Dövlət büdcəsinin kəsiri 370 mln. manata yaxınlaşır

Dövlət büdcəsinin kəsiri 370 mln. manata yaxınlaşır
14:00
17.05.2017
10
İqtisadiyyat
A
2017-ci ilin yanvar-aprel aylarında dövlət büdcəsinin gəlirləri 5 mlrd. 21,9 mln. manat, xərcləri 5 mlrd. 390 mln. manat təşkil edib.

"Ölkə.Az" "APA-Economics"-ə istinadən xəbər verir ki, büdcənin icrasında 368,1 mln. manatlıq və ya ümumi daxili məhsulun 1,8%-i qədər kəsir yaranıb.

Qeyd edək ki, 2017-ci ilin birinci rübündə dövlət büdcəsinə 3 mlrd. 591,7 mln. manat vəsait daxil olub, büdcədən müxtəlif sosial-iqtisadi tədbirlərin maliyyələşdirilməsinə 3 mlrd. 912,7 mln. manat xərclənib. Büdcənin icrasında yaranmış 321 mln. manatlıq kəsir ümumi daxili məhsulun 2,1%-ni təşkil edib.
 
Daxilolmaların 20,6%-i əlavə dəyər vergisi, 12,4%-i hüquqi şəxslərin mənfəət (gəlir) vergisi, 5,7%-i fiziki şəxslərin gəlir vergisi, 4,1%-i aksizlər, 11,1%-i digər vergilər, 46,1%-i isə vergi olmayan gəlirlər hesabına təmin edilib.
 
Büdcə vəsaitlərinin 26,1%-i iqtisadiyyatın inkişafı və tənzimlənməsinin, 16,4%-i sosial müdafiə və sosial təminat, 15,7%-i ümumi dövlət xidmətləri, 11,3%-i təhsil və səhiyyə sahələrinin, 30,5%-i isə digər sahələrin maliyyələşdirilməsinə xərclənib. 

ŞƏRH YAZ
0

Turistlər Azərbaycanda 1 milyard 300 milyon dollar xərcləyib

Turistlər Azərbaycanda 1 milyard 300 milyon dollar xərcləyib
13:17
Bu gün
34
İqtisadiyyat
A
Son illər ərzində tu­rizm Azərbay­can iqtisadiyyatının şaxələndirilməsi işində aparıcı sahələrdən biri olub".

"Ölkə.Az"ın Report-a istinadən məlumatına görə, bunu mədəniyyət və turizm nazirinin mü­avini Nazim Səmədov Beynəlxalq Miqrant Günü ilə bağlı keçirilən tədbirdə deyib.

N.Səmədov bildirib ki, ötən ilin müvafiq dövrü ilə mü­qayisədə bu ilin 11 ayı ərzində Azərbayca­na gələn turistlərin sayı 20 faiz artıb və 2 milyon 477 min­dən artıq olub. 

N.Sə­mədov bildirib ki, ölkəmizə gələn xarici turistlər 1.3 mily­ard dollar xərcləyib, Azərbaycandan xari­cə gedən turistlər isə 1.2 milyard dollar xərcləyib. 100 mily­on dollar müsbət sal­do yaranıb ki, bu da müsbət haldır. 

ŞƏRH YAZ
0

Depozit hərracında tələb təklifi 2 dəfəyə qədər üstələyib

Depozit hərracında tələb təklifi 2 dəfəyə qədər üstələyib
12:50
Bu gün
72
İqtisadiyyat
A
Mərkəzi Bank (AMB) vəsaitlərin cəlb edilməsi üzrə depozit hərracının nəticələrini açıqlayıb.

"Ölkə.Az" AMB-yə istinadən xəbər verir ki,  bu gün keçirilmiş hərracda tələb 180,10 mln. manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 13,34% təşkil edib.

Bununla da depozit hərracında tələb təklifdən 1,11 dəfə az olub. Qeyd edək ki, bugünkü depozit hərracında 200 mln. manat vəsaitin cəlbi nəzərdə tutulmuşdu.

ŞƏRH YAZ
0
BAĞLA