KORONAVİRUSA YOLUXANLARIN SAYI - CANLI STATİSTİKA

DOST mərkəzinə 40 mininci vətəndaş müraciəti qeydə alınıb — FOTO

DOST mərkəzinə 40 mininci vətəndaş müraciəti qeydə alınıb
10:27
10.10.2019
4802
Ölkə
A
Əmək və Əhalinin Sosial Müdafiəsi Nazirliyinin tabeliyindəki DOST Agentliyinin 1 saylı DOST mərkəzi 40 mininci vətəndaşı qəbul edib.

“Ölkə.Az”a agentliyin İctimaiyyətlə əlaqələr və kommunikasiyalar departamentindən verilən məlumata görə, mərkəzin xidmətindən istifadə edən vətəndaşa təşəkkürnamə və simvolik hədiyyələr təqdim edilib.

Yasamal rayon sakini Rasim Nəbiyev DOST-a Əmək pensiyalarının təyin edilməsi ilə bağlı müraciət edib. O, 5 aydır fəaliyyət göstərən DOST mərkəzinin xidmət göstərdiyi 40 mininci vətəndaş kimi tarixə düşüb.

Mərkəzinin direktoru Seymur Alıyev DOST xidmətlərindən istifadə etdiyi üçün vətəndaşa təşəkkürünü bildirib. Rasim Nəbiyev DOST Mərkəzində ona göstərilən xidmətin operativ və yüksək səviyyədə olduğunu qeyd edib. O, son aylarda pensiya, əməkhaqqlarının artırılmasına, vətəndaşlar üçün bu cür şərait yaradılmasına görə ölkə rəhbərliyinə təşəkkürünü bildirib.

Qeyd edək ki, 9 may 2019-cu il tarixində açılışı olan 1 saylı DOST mərkəzi Bakı şəhərinin Yasamal və Səbail rayonlarının sakinlərinə xidmət göstərir. Mərkəzə hər gün orta hesabla 400 vətəndaş müraciət edir. Aparılan monitorinqin nəticələri göstərir ki, vətəndaşların göstərilən xidmətlərdən məmnunluq səviyyəsi çox yüksəkdir. 2019-2025-ci illər üzrə “DOST regional proqramı”na əsasən Bakıda və respublikanın regionlarında 31 DOST mərkəzinin açılması nəzərdə tutulub.

Ölkə.Az

 

ŞƏRH YAZ
0

Nazirlikdən Bakıda kəskin qoxunun yayılması ilə bağlı — AÇIQLAMA

Nazirlikdən Bakıda kəskin qoxunun yayılması ilə bağlı
00:14
Bu gün
1157
Ölkə
A
Bakı şəhərinin Nərimanov və Binəqədi rayonlarında ətrafa kəskin iy- qoxunun yayılması ilə bağlı Ekologiya və Təbii Sərvətlər Nazirliyinin (ETSN) mütəxəssisləri tərəfindən araşdırma aparılıb.

Bunu "Ölkə.Az"a açıqlamasında ETSN-in Milli Hidrometeorologiya Xidmətinin rəis müavini Vasif Əliyev bildirib. 

İy-qoxunun son günlər müşahidə edilən yüksək temperaturun və durğun hava şəraitinin üstünlük təşkil etməsi səbəbindən kanalizasiya sularının axıdıldığı Böyük Şor gölündən yayıldığı ehtimal edilir.
O, qeyd edib ki, mütəxəssislər tərəfindən sözügedən ərazidə monitorinq keçirilib, atmosfer havasından nümunələr götürülüb. Sabah bu barədə daha dəqiq məlumat veriləcək.

Qeyd edək ki, Bakının bəzi ərazilərini üfunət iyi bürüyüb. 

ŞƏRH YAZ
0

Bakının müxtəlif ərazilərində havadan üfunət iyi gəlir

Bakının müxtəlif ərazilərində havadan üfunət iyi gəlir
23:17
06.07.2020
2377
Ölkə
A
Hazırda Bakının bəzi ərazilərində havadan üfunət iyi gəlir.

"Ölkə.Az" xəbər verir ki, bu haqda sosial şəbəkələrdə də geniş müzakirələr gedir.

Müxtəlif istifadəçilərin bildirdiklərinə görə, qoxu daha çox 3, 6, 7, 8, 9-cu mikrorayonlar, Dərnəgül, Nərimanov metrostansiyaları ətrafında, eləcə də şəhərin digər ərazilərində hiss olunur.

Qoxunun səbəbi haqda açıqlama verilməyib.oxu.az

ŞƏRH YAZ
0
BAĞLA