Dünən ən çox danışılan qollar
Rusiyada keçiriləcək futbol üzrə dünya çempionatının 2 iştirakçısı - meydan sahibləri və Cənubi Koreya yığması yoldaşlıq matçı keçirib.
Ölkə.Az Prosport.Az-a istinadən xəbər verir ki, paytaxt Moskvadakı "VEB Arena"da baş tutan görüşdə Rusiya yığması asiyalılara 4:2 hesabı ilə qalib gəlib.
Rusların 87-ci dəqiqəyədək 4:0 qalib gəldiy görüşdə qolların 2-ni koreyalılar öz qapısından keçirib. Belə ki, Cənubi Koreyanın Çində legioner karyerası yaşayan müdafiəçisi Kim Yu-yön 1 dəqiqə aralığında öz qapısına 2 qol vurub.
Qeyd edək ki, Cənubi Koreya növbəti yoldaşlıq oyununu oktyabrın 10-da Mərakeşə qarşı, Rusiya isə həmin gün digər mundial iştirakçısı İrana qarşı keçirəcək.