Dövlət yerli istehsalı inkişaf etdirməklə idxalatı azaltmağı qarşısına məqsəd qoyub

2017-ci ildə  228,1 min ton şəkər və şəkər tozu istehsal olunub ki, bu da 2016-cı illə müqayisədə 190,3 min ton azdır. Azərbaycanda əhalinin şəkərə olan tələbatını təmin edəcək yalnız bir müəssisə fəaliyyət göstərir. Bu "Azərsun Holdinq"in tərkibində olan və 2006-cı ildən fəaliyyətə başlayan İmişli Şəkər Zavodudur. Zavodun istehsal gücü ildə 1,8 milyon ton və ya 657 min ton xam şəkərdir. Amma son vaxtlar zavod öz istehsal gücündən təqribən ikiqat aşağı fəaliyət göstərir. Belə ki, 2016-cı ildə zavoda 420 min tona yaxın şəkər istehsal edildiyi halda. 2017-ci ildə istehsal kəskin azalaraq 228 min tona düşüb. 

Yerli istehsalın kəskin azalması nəticəsində ölkə daxilində şəkərə olan təlabat ancaq idxalat hesabına təmin edilib. Bu məqsədlə son iki ildə ölkəyə şəkər idxalına təqribən 320 milyon dollar vəsait xərclənib.  Ancaq Azərbaycan Prezidenti tərəfindən məqsədyönlü şəkildə həyata keçirilən siyasətə uyğun olaraq ölkə əhalisinin maksimum yerli istehsalla təmin olunması qarşıya hədəf qoyulub. 

Məsələ ilə bağlı iqtisadçı alim Vüqar Bayramova müraciət etdik.

“Ölkə.Az”a açıqlamasında Vüqar Bayramov bildirib ki, Azərbaycanda şəkərə tələb yüksək olduğundan, bu sahənin inkişafı dövlətin dəstəklədiyi  sahələrdən biridir.

“Bu sahənin inkişaf etdirilməsində iki məqam nəzərə alınıb. Birincisi şəkər istehsalına olan xammalın yetişdirilməsi, ikincisi isə yerli istehsalı inkişaf etdirmək. Yəni dövlət yerli istehsalı inkişaf etdirməklə idxalatı azaltmağı qarşısına məqsəd qoyub.

Düzdür, tam tələbatı ödəmək üçün yerli xammal yetərincə olmadıqda, şəkər istehsalı üçün xammalın bir qisminin xaricdən alınması labüddür. Məhz son iki ildə də yerli istehsalın təşviqi və bu sahənin dövlət tərəfindən dəstəklənməsi, stimullaşdırılması nəticəsində bu sahədə ciddi irəliləyiş əldə olunub.

Şəkər istehsalının artımı da öz növbəsində ölkəyə həm şəkər istehsalı üçün lazım olan xammalı, həm də şəkərin idxalını azaldıb. Bu da çox mühüm məsələdir. Yəni bu yolla həm iqtisadiyyatın inkişafına, həm də valyutanın ölkədən çıxamasının qarşısını alıb”, -V. Bayramov deyib.

İqtisadçı onu da əlavə edib ki, Azərbaycanda yerli şəkər istehsalının həcminin artması, həm də ixrac deməkdir:

“İxrac isə ölkəyə əlavə valyutanın gəlməsi deməkdir. Yerli istehsal artıqca idxal azalır və ölkədən valyuta çıxmır. Əksinə ixrac nəticəsində ölkəyə əlavə valyuta gəlir. Digər bir məqam isə  bazarda qiymətlərin optimallaşdılması imkanları yaranır. Odur ki, şəkər istehsalının artması  istənilən halda müsbət qiymətləndirilməlidir”.

Mürtəza
Ölkə.Az