"Dövlətimizin uğurlu gələcəyi bayrağa olan sevgidən keçir" — Millət vəkili

12:31
08.11.2019
1250
Siyasət
A
“Gerb, Himn və Bayraq müstəqil dövlətin rəmzləri hesab olunsa da, bayrağın rolu tamamilə fərqlidir və bu da təsadüfi deyil. Bayraq təkcə dövlət atributi deyil, həmçinin həyatımızın ayrılmaz bir parçasıdır. İnsan həyatında bayraqla içə-içə yaşam tərzi hökm sürür. Evdə, işdə, küçədə, tədbirdə və sair yerlərdə biz bayraqla mütəmadi olaraq təmasda oluruq. Bu da təsadüfi deyil. Bayraq bir xalqın, millətin, toplumun dünyada söz sahibi olması, qürur sahibi olması deməkdir”.

Bunu “Ölkə.Az”a açıqlamasında millət vəkili, professor Fəzail İbrahimli  9 Noyabr Bayraq Günü ilə bağlı fikrini bölüşərkən deyib.

Onun sözlərinə görə,  bayraq  həm heysiyyat, həm də bir vicdan, şərəf,  namus məsələsidir. “Ona görə də bayraq hər zaman  müqəddəslik simvolu hesab olunub. Siz baxın müharibələrdə kimin qalib olması bayrağın qaldırılması ilə ölçülür. İdman yarışlarında  idmançı qələbə kürsüsünə qalxanda  təmsil etdiyi dövlətin bayrağı yüksəlir. Hər bir vətəndaşımız  hansısa xarici ölkədə, tədbirdə, idman  və digər yarışmalarda  Azərbaycan bayrağı qaldırılanda necə də qürurlanır,   fəxarət hissi keçirir, hətta bəziləri bayraq qaldırılanda  hisslərinə hakim kəsilə bilməyib kövrəlir.Çünki Azərbaycan bayrağı qaldırılanda təkcə oradakı iştirakçının deyil, dövlətimizin qələbəsi elan olunur. Bax ona görə bayraq müqəddəsdir və  hər şeydən üstündür.  O baxımdan da dahilər hansı dövlət olmasından asılı olmayaraq bayraqlara  böyük ehtiram bəsləyiblər. Bir faktı deyim ki, Mustafa Kamal Atatürk istiqlal savaşında İzmiri  təkrarən yunanlardan azad edəndə onun ayaqları altına yunan bayrağı atılır. O isə bu hərəktədən çox  qəzəblənir və bayrağı yerdən qaldırmağı əmr edir.  Ona deyirlər ki, axı yunanlar şəhəri alanda  Türk bayrağını ayaqları altına atdılar. Atatrük isə cavabında deyir ki, bayraq müqəddəsdir və mən  rəmzlərlə vuruşmuram. Müqəddəs simvola toxunmaq olmaz”- deputat bildirib.

F.İbrahimli əlavə edib ki, bayraq eyni zamanda cəmiyyəti səfərbər edən, bir arada tutan, cəmiyyətə stimul verən  simvoldur: “Odur ki, Azərbaycan bayrağını biz hər zaman ucalarda tutmalı, ona layiq olmağa çalışmalıyıq və bunu həyatımızın hər anında  fəaliyyətimizdə sübut etməliyik. Bir  faktı da deyim, AŞPA-da Azərbaycan nümayəndə heyətinin tərkibində Strasburqa səfər edən zaman təşkilatın qərargahı qarşısında üzv ölkələrin bayraqları asılıb. Orada Azərbaycan bayrağını görəndə çox kövrəldim və möhtəşəm bayrağımız qarşısında səcdə etdim. Səcdə edərkən ilk yadıma  düşən böyük şairimiz  Məhəmməd Hadi oldu. O bir zamanlar  yazdığı şerlərdə qeyd etmişdi ki, “Yox millətimin imzası millətlər içində” fəryad edib, müstəqil Azərbaycan dövlətinin bayrağı həsrəti ilə yanmışdı. O zaman dedim ki, ruhun şad olsun Məhəmməd Hadi, artıq var millətimin imzası millətlər içərisində...  Artıq bütün beynəlxalq təşkilatların qarşısında  üçrəngli Azərbaycan bayrağı dalğalanır və bu bir daha  millətimin dünya  xalqları  içərisində layiqli imzası var deməkdir. Bu gün biz bu üçrəngli bayrağımızla dünyada fəxr edə bilərik. Hər bir Azərbaycan vətəndaşı qürurla deyə bilər ki, var millətimin imzası imzalar içərisində... Görürsünüz imzalar bayraqla tanınır. Bax bu  bu bizim ən böyük varlığımızdır və onu göz bəbəyi kimi qorumalıyıq.  Bunu  gənc nəslə aşılamalıyıq. Evdə uşaqlara, yeniyetmələrə, gənclərə bayrağın simvolunu, onun müqəddəsliyini aşılamalıyıq. Gələcək nəslin bu ruhda böyüməsinə çalışmalıyıq. Elə etməliyik ki, bayrağın müqəddəsliyi hər bir vətəndaşın, Azərbaycan insanının ruhuna hopsun. Çünki Azərbaycanın uğurlu gələcəyi bayrağa olan  münasibətdən çox asılıdır. Dövlətimizin etibarilə əllərdə olması bayrağa olan sevgidən keçir. Himnimizin sonunda qeyd edildiyi kimi-


