Dörddəbir final mərhələsinin sonuncu iştirakçısı — İNGİLTƏRƏ

Dörddəbir final mərhələsinin sonuncu iştirakçısı
01:10
04.07.2018
1023
İdman
A
İyulun 3-də Rusiyada keçirilən futbol üzrə XXI dünya çempionatının səkkizdəbir final mərhələsinin sonuncu oyununda İngiltərə və Kolumbiya milliləri qarşılaşıblar.

"Ölkə.Az" xəbər verir ki, Moskvadakı “Spartak” stadionunda keçirilən matçda 11 metrlik cərimə zərbələri seriyasında qalib gələn İngiltərə millisi dörddəbir finala sonuncu vəsiqənin sahibi olub.

Qarşılıqlı hücumlar şəraitində keçən oyunun birinci hissəsində qapılara top vurulmayıb və komandalar fasiləyə qolsuz heç-heçə ilə yollanıblar.

Matçın ikinci hissəsində “dumanlı albion” təmsilçiləri hesabı açıblar. Görüşün 57-ci dəqiqəsində Kolumbiya millisinin qapısına təyin olunan 11 metrlik cərimə zərbəsini dəqiq yerinə yetirən Harri Keyn mundialda altıncı qoluna imza atıb – 1:0.

Lakin İngiltərə millisi bu üstünlüyü oyunun sonunadək qoruyub saxlaya bilməyib. Matçın əsas vaxtına əlavə edilən hissənin 3-cü dəqiqəsində (90+3) Yerri Mina hesabı bərabərləşdirib – 1:1.

Görüşün əsas vaxtı heç-heçə başa çatdığından qalibi müəyyənləşdirmək üçün təyin olunan 15 dəqiqəlik iki əlavə hissədə də hesab açılmayıb. On bir metrlik cərimə zərbələri seriyasını daha dəqiq yerinə yetirən (4:3) İngiltərə yığması dörddəbir finala sonuncu vəsiqənin sahibi olub.

İngilislər dörddəbir finalda İsveç yığması ilə qarşılaşacaqlar. Yarımfinala vəsiqə uğrunda digər oyunlarda Uruqvay millisi Fransa yığması ilə, Rusiya Xorvatiya ilə, Braziliya isə Belçika millisi ilə qarşılaşacaq.

Xatırladaq ki, səkkizdəbir final mərhələsinin ilk oyununda Fransa millisi argentinalıları məğlub edib (4:3), Uruqvay isə Portuqaliya yığmasından üstün olub (2:1). Bu mərhələnin ən gözlənilməz nəticəsi ev sahibi Rusiyanın İspaniya millisini mübarizədən kənarlaşdırması olub. Oyunun əsas vaxtı və əlavə olunmuş dəqiqələrdə hesab bərabər olduğundan (1:1) qalibi müəyyənləşdirmək üçün təyin olunan 11 metrlik cərimə zərbələri seriyasını ruslar daha dəqiq yerinə yetiriblər - 4:3. Xorvatiya-Danimarka oyununda da əsas vaxtda qalib müəyyənləşmədiyindən (1:1) Balkan təmsilçiləri 11 metrlik cərimə zərbələri seriyasını dəqiq yerinə yetirərək (3:2) dörddəbir final mərhələsinə vəsiqə qazanıblar. Braziliya yığması Meksika millisinə (2:0), Belçika isə Yaponiyaya (3:2) qalib gələrək dörddəbir finala yüksəliblər.

Mundialın dörddəbir final mərhələsinin görüşləri iyulun 6-7-də, yarımfinal matçları isə iyulun 10-11-də oynanılacaq. Üçüncü yer uğrunda görüş iyulun 14-də, final qarşılaşması isə iyulun 15-də keçiriləcək.

Ölkə.Az

ŞƏRH YAZ
0

Azərbaycan yığması Xorvatiyaya uduzdu

Azərbaycan yığması Xorvatiyaya uduzdu
09:33
Bu gün
383
İdman
A
Xorvatiya və Azərbaycan yığmaları arasındakı futbol üzrə AVRO-2020-nin seçmə matçı meydan sahiblərinin qələbəsi ilə başa çatıb.

"Ölkə.Az" xəbər verir ki, qarşılaşmanın 19-cu dəqiqəsində Ramil Şeydayevin zərbəsi ilə  millimiz  hesabda önə çıxıb - 1:0

Daha sonra  matçın 44-cü dəqiqəsində hesab bərabərləşdirib - 1:1.

Matçın birinci hissəsi bu hesabla başa çatıb. 

ikinci hissədə Xorvatiya komandasının 9 nömrəli oyunçusu Andrej Kramaric  79-cu dəqiqədə komandasını hesabda irəli çıxarıb - 2:1
 Qarşılaşma Xorvatiya yığmasının 2:1 hesablı üstünlüyü ilə yekunlaşıb.

Ölkə.Az

 

ŞƏRH YAZ
0

Azərbaycan-Xorvatiya oyunu başladı — YENİLƏNİB

Azərbaycan-Xorvatiya oyunu başladı
00:27
Bu gün
494
İdman
A

Xorvatiya - Azərbaycan oyununda hesab bərabərləşib. 

Meydan sahibləri oyunun 44-cü dəqiqəsində bərabərlik qolu vurublar. Qolu Borna Barisiç vurub. 

*****

Zaqrebdə keçirilən Avro-2020 seçmə mərhələsinin Xorvatiya-Azərbaycan oyununda hesab açılıb.

“Ölkə.Az” xəbər verir ki, Azərbaycan millisi gözlənilməz qol vurub.

Matçın 19-cu dəqiqəsində Ramil Şeydayev fərqlənib.

Ölkə.Az

 

 

 

ŞƏRH YAZ
0
BAĞLA