Dövlət Komitəsi: “Əcnəbilər daha çox fiziki qüsurlu uşaqları övladlığa götürür”

Dövlət Komitəsi: “Əcnəbilər daha çox fiziki qüsurlu uşaqları övladlığa götürür”
19:45
13.09.2017
27
Ölkə
A
Azərbaycanda 2016-cı ildə 773 uşaq övladlığa götürülüb.

"Ölkə.Az" xəbər verir ki, bu barədə Modern.az-ın sorğusuna cavab olaraq Ailə, Qadın və Uşaq Problemləri üzrə Dövlət Komitəsinin Hüquqi təminat şöbəsinin müdiri Taliyə İbrahimova məlumat verib.
 
“Övladlığa verilənlər arasında atalı-analılar da var”
 
Komitə rəsmisi bildirib ki, həmin uşaqlar arasında valideyn himayəsindən məhrum olanlar, atalı-analı uşaqlar da var: “Uşaqlar həm Azərbaycan vətəndaşı olan şəxslər, həm də əcnəbilər tərəfindən övladlığa götürülüb.
2016-cı ildə övladlığa götürmənin ləğvi ilə bağlı 65 hal qeydə alınıb. Uşaqlardan 42 nəfəri 17 yaş həddində olub. Eyni zamanda 13 nəfəri qız uşağıdır.
Ailə, Qadın və Uşaq Problemləri üzrə Dövlət Komitəsinin birbaşa səlahiyyətinə aid olan ölkələrarası övladlığa götürmə ilə bağlı məsələyə gəlincə, Komitə övladlığa verilmənin öz vətəndaşımız olan uşağın mənafeyinə uyğun olub-olmaması ilə bağlı məhkəməyə rəy təqdim edir. Bu rəy əsasında məhkəmə uşağın əcnəbiyə verilib-verilməməsilə bağlı qərar çıxarır”.
 
Övladlığa götürənlər hansı ölkə vətəndaşlarıdır?
 
Qurum rəsmisi qeyd edib ki, 2017-ci ilin ilk 6 ayı ərzində 6 uşaq övladlığa verilib:
“Müraciətlər əsasən qarışıq nikahlarla bağlı olub. Məsələn, Azərbaycan vətəndaşı olan xanımın əcnəbilə nikaha daxil olması nəticəsində bunlardan birinin əvvəlki nikahdan doğulan uşaqlarının övladlığa götürülməsi kimi... Bunlar valideyn himayəsindən məhrum olmuş və dövlət müəssisəsində olan uşaqlardır. Eyni zamanda, müraciət edənlər əsasən, Rusiya, Türkiyə vətəndaşı ilə nikaha daxil olanlardır”.
 
18 yaşına qədər dövlət nəzarəti...
 
Şöbə müdiri bildirib ki, uşaqlar övladlığa verildikdən sonra məhkəmənin qərarına əsasən, 18 yaşına qədər onların sonrakı taleyinə, təlim-tərbiyəsinə, tibbi-psixoloji vəziyyətinə nəzarət edilir: “Komitə hər altı aydan bir övladlığa götürən əcnəbilərdən hesabatlar alır. Əgər hər bir uşaqla bağlı alınan hesabatlarda hansısa problem varsa, bu istiqamətdə müvafiq işlər həyata keçirilir. Bu vaxta qədər hesabatların təqdim olunmasında hər hansı problem qeydə alınmayıb. Həm Komitə, həm də Azərbaycanın xarici ölkələrdəki diplomatik nümayəndəlikləri, konsulluqları tərəfindən həmin uşaqların vəziyyətilə bağlı nəzarət tədbirləri görülüb”.
 