Namusunu hifz etməyə,
Bayrağını yüksəltməyə,
Cümlə gənclər müştaqdır!
Şanlı Vətən! Şanlı Vətən!
Azərbaycan! Azərbaycan!
 Bu gənclərə bir mesaj və müracitədir. Ona görə də  hər bir insanın ruhu, düşüncəsi  bayrağa köklənməlidir. Bayrağı müqəddəs sayıb, onun üçün ölümə hazır olmalıdır”- millət vəkili bildirib.

Fikrini əsaslandıran millət vəkili  əlavə edib ki, bu gün Azərbaycanın yerləşdiyi coğrafi məkan və əldə etdiyi uğurlar  çoxlarının xoşuan gəlmir və qısqanclıqla yanaşırlar: “ Bu təbiidir. Azərbaycanın  geosiyasi vəziyyəti   böyük dövlətlərin Qafqaz marağı, onun içində Azərbaycan marağı və bu maraqlar altında  mübarizə daima olub və gələcəkdə də olacaq.  Ona görə də bizim əsas vəzifəmiz bu niyyəti başa düşməli və bunu nəzərə alaraq fəaliyyətimizi qurmalıyıq. Şimaldan, Cənubdan, Şərqdən, Qərbdən ölkəmizə uzanan o mənhus  baxışları və iti caynaqları görüb,  adekvat  fəaliyyətimizlə cavab verməliyik.  Onların qarşısında güclü olmağı bacarmalıyıq. Bu da cəmiyyətin birliyindən keçir. Azərbaycan insanına aydın olmalıdır ki, 200 ildən artıq xristian  ağuşuna sığınan və orada  özlərinə qala quran ermənilərin Vətənimizə qarşı çirkin planlarını  başa düşməli və hər zaman  ayıq olmalıdır”.

Mürtəza
Ölkə.Az

ŞƏRH YAZ
0

Deputat: “Bu gün hansı partiya daha çox söyəcəksə, özünü müxalifətçi hesab edir”

Deputat: “Bu gün hansı partiya daha çox söyəcəksə, özünü  müxalifətçi hesab edir”
17:26
Bu gün
68
Siyasət
A
“Azərbaycan Prezidentinin rəhbərliyi ilə ölkə iqtisadiyyatının inkişaf etməsi, dövlət büdcəsinin daha geniş şəkildə artmasının şahidiyik. 2020-ci ilin dövlət büdcəsi müstqəiliyimiz tarixində ən böyük büdcədir. Sosial sahəyə ayrılan vəsait büdcənin çox böyük hissəsini əks etdirir. Bu baxımdan büdcəni sosial büdcə adlandıra bilərik. Milli Məclisdə xalqın taleyini həll edəcək ciddi məsələlərin müzakirəsi zamanı, bir qrup şəxs Bakı Şəhər İcra Hakimiyyəti qarşısında piket keçirib, nəqliyyatın hərəkətini iflic etməkdədir”.

 “Ölkə.Az” xəbər verir ki, bunu YAP icra katibinin müavini, deputat Siyavuş Novruzov parlamentin bu gün keçirilən plenar iclasında çıxış edərkən deyib. 

Bəzi qüvvələrin ölkəmizin inkişafını gözü götürmədiyini deyən S. Novruzov söyləyib ki, onlar Azərbaycanın digər ölkələr kimi ağır vəziyyətdə olmasını, başqa dövlətlərin əlinə baxmasını istəyirlər: “Burada oturan deputatların hər biri büdcəni müzakirə edir, öz dairələri, təmsil olunduqları ərazidə problemlərin həllini təklif edirlər. Bir qrup isə Bakı Şəhər İcra Hakimiyyəti qarşısında piket edir. İndi onlardan soruşmaq lazımdır ki, onlar, xalqın problemləri ilə maraqlanır, yoxsa burada oturanlar? Deputat söyləyib ki, ictimai qarışıqlıq yaratmaq, asayişi pozmaq, seçkilərə mane olmağın nəyə xidmət etdiyi bəllidir: “Əgər onlar BMT-nin ofisi qarşısında belə piket keçirsəydilər, onu başa düşərdim. Çünki işğal altında olan torpaqların sakinləri bələdiyyə seçmək hüququndan məhrum olublar. Bir dəfə də olsun Qarabağın adını çəkməyənlər insanlar gedib piket keçirirlər. Onların piketi nəticəsində bütün nəqliyyat dayanıb, təhsil sistemi pozulub”.

