Dosentin çantasından çıxan qadın əlləri DƏHŞƏTƏ GƏTİRDİ

Dosentin çantasından çıxan qadın əlləri DƏHŞƏTƏ GƏTİRDİ
17:29
09.11.2019
1695
Dünya
A
Sankt-Peterburqun mərkəzindəki bir kişinin çantasından kəsilmiş qadın əlləri tapılıb.

“Ölkə.Az” xəbər verir ki, İstintaq Komitəsinin Sankt-Peterburq şöbəsindən verilən  məlumatına görə, hadisə Moika sahillərində baş verib. Xilasedicilər 60 yaşlı kişini son anda suda boğulmaqdan xilas ediblər. Onu müayinə etdikdən sonra kürəyindəki çantaya baxış keçirilib. Baxış zamanı kişinin çantasından kəsilmiş iki qadın əli və silah tapılıb.

Naməlum kişiyə qətl hadisəsi ilə bağlı cinayət işi açılıb. Hadisə ilə bağlı araşdırma başladılıb.

Bəzi mənbələrdən verilən məlumata görə, sudan çıxarılan kişi Sankt-Peterburq Dövlət Universitetinin dosenti, tarixçi Oleq Sokolov ola bilər. Bildirilir ki, bir müddət öncə axtarış zamanı dosentin Moika sahilindəki mənzilində qadın meyiti, kəsilmiş baş və qanlı mişar tapılıb.

Ölən şəxsin kimliyi müəyyənləşdirilir. Bir versiyada isə ölən qadının Sokolovun qohumu olması bildirilir.

Sankt-Peterburq Dövlət Universitetinin mətbuat xidməti isə qətldə şübhəli bilinən dosentin xəbərindən dəhşətə gəldiklərini açıqlayıblar.

Ölkə.Az

ŞƏRH YAZ
0

Həbs olunan azərbaycanlı milyarder ən sərt rejimli həbsxanaya salındı

Həbs olunan azərbaycanlı milyarder ən sərt rejimli həbsxanaya salındı
14:42
Bu gün
529
Dünya
A
Moskvada iri ticarət mərkəzlərinin sahibi, Azərbaycanın Quba rayonundan olan yəhudi əsilli milyarder Gennadi (Roman) Manaşirov cəzasını çəkmək üçün Rusiyanın ən sərt rejimli həbsxanalarından birinə göndərilib.

"Ölkə.Az" virtualaz.org-a istinadən xəbər verir ki, Manaşirov həbs cəzasını Mordoviyanın Petrozavodsk şəhərindəki 9 saylı islah-əmək düşərgəsində çəkəcək. Bu, Rusiyada məhbuslara qarşı sistemli işgəncələrin tətbiq edilməsi ilə tanınan həbsxanadır.

Xəbər verilir ki, milyarderi noyabrın sonlarında həbsxanaya köçürüblər. O, 12 il həbs cəzası alıb. Manaşirov hüquq-mühafizə orqanlarının əməkdaşlarına rüşvət verməkdə təqsirli bilinib.

Xatırladaq ki, Roman Manaşirov 2015-ci ilin payızında istintaqa rüşvət verdiyinə görə həbs edilib. O, vyetnamlıları qul kimi işlətməkdə ittiham edilərək həbs olunan Januko Rafalovu həbsdən çıxarmaq üçün rüşvət vermişdi. Januko Rafailov da Qırmızı qəsəbədəndir, habelə Manaşirovla yaxın münasibətlərə malikdir. 2016-cı ilinyazında isə onun qardaşı Solomon Manaşirova qarşı cinayət işi qaldırlıb. Lakin o daha cəld tərpənərək Rusiyadan qaçıb.

Belə məlumatlar var ki, əslində Manaşirov qardaşlarının sıradan çıxarılmasının səbəbi onların bizneslərini əllərindən almaq məqsədi güdürdü. Rusiya biznes mediası bir müddət əvvəl Manaşirovların "Columbus" ticarət mərkəzinin satışa çıxarıldığını yazmışdı. haqda xəbərlər var. Görünür kimlərsə Manaşirov qardaşlarının əmlakını ucuz qiymətə ələ keçirmək istəyir

Sahibləri "Columbus" ticrət mərkəzinə 500 milyon dollar qiymət qoyublar. Obyektin bazar dəyəri isə təxminən 400 milyon dollardır. Obyekti almağa "Morgan Stanley" bankı maraq göstərir.

