“Dövlət vətəndaşının təhlükəsizliyini təmin etmək üçün bütün addımları atır”

Bunu “Ölkə.Az”a açıqlamasında Vətəndaş Birliyi Partiyasının sədri, deputat Sabir Hacıyev Azərbaycan Prezidenti İlham Əliyevin müraciətini şərh edərkən deyib.

Onun sözlərinə görə, hələ virusun yayılma prosesi başlayan ilk gündən Azərbaycan dövləti vətəndaşların sağlamlıqlarının qorunması, virusdan yoluxma hallarının minimum olması istiqamətində vacib və təxirəsalınmaz  tədbirlər planınını həyata keçirməkdədir.

“Məqsəd vətəndaşlarımızın təhlükəsizlyinin təmin edilməsinə və sağlamlığının müdafiəsinə yönəlib. Son günlərdə isə   vətəndaşları koronavirus infeksiyasına yoluxmaqdan qorumaq məqsədi ilə daha ciddi karantin rejimi tətbiq edilib. Bununla Azərbaycan dövləti bir daha gücünü nümayiş etdirərək vətəndaşının təhlükəsizliyini təmin etmək istiqamətində bütün zəruri kompleks addımlarını atıb və atmaqdadır. Biz bunun  gündəlik şahidi oluruq.   Elə bu gün  Sumqayıtda  Kimya Sənaye Parkında “Bakı Tekstil Fabriki” MMC tərəfindən yaradılan tibbi maska istehsalı müəssisəsi və bundan öncə dezinfeksiya spirti istehsal edən müəssisənin  fəaliyyətə başlaması bunların bariz nümunəsidir. Ölkə başçısı bununla  göstərdi ki, dövlətin əsas vəzifəsi xalqımızı, dövlətimizi qorumaqdır.  Məhz  görülən tədbirlər  nəticəsində  koronavirus pandemiyası ölkəmizdə geniş vüsət almayıb. Ancaq vətəndaş olaraq bizlərin də üzərinə böyük məsuliyyət düşür. Yadda saxlamalıyıq ki, biz  tətbiq edilən karantin rejiminin tələblərinə, nizam-intizam qayadalaırna riayət etməklə həm koronavirusun miqyasının genişlənməsinin qarşısını almış, həm də özümüzün, yaxınlarımızın, övlad və valideynlərimizin təhlükəsiziliyini, sağlamlığını təmin etmiş oluruq. Bütün bu məhdudlaşdırıcı tədbirlər  bizim təhlükəsiziliyimizin təmin olunması üçün edilir. Bizim də borcumuz  vətəndaş məsuliyyətini dərk edərək qaydalara riayət etməkdir”, - deyə, S.Hacıyev bildirib.

Mürtəza

Ölkə.Az