“Dövlət qulluğu haqqında” Qanunda dəyişiklik edildi

“Ölkə.Az”- məlumatına görə, dəyişikliklər haqqında deputatlara Hüquq siyasəti və dövlət quruculuğu komitəsinin sədri Əli Hüseynli məlumat verib.

Komitə sədri deyib ki, qanuna təklif olunan dəyişikliklər Konstitusiyaya edilən dəyişikliklərlə bağlıdır: “Konstitusiyaya edilən dəyişikliyə əsasın I vitse president vəzifəsi təsis edilib. Hazırda hörmətli Mehriban xanım I vitse-prezident təyin edilib. Təbii ki, I vitse prezidenti xidmətində olan dövlət qulluçularının statusu bu qanunla müəyyən ediləcək. Qanun layihəsi Milli Məclisə prezident tərəfindən daxil olub. Layihədə I vitse-prezidentin xidmətində olacaq inzibati vəzifələr, müşavirlər, köməkçi və digər strukturlarda çalışanların statusu “Dövlət qulluğu haqqında” qanunla müəyyən ediləcək”.

Deputatlar “Dövlət qulluğu haqqında” Qanuna təklif olunan dəyişiklikləri dəstəkləyib.

Zaur Əziz
Ölkə.Az