Dünya analitikləri — Neft 150 dollara qədər bahalaşacaq

Dünya analitikləri
13:43
07.07.2018
451
İqtisadiyyat
A
Neftin qiyməti 150 dollara qədər bahalaşa bilər.

“Ölkə.Az” xəbər verir ki, bunu “Sanford C.Bernstein & Co” şirkətinin analitikləri bildiriblər.

Analitiklərin fikrinə görə, geoloji kəşfiyyat üçün ayrılan sərmayənin azalması bazarda xam neftin azalması ilə müşahidə ediləcək. Bu isə qiymətlərə təsir edəcək.

Ekspertlərin fikrinə görə, neft azlığı qiymətlərdə kəskin bahalaşmaya səbəb olacaq. 2008-ci ildə də neftin bir bareli 150 dollara satılırdı. Hazırda isə neft ehtiyatları 2000-ci il ilə müqayisədə 30% azalıb. Yanacaq qıtlığı isə tələbi aktivləşdirəcək. Eyni zamanda növbəti 20 il ərzində Asiyada əhali artımı da müşahidə ediləcək. Bu da neft qiymətinə təsir edəcək.

Hikmət Həsənov
Ölkə.Az

ŞƏRH YAZ
0

Banklara dollarla əmanət qoyanların sayı azalıb

Banklara dollarla əmanət qoyanların sayı azalıb
09:55
15.07.2018
700
İqtisadiyyat
A
Mərkəzi Bankın məlumatına görə, iyunun 1-nə əhalinin banklardakı əmanətlərinin milli valyuta ekvivalentində məbləği 7867,5 milyon manat təşkil edib.

Dövlət Statistika Komitəsindən "Ölkə.Az"a verilən məlumata görə, əmanətlərin 62,9 faizi xarici, 37,1 faizi isə milli valyutada qoyulub. Milli valyutada olan əmanətlər əvvəlki ilin müvafiq dövrünə nisbətən 1,7 dəfə artıb, xarici valyutada əmanətlər isə 3,0 faiz azalıb.

Ölkə.Az

ŞƏRH YAZ
0

Azərbaycan və Türkiyə arasında bu prosedur sadələşdirilir

Azərbaycan və Türkiyə arasında bu prosedur sadələşdirilir
08:59
15.07.2018
686
İqtisadiyyat
A
2018-ci ilin sonuna qədər Azərbaycan və Türkiyə arasında elektron imzanın qarşılıqlı tanınması təmin olunacaq.

"Ölkə.Az" xəbər verir ki, bu barədə Trend-ə hökümətdəki mənbə bildirib.

Mənbənin sözlərinə görə, bu sahibkarlara sərhədləri keçərkən yüklərin rəsmiləşdirilməsi prosedurunu sadələşdirməyə imkan verəcək və bu qlobal bazara çıxış və beynəlxalq ticarət münasibətlərinin inkişafı baxımından əhəmiyyətlidir: "Bu istiqamətdə işlər cari ilin aprelində Türkiyə tərəfi ilə imzalanan memorandum çərçivəsində aparılır. Azərbaycanlı mütəxəssislər bir sıra görüşlər keçirib və bu prosesi ətraflı öyrəniblər. Hazırda artıq elekton imzanın qarşılıqlı tanınması üçün texniki hazırlıq aparılır və biz ümid edirik ki, bu məsələ ilin sonuna qədər həll ediləcək".

Daha əvvəl xəbər verildiyi kimi, Azərbaycan Türkiyə ilə elektron imza sertifikatlarının texnoloji cəhətdən qarşılıqlı tanınmasını təmin etməyə hazırdır. İşlərin qiymətləndirilməsi daha əvvəl yaradılmış birgə işçi qrupu keçirilib və onun rəyinə əsasən, bu texnoloji cəhətdən mümkündür.

Azərbaycan cari ilin mart ayında beynəlxalq müqavilələrdə elektron kommunikasiyalarвфт istifadəyə dair BMT-nin konvensiyasına qoşulub. Bu konvensiya elektron imzanın dövlətlərarası səviyyədə qarşılıqlı tanınması məsələsini sadələşdirəcək.

Daha əvvəl elektron imzanın qarşılıqlı tanınması barədə danışıqlar İran, Qətər və Ukrayna ilə də aparılıb.

Ölkə.Az

ŞƏRH YAZ
1
BAĞLA