Dünya Bankı Azərbaycanda inflyasiyaya dair proqnoz verdi

Dünya Bankı Azərbaycanda inflyasiyaya dair proqnoz verdi
12:35
21.04.2017
119
İqtisadiyyat
A
Dünya Bankı (DB) 2017-ci ildə Azərbaycanda orta illik inflyasiyanın 5%-dək azalacağını proqnozlaşdırır.

"Ölkə.Az" APA-ya istinadən xəbər verir ki, bu barədə DB-nin yenilənmiş “Azerbaijan Partnership Program Snapshot” hesabatında deyilir.

2016-cı ildə Azərbaycanda orta illik inflyasiya 12,6% təşkil edib.

DB bildirir ki, bu il orta illik inflyasiyanın azalmasına bazardakı məhdud likvidlik səbəb olacaq.

“Neftin bahalaşmasına baxmayaraq, böyük ehtimalla, bu il də Azərbaycan iqtisadiyyatında durğunluq olacaq. Buna səbəb neft hasilatının azaldılmasıdır. 

Üstəlik, qeyri-neft sektoruna dövlət büdcəsindən ayrılan maliyyə vəsaitlərinin həcminin azalması və bank sektorundakı ağır vəziyyət də bura təsirsiz ötüşmür. Qeyri-neft sektorunun inkişafı zəif olaraq qalacaq. 

Belə ki, hökumət makroiqtisadi sabitliyi təmin etmək üçün sərt fiskal və monetar siyasətə üstünlük verməkdə davam edəcək.

Bununla yanaşı, 2017-2019-cu illərdə ölkənin fiskal mövqeyi ciddi şəkildə yaxşılaşacaq”, - deyə sənəddə qeyd edilib.

Ölkə.Az

ŞƏRH YAZ
0

Azərbaycan kərə yağı idxalından asılılığı xeyli azaldacaq

Azərbaycan kərə yağı idxalından asılılığı xeyli azaldacaq
12:25
20.05.2018
12436
İqtisadiyyat
A
2019-cu il üçün Azərbaycanda kərə yağı idxalından asılılığı, demək olar ki, tam aradan qaldırmaq planlaşdırılır.

"Ölkə.Az" Trend-ə istinadən xəbər verir ki, bunu "Azərbaycan Süd və Süd Məhsulları İstehsalçıları və İxracatçıları" İctimai Birliyinin icraçı direktoru Samir Eyyubov deyib.

S.Eyyubov bildirib: "Azərbaycanın kərə yağının idxalından çox ciddi asılılığı var. Dövlət bu məsələni həll etmək niyyətindədir. Bu məqsədlə 2019-cu ilin ortasına qədər ölkədə fəaliyyət göstərən müəssisələr əsasında iki yeni müəssisə yaradılacaq. Bunun üçün əlavə istehsal xətləri alınır. Hər bir müəssisənin emal gücü sutkada 200 ton süd təşkil edəcək. Bu da təxminən 10 ton kərə yağı deməkdir".

İcraçı direktorun sözlərinə görə, layihələrin maliyyələşdirilməsi Azərbaycan Respublikasının Sahibkarlığa Kömək Milli Fondu xətti üzrə aparılacaq: "Məbləğ hələlik açıqlanmır".

Qeyd edək ki, 2018-ci ilin ilk rübündə Azərbaycan 20,69 milyon dollar məbləğində kərə və süddən hazırlanan digər növ yağlar idxal edib. Bu göstərici 2017-ci illə müqaisədə 53 faiz çoxdur.

Ölkə.Az

ŞƏRH YAZ
0

Azərbaycan əhalisi 4 ayda 16 milyard manatdan çox pul qazanıb

Azərbaycan əhalisi 4 ayda 16 milyard manatdan çox pul qazanıb
10:40
20.05.2018
9375
İqtisadiyyat
A
2018-ci ilin yanvar-aprel aylarında ölkə əhalisinin nominal gəlirləri əvvəlki ilin müvafiq dövrünə nisbətən 9,2 faiz artaraq 16 milyard 272,8 milyon manat olub.

"Ölkə.Az" Trend-ə istinadən xəbər verir ki, nominal gəlirlər əhalinin hər nəfərinə orta hesabla 1662,1 manat təşkil edib.

Bütün icbari və könüllü ödənişlər edildikdən sonra əhalinin sərəncamında 14944,7 milyon manatlıq və ya əvvəlki ildəkindən 9,5 faiz çox vəsait qalıb.

Ölkə.Az

ŞƏRH YAZ
0
BAĞLA