Dövlət Turizm Agentliyinin səlahiyyətləri artırıldı

Dövlət Turizm Agentliyinin səlahiyyətləri artırıldı
10:27
13.06.2018
3478
Siyasət
A
Nazirlər Kabineti “Azərbaycan Respublikası Dövlət Turizm Agentliyinin strukturuna daxil olmayan tabeliyindəki qurumların Siyahısı”nı təsdiq edib.

"Ölkə.Az"ın məlumatına görə, Dövlət Turizm Agentliyinin strukturuna daxil olmayan tabeliyindəki qurumlar aşağıdakılardır:

Təhsil müəssisələri:

Azərbaycan Turizm və Menecment Universiteti;

Bakı Turizm Peşə Məktəbi;

Mingəçevir Turizm Kolleci.

Dövlət qoruqları:

“Yanar dağ” Dövlət Tarix-Mədəniyyət və Təbiət Qoruğu;

“Atəşgah məbədi” Dövlət Tarix-Memarlıq Qoruğu;

“Basqal” Dövlət Tarix-Mədəniyyət Qoruğu;

Azərbaycan Respublikasının “Xınalıq” Dövlət Tarix-Memarlıq və Etnoqrafiya Qoruğu;

“Lahıc” Dövlət Tarix-Mədəniyyət Qoruğu;

“Yuxarı Baş” Dövlət Tarix-Memarlıq Qoruğu (Şəki şəhəri “Karvansaray” Mehmanxana Kompleksi daxil olmaqla);

“Kiş” Tarix-Memarlıq Qoruğu.

Turizm İnformasiya mərkəzləri:

Bakı Turizm İnformasiya Mərkəzi (“Baku City Tour” turist avtobusları daxil olmaqla);

Şamaxı Turizm İnformasiya Mərkəzi;

Xaçmaz Turizm İnformasiya Mərkəzi;

Quba Turizm İnformasiya Mərkəzi;

Lənkəran Turizm İnformasiya Mərkəzi;

Gəncə Turizm İnformasiya Mərkəzi;

Şəki Turizm İnformasiya Mərkəzi;

Zaqatala Turizm İnformasiya Mərkəzi;

Qəbələ Turizm İnformasiya Mərkəzi;

İsmayıllı Turizm İnformasiya Mərkəzi;

Bərdə Turizm İnformasiya Mərkəzi.

Təsərrüfathesablı qurumlar:

 “Azərbaycan Konqreslər Bürosu” Məhdud Məsuliyyətli Cəmiyyəti;

 “Şahdağ” Qış-Yay Turizm Kompleksinin Müdiriyyəti;

 “Şahdağ Turizm Mərkəzi” Qapalı Səhmdar Cəmiyyəti.

Digər qurumlar:

 Milli Kulinariya Mərkəzi.

Bundan başqa Azərbaycanda 7 dövlət tarix-memarlıq və tarix-mədəniyyət qoruğu da Dövlət Turizm Agentliyinin tabeliyinə verilib.

Bu, Nazirlər Kabinetinin təsdiq etdiyi “Azərbaycan Respublikası Dövlət Turizm Agentliyinin strukturuna daxil olmayan tabeliyindəki qurumların Siyahısı”nda əksini tapıb.

Qərara əsasən, “Yanar dağ” Dövlət Tarix-Mədəniyyət və Təbiət Qoruğu, “Atəşgah məbədi” Dövlət Tarix-Memarlıq Qoruğu, “Basqal” Dövlət Tarix-Mədəniyyət Qoruğu, “Xınalıq” Dövlət Tarix-Memarlıq və Etnoqrafiya Qoruğu, “Lahıc” Dövlət Tarix-Mədəniyyət Qoruğu, “Yuxarı Baş” Dövlət Tarix-Memarlıq Qoruğu (Şəki şəhəri “Karvansaray” Mehmanxana Kompleksi daxil olmaqla) və “Kiş” Tarix-Memarlıq Qoruğu Dövlət Turizm Agentliyinin strukturuna daxil olmayan tabeliyindəki qurumların Siyahısına daxil edilib.

