Dövlət sirri təşkil edən məlumatlar qorunacaq

Dövlət sirri təşkil edən məlumatlar qorunacaq
13:21
20.10.2017
474
İqtisadiyyat
A
"Poçt haqqında" qanunda dəyişikliklərlə bağlı qanun layihəsi Milli Məclisin bu gün keçirilən plenar iclasında müzakirəyə çıxarılıb.

"Ölkə.Az"ın APA-Economics-ə istinadən məlumatına görə, dəyişikliyə əsasən, qanuna xüsusi poçt rabitəsi ilə bağlı yeni maddə əlavə edilib.
 
Layihəyə əsasən, xüsusi təyinatlı poçt rabitəsinin əhatə dairəsi dəqiqləşdirilib, habelə xüsusi təyinatlı poçt rabitəsinin bir növü olan xüsusi poçt rabitəsi xidmətinin vəzifələri, fəaliyyət sahəsi, bu xidmətin göstərilməsi ilə bağlı olan digər məsələlər tənzimlənir.
 
Sənəddə deyilir ki, xüsusi poçt rabitəsi xidməti "Dövlət sirri haqqında" qanunla qorunan məlumatların, qiymətli metalların, qiymətli daşların, zərgərlik məmulatlarının, qiymətli kağızların və xüsusi yüklərin göndərildiyi poçt göndərişlərinin qəbulunu, çeşidlənməsini, saxlanmasını, daşınmasını və ünvan sahiblərinə çatdırılmasını həyata keçirir.
 
Xüsusi poçt rabitəsi xidmətinin göstərilməsi qaydalarını, habelə xüsusi yüklərin siyahısını müvafiq icra hakimiyyəti orqanı müəyyən edir.
 
Qeyd edək ki, xüsusi poçt rabitəsi xidmətinin tənzimlənməsi bu xidmətlərin keyfiyyətinin yüksəldilməsinə, dövlət sirri təşkil edən məlumatların və qiymətli əşyaların olduğu poçt göndərişlərinin daha etibarlı daşınmasını və ünvan sahiblərinə çatdırılmasını təmin edəcək.
 
Qanun layihəsi səsə qoyularaq qəbul edilib.

ŞƏRH YAZ
0

Azərbaycan xarici dövlət borclanmasının yuxarı həddini 2 dəfə aşağı salır

Azərbaycan xarici dövlət borclanmasının yuxarı həddini 2 dəfə aşağı salır
20:00
Bu gün
274
İqtisadiyyat
A
2019-cu il dövlət büdcəsində dövlət borclarına xidmətlə bağlı xərclər (əsas borc və faizlər üzrə xərclər) üçün 2 334,8 mln. manat vəsait nəzərdə tutulur ki, bu da 2018-ci illə müqayisədə 72 mln. manat, yaxud 3,2% çoxdur.

"Ölkə.Az" bu barədə 2019-cu il dövlət büdcəsi zərfinə istinadən xəbər verir. 

Bu xərclərin 172,6 mln. manat hissəsini daxili dövlət borcuna xidmət xərcləri (2018-ci illə müqayisədə 69,4 mln. manat çox), 2 162,2 mln. manatının isə xarici xarici dövlət borcuna xidmət xərcləri təşkil edir. (2018-ci illə müqayisədə 2,6 mln. manat çox)

Daxili dövlət borcuna xidmət xərclərinin 2019-cu illin proqnozunda artmasına səbəb qiymətli kağızlar bazarının inkişafı məqsədilə emissiya edilən dövlət istiqrazlarının həcminin artması və “Azərbaycan Beynəlxalq Bankı”ASC-nin problemli aktivlərinin satınalınması üçün “Aqrarkredit” QSC bank olmayan kredit təşkilatı (BOKT) tərəfindən buraxılmış dövlət zəmanətli veksellər üzrə 2019-cu ildə ödənilməsi nəzərdə tutulan faiz borcu olub.

2019-cu il üzrə daxili dövlət borclanmasının yuxarı həddi 500 mln. manat (2018-cilə nisbətən 200 mln. manat və yaxud 28,6% az), xarici dövlət borclanmasının yuxarı həddi 1 mlrd. manat (2018-ci iə nisbətən 1,15 mlrd. manat və yaxud 53,5% az) və il ərzində veriləcək dövlət zəmanətlərinin məbləğinin yuxarı həddi 4 mlrd. manat məbləğində proqnozlaşdırılır. 

Ölkə.Az

ŞƏRH YAZ
0

Bu şəxslərə vergi güzəştləri ediləcək

Bu şəxslərə vergi güzəştləri ediləcək
18:08
Bu gün
480
İqtisadiyyat
A
Gələn il muzdla çalışanların gəlirləri ilə bağlı islahatlar həyata keçiriləcək.

"Ölkə.Az"ın məlumatına görə, bu məlumat 2019-cu il dövlət büdcə zərfində öz əksini tapıb.

“2019-cu ildə büdcə-vergi siyasətinin əsas prioritetini muzdla çalışanların gəlirləri ilə bağlı islahatın həyata keçirilməsi təşkil edir. Bu islahatın əsasını neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyicilərində muzdlu işdən aylıq gəlir vergisinə güzəştin müəyyən edilməsi və məcburi dövlət sosial sığorta haqları üzrə yükün işəgötürən və işçi üzərinə düşən nisbətlərin tənzimlənməsi təşkil edir. Belə ki, aparılacaq islahat nəticəsində ilk növbədə ödəyicilərin əhəmiyyətli hissəsinin vergi və məcburi dövlət sosial sığorta haqları ödənişləri üzrə ümumi yükünün azladılması, qeyri-rəsmi məşğulluğun azaldılmasına yönəldilən tədbirlərin tətbiqi hədəflənir”, - deyə büdcə zərfində vurğulanıb.

Sənəddə qeyd olunub ki, islahatla 1 yanvar 2019-cu il tarixdən başlayaraq 7 il müddətində neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyicilərində muzdlu işləyən fiziki şəxslərin aylıq gəlirləri 8 000 manatadək olduqda gəlir vergisi üzrə 100%, 8 000 manatdan çox olduqda isə 44% güzəştin edilməsi nəzərdə tutulub.

Eyni zamanda, bütün sahələrdə muzdla işləyən fiziki şəxslər üzrə gəlir vergisinə cəlb edilməyən məbləğ 173 manatdan 200 manatadək artırılır.

Ölkə.Az

ŞƏRH YAZ
0
BAĞLA