“Əcnəbilər daha çox xəstə uşaqları övladlığa götürür”
 
T.İbrahimova deyib ki, övladlığa götürmə zamanı sağlam uşaqlara daha çox tələbat var:
“Azərbaycan vətəndaşları daha çox 3 yaşına qədər sağlam uşaqları ailələrinə qəbul edirlər. Əcnəbilər isə məsələyə fərqli yanaşırlar. Onlar daha çox fiziki qüsurlu uşaqları himayəyə götürürlər. Əcnəbilər uşaqların xəstəliklərinin müalicəsində, qüsurlarının aradan qaldırılmasında çox maraqlı və məsuliyyətli olurlar. Biz bu kimi halı dəfələrlə müşahidə etmişik. Onlar əlində, ayağında qüsuru olan, dovşandodaq uşaqları ailələrinə qəbul etməkdən çəkinmirlər. Çünki əcnəbilər uşaqların sağlamlığının qeydinə qalırlar”.
 
Bu halda övladlığa götürmə ləğv edilir...
 
Qurum rəsmisi bildirib ki, övladlığa götürülən uşaqlar əsasən 11-17 yaşlılardır: “Onlar ailələrə verilərkən yeni üzvlərlə müəyyən uyğunsuzluqlar, narazılıqlar yaranır. Bu halda övladlığa götürən valideynlər hövsələsizlik göstərir və s. Belə çıxılmaz hallarda övladlığa götürmə ləğv olunur. Problem daha çox oğlan uşaqları ilə bağlı olur. Hazırda Komitə tərəfindən Ailə Məcəlləsinin təkmilləşdirilməsilə bağlı layihə hazırlanıb. Həmin layihə dövlət orqanları ilə razılaşdırma mərhələsindədir”.

ŞƏRH YAZ
0

Tovuz sakinindən maraqlı ixtira — VİDEO

Tovuz sakinindən maraqlı ixtira
00:51
Bu gün
151
Ölkə
A
Tovuz sakini maraqlı qurğu düzəldərək ondan təsərrüfat işlərində istifadə edir.

Ölkə.Az-ın Xəzər TV-yə istinadən məlumatına görə, rayonun Düz Qırıqlı kənd sakini Arif İsgəndərov Kür çayı yaxınlığındakı fermasında avtomobil hissələrindən böyük çarx düzəldərək axar su ilə onu hərəkətə gətirib. Müxtəlif vasitələrlə isə çarxı mühərriklə əlaqələndirib. Beləcə, 100-120 volt gücündə elektrik enerjisi əldə edib.

Təsərrüfatçı deyir ki, çarxı düzəltmək üçün xeyli vaxt və əmək sərf edib. Detalların hamısı tullantılar olduğu üçün, cihaza, elə də çox vəsait xərcləməyib. Qurğudan alınan enerji ilə məişətdə istifadə olunan elektrik avadanlıqlarını da işə salmaq mümkündür.

Arif Əsgərov deyir ki, qonşu fermalar da qurğudan yararlana bilir. Təsərrüfatçı gələcəkdə çarxı təkmilləşdirib daha çox enerji əldə etmək istəyir. 

 

ŞƏRH YAZ
0

Apteklərdə yoxlama aparılmasına səbəb olan şikayətlər daxil olmayıb — Səhiyyə Nazirliyi

Apteklərdə yoxlama aparılmasına səbəb olan şikayətlər daxil olmayıb
23:19
21.11.2017
1179
Ölkə
A
Bu il Səhiyyə Nazirliyinin Analitik Ekspertiza Mərkəzinə apteklərdə yoxlama aparılmasına səbəb olan şikayətlər daxil olmayıb.

Ölkə.Az bildirir ki, bunu Səhiyyə Nazirliyinin Analitik Ekspertiza Mərkəzi Trend-in sorğusuna cavab olaraq bildirib.

"Bu il apteklərdə reydlər aparılmayıb. Çunki yoxlamalar dayandırılıb və yoxlamaya səbəb olacaq şikayətlər də daxil olmayıb".

Mərkəzdən qeyd edilib ki, bu il dərmanların ölkəyə idxalı zamanı keyfiyyətlə əlaqəli problemlər qeydə alınmayib. İdxal zamanı əsasən texniki səbəblərlə əlaqədar müəyyən problemlər olub ki, bunlar da içlik vərəqəsi və ya qablaşma ilə bağlı olub.

Mərkəzdə dərmanların əlavə təsirlərinin öyrənilməsi üçün Farmokonəzarət şöbəsi də yaradılıb.

ŞƏRH YAZ
0
BAĞLA