Dünya Bankı Azərbaycanda tibb sahəsində rüşvətə səbəb ola biləcək faktorları açıqladı

Dünya Bankı Azərbaycanda tibb sahəsində rüşvətə səbəb ola biləcək faktorları açıqladı
17:35
10.02.2018
2753
İqtisadiyyat
A
“Məsələ təkcə məktəb tikib onu müəllimlə, yaxud xəstəxana tikib onu həkimlə təchiz etməkdən getmir. 200-250 manat əməkhaqqı alan həkim keyfiyyətli xidmət göstərməkdə nə dərəcədə maraqlı olacaq? Eyni zamanda bu, korrupsiya üçün də birbaşa yol açır”.

"Ölkə.Az" xəbər verir ki, bunu “Report”a açıqlamasında Dünya Bankının (WB) Azərbaycan üzrə ölkə meneceri Navid Həsən Naqvi deyib.

Onun sözlərinə görə, Azərbaycanda neft sektoruna sərmayə yatırmaq istəyənlərin sayı təhsilə investisiya qoymaq istəyənlərdən çoxdur: “Öz vəsaitlərimiz hesabına Azərbaycanda iki vacib araşdırmanı aparırıq. Bunlardan birincisi erkən uşaqlıq dövründə inkişaf, yəni məktəbəqədər tərbiyə ilə, ikincisi isə ali təhsillə bağlıdır. May-iyun aylarında bu araşdırmalar artıq yekunlaşacaq. Düşünürəm ki, bu məsələlərlə bağlı debatlara ehtiyac var”.

Dünya Bankının rəsmisi Azərbaycan Mərkəzi Bankın ehtiyacı olduğu məsələlərə də aydınlıq gətirib: “Düşünürəm ki, AMB dəyişəcək və artıq dəyişməkdə olan iqtisadiyyat üçün bir neçə alət və strategiyalar hazırlamaqdadır. Biz təkcə həmin quruma deyil, həmçinin Maliyyə Bazarlarına Nəzarət Palatasına, İqtisadiyyat və Maliyyə Nazirliklərinə də nə etmələri ilə bağlı məsləhətlərimizi veririk”.

N.H.Naqvi həmçinin qeyd edib ki, Azərbaycan iqtisadiyyatında struktur islahatlarının aparılması çətin olacaq: “Bu bütün nazirlikləri, AMB-ni, bütün sahəvi strukturları əhatə etməlidir”.

ŞƏRH YAZ
0

Azərbaycan neftinin bir bareli 81 dolları ötdü

Azərbaycan neftinin bir bareli 81 dolları ötdü
23:57
23.05.2018
3292
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti mayın 22-də 81,32 dollar/barel təşkil edib ki, bu da bazar ertəsinə olan göstəricidən 1,42 dollar/barel çoxdur.

"Ölkə.Az" xəbər verir ki, bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti mayın 22-də 80,41 dollar/barel təşkil edib ki, bu da əvvəlki qiymətdən 1,42 dollar/barel çoxdur.

Novorossiysk limanından yüklənən URALS neftinin qiyməti mayın 22-də 77,64 dollar/barel təşkil edib ki, bu da əvvəlki qiymətdən 1,39 dollar/barel çoxdur.

Şimal dənizindən hasil edilən "Brent Dated" etalon növlü neftin qiyməti isə mayın 22-də 80,23 dollar/barel təşkil edib. Bu, əvvəlki qiymətdən 1,64 dollar/barel çoxdur.

Ölkə.Az

ŞƏRH YAZ
0

Ölkənin qızıl-gümüş bazarında qiymətlər bahalaşır

Ölkənin qızıl-gümüş bazarında qiymətlər bahalaşır
22:18
23.05.2018
3289
İqtisadiyyat
A
Mayın 22-də Azərbaycanda qiymətli metalların qiyməti bahalaşmaqda davam edib.

"Ölkə.Az" Trend-ə istinadən xəbər verir ki, qızılın qiyməti mayın 22-i ilə müqayisədə 5,5165 manat artaraq 1 troy unsiyası üçün 2197,08 manat təşkil edib.

Gümüş 0,1632 manat bahalaşaraq 1 unsiya üçün 28,1479 manata bərabər olub.

Platinin qiyməti 16,983 manat artaraq 1540,3615 manat, palladiumun qiyməti 3,077 manat artaraq 1685,38 manat təşkil edib.

Ölkə.Az

ŞƏRH YAZ
0
BAĞLA