Daha sonra FTX Manaşirov qardaşlarına qarşı yeni ittihamlar irəli sürüb. Federal Təhlükəsizlik Xidmətinin müstəntiqləri bir neçə il əvvəl həbs edilən kriminal avtoritet "Şakro Molodoy"un (Zaxari Kalaşov) Roman və Solomon Manaşirov qardaşlarına "krışalıq" etdiyini, onların formalaşdırdıqları mütəşəkkil qruplaşmanın güc qanadı olduğu qənaətinə gəliblər.

FTX əmindir ki, Rusiya İstintaq Komitəsinin bir sıra korrupsioner müstəntiqləri "Şakro Molodoy"la əlbir olub. Öz növbəsində "Şakro Molodoy" Moskvadakı "Şirvan qruplaşması"nın liderləri hesab olunan Roman və Solomon Manaşirovlarla bağlıdır, onların "krışası" və bir növ güc qanadı idi.

Bildirilir ki, Manaşirovlar iri biznesmenlərə əvvəl problem yaradır, sonra isə problemi həll edirmiş. "DİN və İstintaq Komitəsindən olan güc strukturları əməkdaşlarının köməyi ilə biznesmenlərə qarşı yoxlamalar təşkil olunurdu, yaxud onlara qarşı cinayət işləri qaldırılırdı. Güc strukturlarının əməkdaşları bundan sonra biznesmenləri həbs edirdi, sonra Manaşirovlar onlarla əlaqəyə girirdi və kömək təklif edirdi. Problemi pulla həll edə biləcəyini deyirdi. Qalanı isə ancaq texniki iş idi. Manaşirovlar deyirdi ki, onların DİN və İstintaq Komitəsində güclü əlaqələri var, iri məbləğdə rüşvət verib məsələni həll etmək olar"-FTX-dəki mənbə deyib.

Əgər Manaşirovların partnyorlarla hansısa münaqişəsi yaranırdısa və qurban təklif olunan məbləği ödəmək istəmirdisə, problemi güc strukturlarındakı tanışların köməyi ilə həll etmək mümkün olmurdusa işə "Şakro" qarışırdı.

Manaşirov qardaşlarının bütün əmlakına həbs qoyulub və Romanın barəsində çıxarılmış həbs qətimkan tədbiri hər dəfə uzadılır, istintaq bitmək bilmirdi.

Nəhayət Manaşirovun işi məhkəməyə göndərilib və məhkəmə onun barəsində bir neçə epizoda baxıb. Təqsirləndirilən milyarder sonda Januko Rafailovun işini yüngülləşdirmək üçün 10 milyon rubl rüşvət verməkdə təqsirli bilinib. Habelə məhkəmə Manaşirovun öz rəqiblərini qorxutmaq üçün polisləri rüşvətlə əl almaqda günahkar kimi tanıyıb. Daha bir rüşvət epizodu isə Manaşirova qarşı Lefortovo təcridxanasında irəli sürülüb. Milyarder telefonla danışa bilmək üçün nəzarətçiyə 300 min rubl rüşvət verməkdə təqsirləndirilib.

ŞƏRH YAZ
0

Şimali Koreya “olduqca vacib” sınaq keçirib

Şimali Koreya “olduqca vacib” sınaq keçirib
12:00
Bu gün
462
Dünya
A
Phenyan özünün Sohae kosmodromunda ölkənin strateji mövqeyinə həlledici təsir göstərəcək “olduqca vacib” sınaq keçirdiyini bildirib.

Bu barədə Şimali Koreyanın KMTA-nin yaydığı məlumatda deyilir.

Bildirilir ki, şənbə günü günorta saatlarında keçirilən sınağın nəticəsi barədə KXDR-nın hakim İşçi Partiyasının Mərkəzi Komitəsinə hesabat verilib.

Agentlik qeyd edir ki, testin nəticələri “yaxın gələcəkdə Şimali Koreyanın strateji mövqeyinin dəyişməsinə mühüm təsir göstərəcək”.

Hansı sınaqlardan söhbət getdiyi açıqlanmır. “Associated Press” agentliyi yazır ki, peyk vasitəsilə əldə edilən şəkillərə əsasən, Şimali Koreya, ola bilsin, kosmodromun meydançasındakı peyk buraxılış qurğularının işə salınması üçün istifadə olunan mühərrikləri sınaqdan keçirməyə hazırlaşır.

ŞƏRH YAZ
0
BAĞLA