KORONAVİRUSA YOLUXANLARIN SAYI - CANLI STATİSTİKA

Dövlət Dəniz Agentliyindən hava ilə bağlı — Xəbərdarlıq

Dövlət Dəniz Agentliyindən hava ilə bağlı
01:33
24.05.2020
5097
Ölkə
A
Dövlət Dəniz Agentliyinin Milli Mərkəzinə təhlükəli hidrometereoloji hadisə haqqında xəbərdarlıq daxil olub.

"Ölkə.Az" xəbər verir ki, xəbərdarlıqda bildirilir ki, mayın 23 – ü gündüzdən 24 – ü axşamadək Xəzər dəniz akvatoriyasında şimal-qərb, şimal küləyinin sürəti 19-24 metr saniyədən arabir 28-33 metr saniyəyədək güclənəcək, 23 – ü axşam, 24 – nə keçən gecə isə açıq dənizdə arabir 35-38 metr saniyəyədək şiddətlənəcək. Dalğanın hündürlüyü 3-5 metr, sonrakı inkişafda 6-8 metr və daha çox olacaq.  

Qeyd edək ki, bu gün hava proqnozu Dövlət Dəniz Agentliyinin Milli Mərkəzinə daxil olan andan etibarən gəmi sahibləri, liman kapitanları, liman nəzarət müfəttişləri müvafiq tədbirlərin həyata keçirilməsi və xidmətin gücləndirilməsi ilə bağlı təlimatlandırılıb. Gəmilərin Hərəkətinin İdarəetmə Xidmətinin ərazisində lövbərdə duran və hərəkətdə olan gəmilərə məlumatlar ötürülüb, müvafiq təlimatlar verilib.

Hava şəraitinə uyğun olaraq gəmilərin təhlükəsiz şəkildə lövbər sığınacaqlarında dayanması təmin edilib.

Vurğulamaq istərdik ki, Milli Mərkəz təcrübəli Kapitanlar vasitəsilə idarə olunur. Gəmilər müvafiq lövbər siğinacaqlarına yerləşdirildikdən sonra onların təhlükəsiz lövbərdə durma prosesi  radarlar vasitəsilə fasiləsiz müşahidə olunur.

Hava şəraitinə uyğun olaraq Milli Mərkəz tərəfindən gəmilərin hərəkətinə və limanlara giriş – çıxışına icazə verilməsi, hərəkətin məhdudlaşdırılması, limanların bağlanması barədə tədbirlər görülüb.

Bu gün həmçinin dənizdə neft – qaz platformalarının aid olduğu qurumlar hava xəbərdarlığı ilə bağlı məlumatlandırlıb. Hər zaman olduğu kimi bu gün də Azərbaycanın sahilboyu ərazilərində son naviqasiya və rabitə stansiyaları tam gücü ilə işləyir.

Dövlət Dəniz Agentliyinin gündəlik iş rejimində olduğu kimi Azərbaycanın ərazi sularında istər Azərbaycan istərsə də xarici bayraq altında üzən gəmilərin hərkətinin təhlükəsizliyinin təmin edilməsi yüksək səviyyədə həyata keçirilir.

Dövlət Dəniz Agentliyinin Milli Mərkəzi tərəfindən ərazisində mövcud olan bütün texniki vasitələrlə müşahidənin gücləndirilməsi və gəmilərin hərəkətinin təhlükəsizliyinin təmin edilməsi istiqamətində fasiləsiz xidmət həyata keçirilir.

Milli Mərkəz tərəfindən eyni zamanda Fövqəladə Hallar Nazirliyinin Böhran Vəziyyətlərində İdarəetmə Mərkəzi, Müdafiə Nazirliyinin Hərbi Dəniz Qüvvələri, Dövlət Sərhəd Xidmətinin Sahil Mühafizəsi növbə xidmətləri, Xəzər Dəniz Gəmiçiliyinin müvafiq növbətçi xidməti, Dövlət Neft və BP Şirkətinin müvafiq qurumları  ilə mütəmadi qarşılıqlı məlumat mübadiləsi həyata keçirilir.

Ölkə.Az

ŞƏRH YAZ
0

Bakıda zibil qabından yeni doğulmuş körpənin meyiti tapılıb

Bakıda zibil qabından yeni doğulmuş körpənin meyiti tapılıb
19:45
Bu gün
1499
Ölkə
A
Dünən saat 17:15 radələrində Bakının Yeni Suraxanı qəsəbəsində qəbiristanlıq keşikçisi, 1957-ci il təvəllüdlü Sərdar Babayev zibillikdən yeni doğulmuş körpənin meyitini tapıb.

"Ölkə.Az" xəbər verir ki, bu barədə Oxu.Az-a hüquq-mühafizə orqanlarından məlumat verilib.

Məlum olub ki, körpə oğlan aşkar edildiyi gündən təxminən bir həftə əvvəl doğulub.

Araşdırma zamanı rayon polis idarəsinin əməkdaşları yeni doğulmuş uşağın valideynlərinin kimliyini müəyyənləşdiriblər.

Məlum olub ki, qadın (adı müəyyən səbəblərə görə, qeyd olunmur) vaxtından əvvəl doğulmuş körpəsini yerli xəstəxanalardan birində dünyaya gətirib.

Bir müddət sonra körpə vəfat etdiyindən, həkimlər cəsədi dəfn etmək üçün valideynlərə təhvil veriblər.

Lakin valideynləri onu qəbiristanlığın yaxınlığında yerləşən zibilxanaya atıblar.

"Valideynlərin davranışından sarsıldıq və hesab edirik ki, belə insanların uşaq sahibi olmaq üçün mənəvi haqları yoxdur”, - deyə, hüquq-mühafizə orqanlarının əməkdaşları bildirib.

ŞƏRH YAZ
0

İyul ayının bütün pensiya ödənişləri başa çatdırıldı

İyul ayının bütün pensiya ödənişləri başa çatdırıldı
19:32
Bu gün
1889
Ölkə
A
Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu tərəfindən bu gün respublika üzrə iyul ayının bütün pensiyalarının maliyyələşdirilməsi başa çatdırılıb.

Nazirlikdən "Ölkə.Az"a verilən məlumata görə, həmçinin hərbi qulluqçular və xüsusi rütbəli şəxslərə iyul ayının pensiyaları ödənilib.

Pensiya vəsaitləri pensiyaçıların bank hesablarına köçürülüb. Onlar istənilən bankın bankomatlarından öz pensiyalarını qəbul edə bilər, bu zaman hər hansı faiz tutulmur.

ŞƏRH YAZ
0
BAĞLA