Dünya bankının eksperti: "Ermənistanda monopoliya və oliqarxların hakimiyyəti tüğyan edir"

Dünya bankının eksperti:
12:30
13.09.2017
376
Dünya
A
Dünya bankının ticarət və rəqabət qabiliyyəti məsələləri üzrə eksperti Liza Kestner Ermənistanı tənqid edib.

"Ölkə.Az" xəbər verir ki, ekspertin fikrinə görə monopoliya, bürokratiya və real rəqabətin olmaması Ermənistanda özəl sektorun inkişafına mane olur.

Ekspert bildirib ki, 2008-ci ilə qədər Ermənistanda iqtisadi artım əsasən ölkə xaricindən daxil olan pul köçürmələri sayəsində mümkün olub. Amma böhrandan sonra bu azalıb. Bu isə ölkənin iqtisadi artımına, özəl sektor və sahibkarlığın inkişafına mənfi təsir edib.

İqtisadi artımın əsas faktorlarından biri ixracdır. Ermənistanda isə ixrac üçün yeni bazarların tapılması və istehsal lazımdır. Ölkədə özəl sektorun inkişafına monopoliya, bürokratiya və oliqarxlar mane olur.

Ekspert erməni şirkətlərinin keyfiyyətini də mənfi qiymətləndirib. Onun fikrinə görə şirkətlər məhsuldar işləmir və inkişaf yoxdur. Bunun da səbəbi real rəqabətin olmamasıdır. Eyni zamanda Ermənistanda sahibkarlar hüquqlarının qorunmamasından əziyyət çəkirlər. Oliqarxlar istənilən halda yerli şirkətləri sıxışdırırlar. 

Lizanın fikrinə görə, Ermənistanda monopoliya və oliqarx problemi həll edilməyənə qədər, qanunvericiliyə dəyişikliklər edilməyənə qədər iqtisadi artımdan söhbət belə gedə bilməz.

Hikmət Həsənov
Ölkə.Az

ŞƏRH YAZ
0

Şanxayda 200 min insan təxliyə edilib — Tayfun təhlükəsinə görə

Şanxayda 200 min insan təxliyə edilib
09:52
Bu gün
303
Dünya
A
Çinin şərqində, Şanxay şəhərində hakimiyyət 192,7 min nəfəri təhlükəsiz yerlərə təxliyə edib.

"Ölkə.Az" yerli mətbauata istinadən xəbər verir ki, buna səbəb Çin sahillərinə yaxınlaşan "Ampil" qasırğasıdır.

Yerli vaxtla saat 05:00-a görə, tayfun Şanxaydan 145 km məsafədə olub və şimal-qərb istiqamətində 25 km/s sürəti ilə hərəkət edib.

Qeyd olunur ki, Çjetszyan vilayətində də təxliyə işləri aparılıb, lakin burada onlar o qədər də miqyaslı olmayıb - 38 min insan təxliyə olunub.

Ölkə.Az

ŞƏRH YAZ
0

Yaponiyada orta ömür həddi rekord səviyyəyə çatıb

Yaponiyada orta ömür həddi rekord səviyyəyə çatıb
09:18
Bu gün
331
Dünya
A
Yaponiya Səhiyyə Nazirliyi bəyan edib ki, 2017-ci ildə ölkədə orta ömür həddi rekord səviyyəyə çatıb.

"Ölkə.Az" xəbər verir ki, ötən il Yaponiyada kişilər üçün orta ömür həddi 81,09 yaş təşkil edib ki, bu da bir il əvvəlki göstərici ilə müqayisədə 0,11 qədər çoxdur. Qadınlar üçün isə bu rəqəm 87,26 yaşa bərabər olub və bu da əvvəlki göstəricidən 0,13 qədər çoxdur.

Yaponiyada həm kişilər, həm də qadınlar üçün bu göstərici altı ildir ki, dayanmadan artır. Yapon qadınlar uzunömürlülüyə görə Honkonq qadınlarından sonra dünyada ikinci yeri tuturlar.

Yapon kişilər isə həmin göstərici üzrə üçüncü yerdədirlər. Onlar Honkonq və İsveçrə kişilərindən geri qalırlar.

Ölkə.Az

ŞƏRH YAZ
0
BAĞLA