Qeyd edək ki, bu qoruqlar əvvəllər Mədəniyyət və Turizm Nazirliyinin tərkibinə daxil olub. Mədəniyyət və Turizm Nazirliyinin əsasında Mədəniyyət Nazirliyi və Dövlət Turizm Agentliyi yaradılıb.

ŞƏRH YAZ
0

Mariya Zaxarova: “Dağlıq Qarabağ probleminin həlli üçün əlimizdən gələni edəcəyik”

Mariya Zaxarova: “Dağlıq Qarabağ probleminin həlli üçün əlimizdən gələni edəcəyik”
17:25
Bu gün
603
Siyasət
A
Rusiyanın xarici işlər nazirliyinin mətbuat katibi brifinq keçirib.

“Ölkə.Az” xəbər verir ki, Mariya Zaxarova brifinq vaxtı Dağlıq Qarabağ probleminin həllindən danışıb. Rusiyalı diplomat bildirib ki, təmsil etdiyi dövlət münaqişənin həlli üçün əlindən gələni edəcək:

"Birincisi, Rusiya ATƏT-in Minsk qrupunun iştirakçısı kimi öz roluna sadiqdir, ikincisi isə mövcud böhranın nizamlanmasına və bu iki ölkənin münasibətlərinin normallaşmasına konstruktiv və səmərəli töhfə vermək üçün ondan asılı olan hər şeyi edəcək. Bu, bizim ənənəvi mövqeyimizdir. Bizim üçün bu, çox ciddi məsələdir".

Hikmət Həsənov
Ölkə.Az

ŞƏRH YAZ
0

Deputatlarımız Avropada keçirilən kibertəhlükəsizliklə bağlı müzakirələrdə — FOTOLAR

Deputatlarımız  Avropada keçirilən kibertəhlükəsizliklə bağlı müzakirələrdə
17:07
Bu gün
804
Siyasət
A
Azərbaycan Mətbuat Şurasının sədri, Milli Məclisin deputatı Əflatun Amaşov Qara Dəniz İqtisadi Əməkdaşlıq Təşkilatı Parlament Assambleyasının 51-ci plenar sessiyasında, həmçinin Hüquqi və siyasi məsələlər üzrə Komitəsinin iclasında iştirak etmək üçün Albaniyanın paytaxtı Tirana şəhərində səfərdədir.

Mətbuat Şurasından “Ölkə.Az”a verilən məlumata görə, Milli Məclisin deputatı Eldar Quliyevin rəhbərlik etdiyi parlament nümayəndə heyətinin tərkibinə Ə.Amaşovla yanaşı, deputatlar Jalə Əliyeva, Aydın Mirzəzadə və Musa Quliyev daxildir. 

Sessiyada QDİƏT Parlament Assambleyasının fəaliyyəti barədə hesabat dinlənilib, təşkilata üzv dövlətlərin iqtisadi, ekoloji, mədəni və sosial inkişafının ümumi məqsədləri, bu ölkələrdə rəqəmsal iqtisadiyyatın inkişaf perspektivləri, mədəni əməkdaşlığın möhkəmləndirilməsi və multikulturalizm mövzuları müzakirə olunacaq.

Azərbaycan nümayəndə heyətinin rəhbəri Eldar Quliyev Siyasi və hüquqi məsələlər üzrə komitənin məruzəçisidir. Onun məruzəsi “Qara Dəniz İqtisadi Əməkdaşlığına üzv ölkələrdə kibertəhlükəsizlik sahəsində əməkdaşlığın gücləndirilməsi” mövzusunda olacaq. 

Həmçinin mədəniyyət, elm və sosial məsələlər üzrə komitə üzvləri, millət vəkilləri Jalə Əliyeva və Musa Quliyevin, İqtisadi, ekoloji və yüksək texnologiyalar məsələləri üzrə komitənin üzvü Ə.Amaşovun çıxışları da nəzərdə tutulub.

Vasif Həsənli
Ölkə.Az

ŞƏRH YAZ
0
BAĞLA