Dovğa miqren yaradırmış — Başağrılarını "çağıran" qidaların siyahısı

Dovğa miqren yaradırmış
01:15
11.02.2018
9318
Maraqlı
A
Son zamanlar insanlar arasında yayılmış miqren – güclü baş sıxılması və ağrıları artıq yeniyetmə və uşaqları da əhatə etməyə başlayıb.

"Ölkə.Az" Medicina.az-a istinadən xəbər verir ki, miqrenin yaranma səbəbləri müxtəlifdir. Son zamanlar bu siyahıya qida allergiyaları da əlavə olunub. Deməli, miqren həm də allergiya mənşəli ola bilər. Elə ərzaqlar var ki, onları yeyən kimi miqren tutmaları başlayır. Aparılan tədqiqatda uzun illər kəskin miqrendən əziyyət çəkən pasiyentlərin gündəlik qidasından miqren yaradan qidalar çıxarılıb. Artıq 15 gün sonra 80% pasiyentlərdə miqren yoxa çıxıb. 

Bu tədqiqatla ən "miqrenoz ərzaqların” siyahısı yaradılıb:

-Buğda, ağ un tərkibli yeməklər – 78% pasiyentlərdə miqren yaradıb

-Portağal – 65% şəxslərdə miqreni qıcıqlandırıb

-Yumurta – 45 % pasiyentlərdə miqren çağırıb

-Tünd çay, qəhvə, şokolad – 40%də miqren yaradıb

-Sonrakı yerlərdə yağlı mal əti, göbələk və noxud var.

Bu məsələdə əsas problem ərzağın özü yox, onlara qatılan əlavə maddələrdir ki, qida sənayesində dad, qoxu, rəng vermək üçün istifadə olunur. Ona görə konservantlı ərzaqlardan uzaq durmaq lazımdır.

Sayt Azərbaycan mətbəxində miqrenoz yeməyi də aşkarlayıb: bu, hamının sevimlisi dovğadır. 

Artıq 5 nəfər arasındakı sorğu və 3 miqrenli insanın dovğa yedikdən sonra miqrendən əziyyət çəkdiyini dəqiqləşdirərək, biz Dovganın miqren çağıran qida olduğunu təxmin edə bilərik. Hətta pasiyentlərdən biri artıq dovğanın miqren yaradacağını bilib, onu yemir.

Azərbaycanda dovğanın çox sevildiyini və tez-tez yeyildiyini nəzərə alıb, miqreni olan insanları bu məsələyə diqqətlə yanaşıb, dovğa qəbulundan sonra miqren tutmalarının olub-olmamasını dəqiqləşdirməyə çağırırıq. 

Ola bilər ki, aranızda dovğa yedikdən sonra miqrendən əziyyət çəkənlər var. Böyük ehtimal ki, burda da əsas problem qatığa vurulan maddələr, dovğaya vurulan yumurta və undadır ki, məhz miqrenoz siyahıda olan bu ərzaqlar dovğada birləşdiyindən güclü təsir edir. 

Ölkə.Az

ŞƏRH YAZ
2

Milyonlar qazandıran oyuncaq — Slinky

Milyonlar qazandıran oyuncaq
23:00
20.01.2019
17227
Maraqlı
A
Zamanında uşaqların ən çox sevdiyi məşğuliyyətinə çevrilən oyuncaq. Sippiner (stress çarxı) qədər məşhur olan Slinky oyuncağının tarixinə nəzər yetirək. Olduqca sadə görünən bu oyuncaq dəniz mühəndisi Richard Thompson James tərəfindən XX əsrin 40-cı illərinin əvvəllərində kəşf olunub. 1943-cü ildə Riçard hərbi dəniz gəmilərində gəmi alətlərinə nəzarətdə çalışırdı. Əlində olan yay təsadüfən yerə düşür və onun necə əyildiyi, hərəkət etdiyi Riçardın diqqətini çəkir. Bununla da ağlına belə bir oyuncağı-Slinkyni yaratmaq gəlir.

"Ölkə.Az" biznesmen.az-a istinadən bildirir ki, o, 500 dollar borc alaraq, yay hazırlayan maşınların təkminləşdirilməsi ilə məşğul olur. "James Spring & Wire Company" adlı şirkəti qurur və Slinkynin kütləvi istehsalına başlayır. Oyuncağın adı isə arvadı Betty James tərəfindən qoyulur. Slinky-şəffaf və zərif anlamını daşıyır.

ABŞ-ın Pensilvaniya ştatının rəsmi oyuncağı olan Slinkynin satışından 250 milyon dollardan çox gəlir əldə edilir.Doxsan dəqiqədə 400 ədəd satılır. 2002-ci ildə Slinky Pensilvaniyanın rəsmi oyuncaq oyunçusu olur və 2003-cü ildə "Əsrin Oyuncaq siyahısı" adına layiq görülür. İlk 60 ildə Slinky 300 milyon ədəd satılır.

1960-cı ildə Riçard Ceyms həyat yoldaşındna ayrılır. Bolivyadakı "Wycliffe Global Alliance" adlı ittifaqa qoşulur. Şirkətin baş icraçı direktoru(CEO) vəzifəsini Betty James icra edir. Riçard 1974-cü ildə 60 yaşında Boliviyada dünyasını dəyişir.

