KORONAVİRUSA YOLUXANLARIN SAYI - CANLI STATİSTİKA

DSX və Hərbi Prokurorluq birgə məlumat yayıb

DSX və Hərbi Prokurorluq birgə məlumat yayıb
11:58
04.06.2020
4352
Ölkə
A
Dövlət Sərhəd Xidmə­ti və Respublika Hərbi Prokurorluğunun birgə tədbirlər planına uyğun olaraq dövlət sərhədinin etibarlı mühafizəsi, hərbi intizamın, qanunçuluğun və hüquq qay­da­­­larının möhkəmlən­dirilməsi istiqamətində ardıcıl olaraq məqsədyönlü tədbirlər həyata keçirilir.

"Ölkə.Az" xəbər verir ki, bu barədə Dövlət Sərhəd Xidməti və Respublika Hərbi Prokurorluğunun mətbuat xidmətləri birgə məlumat yayıb. 

Bu tədbirlər çərçivəsində Dövlət Sərhəd Xidməti rəisinin şəxsi heyət üzrə müavini general-leytenant Azad Ələkbərovun və Azərbaycan Respublikası Hərbi prokurorunun müavini ədliyyə general mayoru Rasim Kazımovun Dövlət Sərhəd Xidmətinin Sərhəd Qoşunlarının Ermənistanla dövlət sərhədinin mühafizə və müdafiəsini həyata keçirən “Qazax” əlahiddə sərhəd diviziyasının hərbi hissə və bölmələrinin şəxsi heyəti ilə görüşləri təşkil olunmuşdur.

Dövlət Sərhəd Xidmətinin Sərhəd Qoşunlarının “Qazax” əlahiddə sərhəd diviziyasının sərhəd döyüş məntəqələrində xidmət aparan sərhədçilərlə görüşlər zamanı onların xidməti və yaşayış şə­raitləri öyrənilmiş, hərbi qulluqçuların hərbi vətənpərvərlik ruhunda tərbiyə olunması, onlarda düşmənə nifrət hissinin aşılanması, hüquq qay­da­­­larının və hərbi intizamın möhkəmlən­dirilməsi, cinayət hadisələrinin qarşısının alınması üzrə profilaktik işin aparılması istiqamətində müvafiq tövsiyələr verilmiş, Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin həyata keçirdiyi uğurlu siyasət nəticəsində dövlətimizin daha da qüdrətlənməsindən, xalqımızın rifahının hərtərəfli yaxşılaşdırılmasından, respublikamızda mövcud olan əmin-amanlığın və ictimai-siyasi sabitliyin davamlılığından qürur hissi ilə bəhs edilmişdir.

Tədbirin sonunda Dövlət Sərhəd Xidmətinin Sərhəd Qoşunlarının “Qazax” əlahiddə sərhəd diviziyasının zabitləri, sərhəd komendantları və sərhəd zastavalarının rəisləri ilə mü­şavirə keçirilmiş, dövlət sərhədinin toxunulmazlığının, şəxsi heyətin təhlü­kəsizliyinin təmin edilməsi, cinayət və hadisələrin qarşısının alınması, sərhədçilərin döyüş ruhunun daha da yük­səldilməsi istiqamətində zəruri tapşırıqlar verilmiş, hərbi qulluqçuları maraqlandıran suallar cavablandırılmışdır.

ŞƏRH YAZ
0

Azərbaycanda prokuror koronavirusa yoluxdu

Azərbaycanda prokuror koronavirusa yoluxdu
11:41
Bu gün
359
Ölkə
A
Sabirabad rayonunun prokuroru Fəxrəddin Pənahov koronovirusa yoluxub.

"Ölkə.AZ" Report-a istinadən xəbər verir ki, onun COVID-19 testinin nəticəsi müsbət olub.

Qeyd edək ki, Fəxrəddin Pənahov 1 həftə əvvəl  Sabirabad rayonunun prokuroru vəzifəsinə təyin olunmuşdu.

ŞƏRH YAZ
0

Azərbaycanda daha bir vəzifəli şəxsdə koronavirus aşkarlandı

Azərbaycanda daha bir vəzifəli şəxsdə koronavirus aşkarlandı
10:47
Bu gün
4037
Ölkə
A
İmişli Rayon Mərkəzi Poçt Şöbəsinin rəisi Adəm Səfərov koronavirusa yoluxub.

"Ölkə.Az" “Report”a istinadla xəbər ki, onun COVID-19 testinin nəticəsi müsbət olub.

A.Səfərov karantin mərkəzi olan İmişli rayon Mərkəzi Xəstəxanasına yerləşdirilib.

ŞƏRH YAZ
0
BAĞLA