Dubayda ilk robot-polis işə başladı
"Ölkə.Az" xəbər verir ki, hökumət 2030-cu ilə qədər xidmət göstərən polislərin 25 %-ini robotla əvəz etməyi planlaşdırır.
Robot-polislər ilk olaraq şəhərdəki ticarət mərkəzlərini və turistik məkanları qoruyacaqlar. Bundan başqa insanlar robotlara cinayət barədə məlumat verə biləcəklər, cərimə ödəyəcəklər. Eyni zamanda robotun sinəsindəki ekrandan istədikləri məlumatı öyrənə biləcəklər. Robot-polis tərəfindən toplanan məlumatlar isə polislərlə bölüşəcək.
Dubay polisinin nümayəndəsi Halid Əl Razuki deyib: "Polis məmurlarımızı bu maşınlarla dəyişdirmərik. Amma Dubayda yaşayanların sayı artır. Bu səbəbdən düzgün yerdə işləmələri və təhlükəsiz bir şəhəri təmin etmək üçün polislərin yerini dəyişdirəcəyik. Robotlar hazırda ancaq ərəb və ingilis dilində danışa bilir. Amma yaxın gələcəkdə rus, çin, fransız və ispan dilində də danışa biləcək".
Hikmət
Ölkə.Az