S. Novruzov onu da əlavə edi bki, bu gün Azərbaycan müxalifəti ağılla deyil, söyüşlə söyməklə bir-biri ilə rəqabətə girişib: “Kim daha çox söyüş söyəcəksə,  xarici ölkələrin diqqətini özünə cəlb etməklə rəqabətə girişib, müxalifətçi olmasını sübut etməyə çalışır. Gərək  söyüç söyəsən, xaqlın, dövləttin maraqlarının ziyanına çalışasan, onda olasan  müxalifətçi... Aksiyalarına 30 adam yığılır. Nəticədə  aksiyaya görə yollar bağlanır, nəqliyyatın fəaliyyəti iflic  vəziyyətə düşür, məktəblilərin dərsə getməsinə maneçiliklər yaranır”.

S. Novruzov qeyd edib ki, Azərbaycan Prezidenti, hökuməti görülən işləri hərtərəfli təqdim edir: “Əgər hər hansı məsələ ilə bağlı iradınız varsa, şikayət edin. Heç bir sahədə narazılığa səbəb olan heç nə tapa bilmirlər. Orataya iqtisadçı çıxararaq, terminlərlə nəsə demək istəyirlər. Amma onların bücədən başları çıxmır”. YAP icra katibinin müavini çıxışı zamanı bələdiyyə seçkilərinin keçiriləcəyini xatırladaraq, siyasi partiyalara ayrılan vəsait artırılmasını təklif edib.

 Mürtəza
 Ölkə.Az

ŞƏRH YAZ
0

Prezidentdən icra başçılarına: Çatışmayan cəhətləri üzə çıxarmalısınız

Prezidentdən icra başçılarına: Çatışmayan cəhətləri üzə çıxarmalısınız
16:59
Bu gün
242
Siyasət
A
Bu gün kadr islahatlarının yeni dövrüdür. Bu gün bir neçə rayona icra başçıları təyin olunur. Onların bəziləri artıq neçə ildir ki, icra başçısı vəzifəsində işləyirlər, bəziləri bu gün bu məsul vəzifəyə təyin olunurlar. Biz burada təcrübə ilə yeniliyin sintezini, vəhdətini görürük və bu, uğurlarımızın əsas bazasıdır.

"Ölkə.Az" xəbər verir ki, bunu Azərbaycan Respublikasının Prezidenti İlham Əliyev İlqar Abbasovu Şirvan şəhər, Mərdan Camalovu Zərdab, Əziz Əzizovu Bakının Suraxanı, Elşad Həsənovu Yasamal, Rafiq Quliyevi Xətai rayonlarının icra hakimiyyətlərinin başçıları vəzifələrinə təyin olunmaları ilə bağlı qəbul edərkən deyib.

Dövlət başçısı qeyd edib ki, onlar vəziyyəti düzgün qiymətləndirməlidirlər:

“Yeni təyin olunan icra başçılarına mənim sözüm odur ki, siz, ilk növbədə, vəziyyəti düzgün qiymətləndirməlisiniz, çox ciddi təhlil aparmalısınız, çatışmayan cəhətləri üzə çıxarmalısınız və mövcud olan problemlərin həlli üçün səylərinizi göstərməlisiniz.

O problemlər ki, həlli mərkəzi icra orqanlarından asılıdır, siz mütləq mərkəzi icra orqanlarına, Prezident Administrasiyasına, Nazirlər Kabinetinə, digər müvafiq qurumlara müraciət etməlisiniz. O məsələləri ki, özünüz həll edə bilərsiniz, özünüz də həll etməlisiniz.

Başlıca məsələ ondan ibarətdir ki, sizin işinizdə əsas prinsiplər bərqərar olsun. Birinci halda ləyaqətlə xidmət etməlisiniz. Bu, həm bu gün yeni təyin olunan icra başçılarına, həm də artıq icra başçısı vəzifəsində işləmiş və digər rayon və şəhərlərə göndərilən icra başçılarına aiddir.

Xalqa xidmət etmək hər bir dövlət məmurunun borcudur və dəfələrlə demişəm ki, mən Prezident kimi öz vəzifəmi bunda görürəm – xalqa xidmət etmək. Məhz bu xidmətə görə Azərbaycan əhalisi bizə çox böyük dəstək göstərir.

Yenə də Davos İqtisadi Forumunun hesabatına qayıtmaq istəyirəm. Orada göstərilir ki, hakimiyyətin dəyişikliklərə, islahatlara meyili və əhali tərəfindən rəhbərliyə olan dəstək sahəsində Azərbaycan dünya miqyasında birinci onluğa daxil edilib. Bu dəstək nəyin hesabınadır? Ona görə ki, xalqa xidmət etmək mənim borcumdur və bundan sonra da əsas borcum olaraq qalacaq”.

ŞƏRH YAZ
0
BAĞLA