Az" xəbər verir ki, qarşılaşmanın 30-cü və 37-ci dəqiqələrində hər iki komandanın aparıcı oyuncuları zədələnərək meydanı göz yaşları ilə tərk edib: "Liverpul" klubunun heyətində Məhəmməd Salah, "Real"ın heyətində isə Karvaxal oyunu davam etdirə bilməyiblər.

***
Kiyevdə UEFA Çempionlar Liqasının final qarşılaşması başlayıb.

"Ölkə.Az" xəbər verir ki, “Real Madrid”in start heyətində meydana Navas, Karvaxal, Serxio Ramos, Rafael Varan, Kriştiano Ronaldo, Toni Kroos, Kərim Benzema, Luka Modriç, Marselo, Kasemiro, İsko çıxıblar.

“Liverpul” komandasının ilk “11-liyi”ndə isə Karius, Van Diyk, Viynaldum, Lovren, Milner, Firmino, Məhəmməd Salah, Henderson, Mane, Robertson, Alexander-Arnold yer alıblar.

Xatırladaq ki, “Real Madrid” UEFA Çempionlar Liqasında indiyədək 12 dəfə, “Liverpul” isə 5 dəfə qalib gəlib. Bu görüş komandaların avrokubokların finalında ikinci qarşılaşmasıdır. “Liverpul” Avropa çempionlar kubokunun 1980-1981-ci il mövsümünün Parisdə keçirilən final görüşündə “Real”ı 1:0 hesabı ilə məğlub etmişdi.

Ölkə.Az

ŞƏRH YAZ
0

Rüstəm Qasımov Azərbaycan çempionu oldu

Rüstəm Qasımov Azərbaycan çempionu oldu
21:49
26.05.2018
369
İdman
A
Şüvəlandakı Ağır Atletika Akademiyasında keçirilən 15 və 17 yaşadək yeniyetmə oğlan və qızlar arasında Azərbaycan birinciliyinin ikinci gününə yekun vurulub.

"Ölkə.Az" xəbər verir ki, körpücük üzərinə ən son 17 yaşadək oğlanların yarışında 62 kiloqram çəki dərəcəsində mübarizə aparan atletlər çıxıblar.

Bu çəki dərəcəsində toplam 250 kiloqram (110+140) nəticə ilə Rüstəm Qasımov Azərbaycan birinciliyinin qalibi adını qazanıb. Gümüş medalı 206 kiloqram (89+117) nəticə ilə İsa Həsənli, bürünc medalı isə 205 kiloqram (90+115) nəticə ilə Novruz Muxtarlı əldə ediblər.

Yarışda ölkənin bütün şəhər və rayonlarından idman cəmiyyətləri, klubları, mərkəzləri, uşaq-gənclər idman məktəblərini təmsil edən 150-yə yaxın gənc atlet gücünü sınayır.

Ölkə.Az

ŞƏRH YAZ
0
BAĞLA