Dövlət Reklam Agentliyinin kollektivi 20 yanvar şəhidlərinin xatirəsini yad etdi

Yanvarın 16-da Azərbaycan Respublikasının Dövlət Reklam Agentliyinin  kollektivi 20 yanvar şəhidlərinin 28-ci anım mərasimini qeyd ediblər. Öncə şəhidlərin xatirəsi bir dəqiqəlik sükutla yad edilib.  Azərbaycan Respublikasının Dövlət Reklam Agentliyinin direktoru Aydın İbadov çıxış edərək bildirib ki, keçmiş Sovet ordusunun xüsusi təyinatlılarının  Azərbaycan xalqına qarşı həyata keçirdiyi hərbi təcavüz insanlığa qarşı törədilmiş ən ağır cinayətlərdən biridir.  Xalqın çətin anında yalnız Ulu Öndər Heydər Əliyev  Russiyanın paytaxtı Moskva şəhərində mətbuat konfransı təşkil etdi, qanlı faciəni dünya ictimaiyyətinə çatdırdı və onunla bağlı bəyanət verdi.  A. İbadov bildirdi ki, məhz Heydər Əliyevin səyi nəticəsində 1994-cü ildə 20 yanvar hadisələrinə siyasi qiymət verildi.  Bu gün də 20 yanvar şəhidlərinin xatirəsi ölkə başçısı İlham  Əliyev tərəfindən əziz tutulur, dövlət tərəfindən şəhid ailələrinə layiqincə diqqət göstərilir.

Daha sonra Millət vəkili, professor  Musa Qasımlı çıxış edərək 20 yanvar 1990-cı ilin Azərbaycanın müstəqilliyi uğrunda mübarizə tarixinə qəhrəmanlıq səhifəsi kimi həkk olunduğunu söylədi.

Azərbaycan  Respublikasının Dövlət  Reklam  Agentliyinin İctimaiyyətlə əlaqələr şöbəsinin  mütəxəssisi  İmmiyə Zamanova çıxışında,  uşaqlıq dövrü  1990-cı illərə təsadüf edənlərin Bakıda baş verən bu qanlı hadisəni hec vaxt unutmayacağından  danışdı. 

  Daha sonra tədbir iştirakçılarına 20 yanvar  şəhidlərinə həsr  olunmuş film təqdim olundu.