2001-ci ildə oyuncaq sənayesinə verdiyi töhfəyə görə Bettinin adı  "Toy Industry Hall of Fame"ə daxil edilir. 2008-ci il 20 noyabrda Pensilvaniya Universitetinin xəstəxanasında 90 yaşında ürək çatışmazlığından vəfat edir.
Vyetnam müharibəsi zamanı ABŞ əsgərləri Slinkydən radio antenaların diapazonunu artırmaqda yararlanıblar. Slinkydən NASA-nın kosmik tədqiqatları zamanı da istifadə olunur. 1945-ci ildən indiyə qədər Slinkynin hazırlanması üçün 50.000 tondan çox məftil istifadə olunub ki, bu da ekvatoru 121 dəfə dövr etməyə bərabərdir. Reklam tarixinin ən uzun mahnısı da Slinkiyə aiddir.

Ölkə.Az

ŞƏRH YAZ
0

Dəridə baş verən xəstəlik — Xüsusi pəhriz seçimi

Dəridə baş verən xəstəlik
22:42
20.01.2019
7969
Maraqlı
A
Kuperoz dəri örtüyündə qan dövranının pozulması ilə səciyyələnən damar divarının zəifliyi nəticəsində yaranan xəstəlikdir və ondan əsasən xarici təsirlərə daha çox reaksiya verən bəyaz və həssas dərili qadınlar əziyyət çəkirlər. Kapilyarlarda qan dövranının durğunluğuna səbəb olan bir sıra amillərin təsiri onun yaranması ilə nəticələnir. Həmin amillərə siqaretçəkmə, iti və çox isti qida, qızdırmanı salan preparatlar, ultrabənövşəyi şüalar və birmənalı disbalans aid edilir, -deyə Bakı şəhər 1 nömrəli dəri-zöhrəvi xəstəxanasının həkim-dermatoloqu Həsən Həsənov söhbət açır. O, xəstəliklə əlaqədar dermatoloq məlumat verərək deyib: "Həmçinin dəri örtüyündə qan dövranının pozulması genetik meyilliyin nəticəsi ola bilər. Xəstəliyin əsas əlamətləri qaşınma, yandırma, bəzən dəri qızartısı və onun iltihabı sayılır. Qızartılar şəklində təzahürlər bir qayda olaraq həmcins olur. Yanaq, burun, çənə və alın nahiyəsində yerləşir, damarlı ulduzlar, genişlənmiş kapillyarlardan ibarət torlar şəklində nəzərə çarpır. Terapevtik tədbirlərin aparılmaması xəstəliyin inkişafı və əlamətlərinin təzahürünün intensivliyi ilə səciyyələnir.

"Ölkə.Az" azərtac-a istinadən bildirir ki, dəri vəziyyətinin pisləşməsi kuperozun ağırlaşmasından xəbər verir. Xəstə dəri zaman keçdikcə daha çox nazikləşir və maye itkisi səbəbi ilə quruyur. Mayenin daxil olmasına isə qan durğunluğu mane olur. Qan dövranının pozulması oksigen və qida maddələrinin çatışmazlığı ilə nəticələnir, üzün sağlam rənginin itməsi və dərinin solğunluğu ilə təzahür edir. Adekvat müalicə aparılmadıqda prosesin sürətli inkişafı müşahidə olunur və nəticədə üz dərisinin erkən qocalması baş verir.

Kuperozun müalicəsi xəstəliyin mərhələsindən asılı olaraq təyin olunur və bəzən xüsusi kosmetik prosedurlarla məhdudlaşır. İnkişafın erkən mərhələlərində müalicə vaxtı bəzən dərinin damarlarına təsir edən və xəstəliyi aradan qaldıran maska, tonik kimi vasitələrin tətbiqi kifayət edir. Həmin tədbirlər həmçinin qan dövranı pozulmasının daha ağır mərhələlərinin müalicəsindən sonra köməkçi prosedur kimi lazım gəlir. Daha səmərəli və müasir müalicə metodlarına fototerapiya, ozonoterapiya, lazer terapiyası və kimyəvi pilinqdir.

Həmin üsullar kapilyarların divarlarının möhkəmlənməsinə imkan yaradır, qızartıları azaldır, həmçinin dəri örtüyünün elastikliyini artırır. Onlar dərinin rəngini yaxşılaşdıraraq və onu cavanlaşdıraraq vəziyyətə müsbət təsir göstərir. Prosedurlar keçiriləndən sonra müalicə effekti və tam sağalma 2-3 həftədən sonra baş verir.

Kuperozun müalicəsinin mümkün və müasir üsullarından biri də incə iynəni genişlənmiş damarlara daxil etməklə elektrik cərəyanı vasitəsilə elektrokoaqulyasiya edilməsidir. Həmin təsir nəticəsində funksiyaları pozulmuş damarın dağıdılması baş verir. Xəstəlik çox geniş yayılmayanda həmin üsul daha münasib sayılır. Hər hansı narahatlığın olmaması ilə səciyyələnən səmərəli prosedur xüsusi klinikalarda aparılan lazer sklerozlaşmasıdır. Kuperozun müalicəsi həyat tərzinin dəyişilməsi, qidalanmanın normallaşması və xüsusi pəhriz seçimi ilə bərabər aparılmalıdır. Həkimin peşəkarlığı, xəstənin bütün müalicə və profilaktik tövsiyələrə riayət etməsi müsbət nəticəyə aparıb çıxarır. Maksimal səmərə üçün xəstəliyin müalicəsini ixtisaslaşmış mütəxəssisə etibar etmək son dərəcə əhəmiyyətli məsələdir.

Ölkə.Az

ŞƏRH YAZ
0
BAĞLA