Dövlət universitetlərində elektron imtahan sisteminə müdaxilələr olub

Dövlət universitetlərində elektron imtahan sisteminə müdaxilələr olub
13:35
19.05.2017
61
Ölkə
A
Bir neçə hal olub ki, dövlət universitetlərində elektron imtahan və tədris idarəetmə sisteminə müdaxilələr edilib. Universitetlərdə bəzi hallarda bunu hətta tələbələr edib. Onlar qiymətləri dəyişib və ya siliblər, şəffaflıq sistemini pozublar.

"Ölkə.Az" Trend-ə istinadən xəbər verir ki, bunu "Microsoft" şirkətinin Təhsil Proqramları üzrə meneceri Emin Axundov deyib.

Onun sözlərinə görə, bunun nəticəsi olaraq universitetlərin fəaliyyətində iş dayanıb, onların öz işlərini yenidən bərpa etməsi üçün yeni böyük xərclər yaranıb. E.Axundov qeyd edib ki, belə halların olmaması üçün müəssisələr daxillərindəki elektron sistemləri qorumağı bacarmalıdırlar.

Menecer hesab edir ki, belə halla qarşılaşmaq istəməyən müəssisə istifadə etdiyi proqramların mənsəbini bilməlidir: "Müəssisə proqram təminatını bizdən almırsa, onu pirat üsulla əldə edir. Onun işləməsi üçün pirat dediyimiz cinayətkarlar ona müdaxilə etməlidirlər ki, proqram normal işləsin. Müdaxilə nəticəsində piratların həmin sistemə nə qoyduğu bilinmir. Bunu yalnız özləri bilirlər. Belə sistemlər üçün hər zaman təhlükə olur.

Buna görə də müəssisə bilməlidir ki, proqram haradan əldə olunub, onu hansı şirkət idarə edir, onun içərisinə nə qoyub. Ona görə də proqram təminatının lisenziyalaşdırılması çox vacibdir. Müəssisələr aldıqları proqramları məhz lisenziya qaydalarına uyğun olaraq, sahibkarlardan almalıdırlar. Bildiyimə görə, elektron sistemlərinə müdaxilə olan universitetlərdə proqram təminatları lisenziya qaydalarına uyğun istifadə olunmayıb. Sistemə müdaxilənin bir səbəbi bu da ola bilər".

ŞƏRH YAZ
0

“Övladımın işi ilə maraqlanmıram” — General Novruzəli Orucov oğlunun məhkəməsindən DANIŞDI

“Övladımın işi ilə maraqlanmıram”
12:02
Bu gün
60
Ölkə
A
Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti rəisinin həqiqi hərbi xidmətə çağırış üzrə sabiq müavini, general-mayor Novruzəli Orucov xuliqanlıq hərəkəti etməkdə təqsirli bilinən oğlu Rüstəm Orucovun Bakı Apellyasiya Məhkəməsində keçirilən işi ilə bağlı qısa açıqlama verib.

Novruzəli Orucov “Ölkə.Az”a açıqlamasında oğlunun əməlindən utandığını söyləyib:

“Məhkəmə hansı qərarı çıxarırsa, qoy çıxartsın. Oğlumun işi ilə maraqlanmıram. Hakim nəyi doğru hesab edirsə, onu da etsin”.

Qeyd edək ki, Baş Prokurorluğun yaydığı rəsmi məlumata əsasən, ötən il iyulun 3-də Bakı şəhər sakini R.Orucov sürücülük hüququndan məhrum olunmasına baxmayaraq, idarə etdiyi BMW markalı 10-OG-300 dövlət nömrə nişanlı avtomobillə yol hərəkəti qaydalarını pozduğuna görə, ona əsaslı irad bildirmiş sürücü Sənan Səmədovun idarə etdiyi marşrut avtobusunu 8 dayanacaq təqib edərək sərnişinlərin narahatlığına və insanlarda vahiməyə səbəb olub, vətəndaşların gözü qarşısında bir qrup şəxslə həmin sürücüyə xəsarətlər yetirərək xuliqanlıq edib. R.Orucov piyadanın ölümünə səbəb olan yol-nəqliyyat hadisəsi törədib hadisə yerindən qaçdığına görə, hələ 2014-cü ildə 4 il müddətinə azadlıqdan məhrum olub, 2016-cı ildə isə şərti olaraq vaxtından əvvəl azad edilib. Yuxarıda qeyd olunmuş xuliqanlıq hadisəsi də məhz onun şərti azadlıqda olduğu dövrdə baş verib.

Faktla bağlı 2017-ci il 4 iyul tarixində Binəqədi Rayon Polis İdarəsinin İstintaq şöbəsində Cinayət Məcəlləsinin 221.2.1-ci (bir qrup şəxs tərəfindən xuliqanlıq) maddəsi ilə cinayət işi başlanıb.

R.Orucov həmin maddə ilə ittiham olunaraq barəsində məhkəmənin qərarı ilə həbs qətimkan tədbiri seçilib.

K.Vəliyev və P.Abbasovun barəsində isə polis nəzarəti qətimkan tədbiri seçilmişdi.

Bu il yanvarın 17-də Binəqədi Rayon Məhkəməsinin hökmü ilə R.Orucov 4 il 6 ay, P.Abbasovla K.Vəliyevin hər biri 1 il 6 ay müddətinə azadlıqdan məhrum edilib. P.Abbasov və K.Vəliyev məhkəmə zalında həbs olunub. Hökmdən narazı qalan şəxslər apellyasiya şikayəti ilə Bakı Apellyasiya Məhkəməsinə müraciət ediblər.

Xatırladaq ki, R.Orucov Novruzəli Orucovun oğludur. General-mayor Novruzəli Orucov Prezident İlham Əliyevin sərəncamı ilə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti rəisinin həqiqi hərbi xidmətə çağırış üzrə müavini vəzifəsindən azad edilib.

Vasif Həsənli
Ölkə.Az

ŞƏRH YAZ
0

Bayıl sakinlərinin kompensasiyaları hesaba köçürüldü

Bayıl sakinlərinin kompensasiyaları hesaba köçürüldü
11:24
Bu gün
285
Ölkə
A
Bayıl sürüşmə zonasında evləri dağılan 6 ailə üçün təyin olunan birdəfəlik maddi yardım artıq hesablara köçürülüb.

“Ölkə.Az” Report-a istinadən verdiyi  məlumatına görə, ailə başçıları günortadan sonra həmin vəsaitləri müvafiq bank hesabınlarından çıxara bilərlər.

Xatırladaq ki, Nazirlər Kabinetinin müvafiq qərarı ilə Səbail rayonu, Bayıl yaşayış sahəsində yerləşən Cənubdərə adlanan ərazidə fevralın 10-da baş vermiş lokal torpaq sürüşməsi nəticəsində evi əşyaları ilə birlikdə dağılaraq yaşayış üçün tam yararsız vəziyyətə düşən, ümumi sahəsi 306 kvadrat metr olan 4 fərdi yaşayış evinin, həmçinin bir hissəsi dağılaraq yaşayış üçün yararsız vəziyyətə düşmüş ümumi sahəsi 182 kvadrat metr olan 2 fərdi yaşayış evinin sahiblərinə evin bir kvadrat metri üçün 700 manat və hər bir evdə yararsız vəziyyətə düşmüş ev əşyaları üçün 1500 manat olmaqla ümumilikdə 347 min 600 manat məbləğində birdəfəlik maddi yardım ödənilib. 

ŞƏRH YAZ
0
BAĞLA