Dövlət qulluqçusu olmaq istəyənlərin — NƏZƏRİNƏ

Dövlət qulluqçusu olmaq istəyənlərin
09:29
17.09.2019
2167
Ölkə
A
Dövlət İmtahan Mərkəzi (DİM) bu il avqustun 2-də elan etdiyi müsabiqənin müsahibə mərhələsinin keçirilmə qrafikini müəyyən edib.

Mərkəzdən "Ölkə.Az"a verilən məlumata görə, müsahibələrin 23 sentyabr və 26 dekabrda keçirilməsi nəzərdə tutulur.

Elan üzrə 42 dövlət orqanında mövcud olan inzibati dövlət qulluğu vəzifələrinə aid 354 (A növündə 50 vakant vəzifə üzrə 51 yer, B növündə 304 vakant vəzifə üzrə 457 yer) vakant vəzifə müsahibəyə çıxarılıb. Elana çıxarılan vəzifələr üzrə qeydiyyatdan keçmiş 1043 namizədlə 1611 müsahibənin keçirilməsi planlaşdırılır.

Ən yüksək müsabiqə vəziyyəti Əmlak Məsələləri Dövlət Komitəsinin Daşınmaz Əmlakın Dövlət Reyestri Xidməti, Sənədlərlə və vətəndaşların müraciətləri ilə iş şöbəsi məsləhətçi (1 vakant yer üzrə 86 namizəd), Dövlət Statistika Komitəsi Bakı şəhəri statistika idarəsi, Maliyyə və təsərrüfat sektoru, aparıcı məsləhətçi (1 vakant yer üzrə 74 namizəd) və Nəqliyyat, Rabitə və Yüksək Texnologiyalar Nazirliyi, Dövlət Dəniz Agentliyi, Hüquq, kadr və beynəlxalq əlaqələr şöbəsi, Kadr sektoru, aparıcı məsləhətçi (1 vakant yer üzrə 55 namizəd), Gənclər və İdman Nazirliyi, Sabunçu rayon Gİİ məsləhətçi (1 vakant yer üzrə 37 namizəd), Bakı şəhəri Binəqədi Rayon Məhkəməsi, məsləhətçi - kompyuter proqramçısı ( 1 vakant yer üzrə 31 namizəd) vəzifələri üzrə qeydə alınıb.

DİM avqustun 2-də elan etdiyi ümumi müsahibələri 23 sentyabr və 14 noyabr tarixlərində keçirməyi planlaşdırır. Elan üzrə 12 dövlət orqanında mövcud olan 58 vakant vəzifə üzrə 65 yer ümumi müsahibəyə çıxarılıb. Elana çıxarılan vəzifələr üzrə 179 namizədlə 171 müsahibənin keçirilməsi planlaşdırılır.

Müsabiqə vəziyyətinin yüksək müşahidə olunduğu vəzifələr Əmək və Əhalinin Sosial Müdafiəsi Nazirliyi, Ümumi şöbə, Vətəndaşların qəbulu sektoru, məsləhətçi (1 vakant yer üzrə 26 namizəd), Sosial təminat siyasəti şöbəsi, Dövlət sosial yardımı siyasəti sektoru, sektor müdiri (1 vakant yer üzrə 12 nəfər), Pensiya siyasəti və fərdi uçota nəzarət şöbəsi, Fərdi uçota nəzarət sektoru, sektor müdiri (1 vakant yer üzrə 12 nəfər) vəzifələri olub.

ŞƏRH YAZ
0

Məşhur müğənni Nəzakət Məmmədova niyə öldürülüb? — VİDEO

Məşhur müğənni Nəzakət Məmmədova niyə öldürülüb?
21:52
Bu gün
714
Ölkə
A
“Gözəllik hər zaman qadına xoşbəxtlik gətirmir” deyirlər. Özü gözəl olan qadınların çox vaxt bəxti və taleyi qara gəlir. Belə gözəl qadınlardan biri də valehedici gözəlliyə və səsə malik olmuş müğənni Nəzakət Məmmədova olub.

“Ölkə.Az”ın "40-cı otaq" video-kanalına istinadən məlumatına görə, oxuduğu mahnılarla bir çoxlarının ürəyini fəth edən Nəzakət Məmmədovanın acı taleyi gözəlliyin dəyərsiz olduğunu bizlərə bir daha sübut edir.

N.Məmmədova qısa bir zamanda həyatın hər iki üzünü görüb: həm kasıblığı, həm də var-dövləti. Həm sevilib, həm sevib, həm də tərk edilib. Sənətin ən yüksək pilləsinə qalxıb və buna görə də paxıllıqla qarşılanıb.

Nəzakət Məmmədova haqqında daha ətraflı məlumatı aşağıdakı videodan əldə edə bilərsiniz:

Ölkə.Az

ŞƏRH YAZ
0

Yeni seçilən deputatdan məsləhət — “Şükür edin!”

Yeni seçilən deputatdan məsləhət
21:10
Bu gün
1357
Ölkə
A
Fevralın 9-da keçirilən parlament seçkilərində 120 saylı Cəbrayıl seçki dairəsindən lider namizəd, İlahiyyat Universitetinin rektoru Ceyhun Məmmədov gənclərə və tələbələrə çağırış edib.

“Yeni Sabah” xəbər verir ki, o, öz çağırışında 10 tövsiyə səsləndirib.  

Yeni deputatın tövsiyələrini təqdim edirik: 

1. Bir saniyəsini belə geri qaytarmaq mümkün olmayan zamanın dəyərini bilin. 

2. Tanrıya sizə verdiyi nemətlərə görə şükür edin. 

3. Valideynlərinizin dəyərini bilin. Onların sizinlə nəfəs aldıqlarını unutmayın. 

4. İnsanları sevin, onlara dəyər verin. 

5. Səbr və təmkin kimi fəzilətli xüsusiyyətlərə yiyələnin. 

6. Təkəbbürdən və özündənrazılıqdan uzaq olun. 

7. Xeyirxah və yardımsevər olun. 

8. Zahiri gözəllik qədər daxili gözəlliyə də önəm verin. 

9. Sağlamlığınızın dəyərini bilin. 

10. Daha güclü olmaq üçün iradənizi gücləndirin. 

ŞƏRH YAZ
0
BAĞLA