Dr. Səbinə Mirzəyevadan xəbərdarlıq — Erkən nikahlar və qohum evlilikləri təhlükəlidir

Dr. Səbinə Mirzəyevadan xəbərdarlıq
15:46
19.06.2017
116
Ölkə
A

Erkən nikahlar... Qohum evlilikləri... Əsrlərdir cəmiyyətimizin klişeləşmiş problemləri olaraq qalır. Təəssüflər olsun ki, XXI əsrdə belə biz cəmiyyət olaraq bu naqisliklərdən qurtula bilmirik. Bu problemlərin fəsadları özünü tezliklə göstərir və qeyri-sağlam mühitin formalaşmasına ciddi təsir edir. Sağlamlıq hər şeydən vacibdir deyirik, amma diqqət etmədiyimiz və ya gözardına aldığımız bu problemləri mütəmadi olaraq gündəmdə saxlamağı lazım bilirik. 

Bu səbəbdən mama-ginekoloq Səbinə Mirzəyevadan mövzuya aydınlıq gətirməsini istədik. 

"Hər bir qadın üçün reproduktiv bir dövr var. Bu reproduktiv dövr 18 yaşından 35 yaşına qədər davam edir. Erkən ana olmaq istəyənlər üçün bildiririk ki, hamiləlik qadın sağlamlığı və vücudu üçün böyük bir stressdir" deyə Səbinə xanım "Qaynarinfo"-ya açıqlamasında bildirir.

Onun sözlərinə görə, hamiləlik zamanı orqanizmdə metabolik hormonal dəyişikliklər baş verir və bu zaman digər orqanlara da yük düşür: "Buna görə də tam formalaşmamış bir orqanizmin də övlad daşıyacaq gücü olmur. Və belə hallarda doğulan uşaqların sağlamlığı sual altında qalır. Bu zaman erkən doğuşlarla nəticələnə bilir və yaxud hamiləlik başa çatmır. Qohum evliliyindən doğulan uşaqlar genetik və xromosom qüsurlarla doğulur. Bu da həm cəmiyyət üçün həm də valideyn üçün problemdir. Qohum evliliyindən doğulan uşaqlarda, həmçinin, psixi-emosional problemlər də yaranır. Qadın hamiləliyə psixi-emosional olaraq da hazır olmalıdır, hamiləlik təbii olaraq sinir sisteminə də toxunur. Ona görə də, erkən yaşda hamiləlik zamanı qadının psixi-emosional problemləri olur və təəssüf ki, çox zaman hamiləliyi başa çatdıra bilmir".

Ölkə.Az

ŞƏRH YAZ
0

Novruz Məmmədov yeni qərar imzaladı

Novruz Məmmədov yeni qərar imzaladı
01:20
Bu gün
3304
Ölkə
A
Nazirlər Kabineti "Yaşıllıqların bərpası Qaydası"na əlavə edib.

"Ölkə.Az" xəbər verir ki, müvafiq qərarı baş nazir Novruz Məmmədov imzalayıb.

Qərara əsasən yaşıllıqların götürülməsi (kəsilməsi) halında yaşıllıqların bərpası yaşıllığı götürən (kəsən) subyektlər tərəfindən və ya onların vəsaiti hesabına istifadəsində olan torpaqlarda mərkəzi icra hakimiyyəti orqanları, digər torpaq sahələrində isə yerli icra hakimiyyəti orqanları və ya Azərbaycan Respublikası Nazirlər Kabinetinin Azərbaycan Respublikası Mənzil İnşaatı Dövlət Agentliyinin sərəncamına verdiyi torpaq sahələrinə münasibətdə Azərbaycan Respublikasının Mənzil İnşaatı Dövlət Agentliyi, bələdiyyələr, fiziki və hüquqi şəxslər, qeyri-hökumət təşkilatları tərəfindən aparılır.

Ölkə.Az

ŞƏRH YAZ
0

Nazirlər Kabinetindən yeni qərar — Siyahı dəyişdirildi

Nazirlər Kabinetindən yeni qərar
01:08
Bu gün
1925
Ölkə
A
Nazirlər Kabineti "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin strukturuna daxil olmayan tabeliyindəki qurumların Siyahısı"nda dəyişiklik edib.

"Ölkə.Az"ın məlumatına görə, dəyişikliyə əsasən “Elektron Hökumətin İnkişafı Mərkəzi” publik hüquqi şəxs Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin strukturuna daxil olmayan tabeliyindəki qurumların siyahısına daxil edilib.

Bununla da Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin strukturuna daxil olmayan tabeliyindəki qurumların sayı 3-ə çatıb. İndiyə qədər bu siyahıya "İnnovasiyalar Mərkəzi” Məhdud Məsuliyyətli Cəmiyyət və “ABAD” publik hüquqi şəxs daxil olub.

Qeyd edək ki, “Elektron Hökumətin İnkişafı Mərkəzi” publik hüquqi şəxs Azərbaycan prezidenti İlham Əliyevin “Elektron hökumətin inkişafı və rəqəmsal hökumətə keçid ilə bağlı tədbirlər haqqında” 14 mart 2018-ci il tarixli fərmanına əsasən yaradılıb. Fərmanda qeyd edilib ki, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində “Elektron Hökumətin İnkişafı Mərkəzi” publik hüquqi şəxs yaradılsın.

Ölkə.Az

ŞƏRH YAZ
0
BAĞLA