Dünya çempionatı bu kanallarda canlı yayımlanacaq

Dünya çempionatı bu kanallarda canlı  yayımlanacaq
16:53
07.04.2018
1064
İdman
A
14 iyun - 15 iyul tarixlərində Rusiyada keçiriləcək Futbol üzrə Dünya Kubokunu Azərbaycanda yayımlayacaq kanalın adı bəlli olub.

“Ölkə.Az" xəbər verir ki, mundialın oyunları “Azərbaycan Televiziya və Radio Verilişləri” QSC tərəfindən yayımlanacaq.

Beləliklə, azarkeşlər dörd ildən bir keçirilən mötəbər turniri “Azərbaycan Televiziyası” və “İdman Azərbaycan” kanalı vasitəsilə canlı izləyə biləcəklər.

Turnir ərzində keçiriləcək 64 oyunun hər biri tamaçılara təqdim ediləcək.

Artıq bu yöndə fəaliyyətə də başlanılıb. “İdman Azərbaycan” kanalında anonslar, videoçarxlar və digər informasiyalar təqdim edilir.

ŞƏRH YAZ
0

"Rauf Əliyevin yardımından yararlana bilərəm" — Qurban Qurbanov

00:22
Bu gün
665
İdman
A
Çempionlar Liqasının I təsnifat mərhələsinin “Qarabağ” – “Olimpiya” oyunundan sonra mətbuat konfransı keçirilib.

"Ölkə.Az"Oxu.Az-a istinadən xəbər verir ki, “Qarabağ”ın baş məşqçisi Qurban Qurbanov fikirlərini bildirib.

O, çox yaxşı komandaya qarşı oynadıqlarını söyləyib:

“Yaxşı komandaya qarşı oynadıq. Bundan sonrakı oyunlarımız belə çətin olacaq. Rəqibin baş məşqçisini də təbrik edirəm. Onunla söhbət etdim. Hiss olunur ki, yeni gəldiyi komandaya yeni nəfəs gətirib.

Dani Kintananın durumu haqqında indidən nə isə deyə bilmərəm. Əzələsini dartdı. Amma növbəti oyunda çıxış edəcəyini düşünürəm.

Növbəti turdakı rəqibimiz “Kukesi” haqqında yaxın iki gün ərzində məlumat toplamağa çalışacağam. Amma nə isə qaranlıq qalsa, ötən mövsüm orda oynamış Rauf Əiyevə müraciət edə bilərəm”.

Ölkə.Az

ŞƏRH YAZ
0

“Qarabağ” növbəti mərhələdə — YENİLƏNİB

“Qarabağ” növbəti mərhələdə
22:59
18.07.2018
1014
İdman
A
Qarşılıqlı hücumlar şəraitində keçən oyunun birinci hissəsində hesab açılmayıb.

"Ölkə.Az" xəbər verir ki, ikinci hissəyə daha istəkli başlayan "Qarabağ" hücumlarını artırıb. 59 və 64-cü dəqiqələrdə rəqib qarşısında qol epiozdu yaransa da, hesab yenə də açılmayıb.

Komandalar arasında Sloveniyada keçirilmiş ilk oyunda “Qarabağ” 1:0 hesabı ilə qələbə qazanıb. İki oyunun nəticəsinə görə, Azərbaycan çempionu turnirin ikinci təsnifat mərhələsinə adlayıb. Bu mərhələdə komandamızın rəqibi Albaniyanın “Kukesi” klubu olacaq.

***

Futbol üzrə UEFA Çempionlar Liqasının birinci təsnifat mərhələsində mübarizə aparan “Qarabağ” komandası cavab oyununa çıxıb.

"Ölkə.Az" xəbər verir ki, Tofiq Bəhramov adına Respublika stadionunda keçirilən qarşılaşmada Azərbaycan çempionu “Qarabağ” Sloveniyanın “Olimpiya” komandasını qəbul edir.


***
İyulun 18-də saat 21:00-da Ağdamın “Qarabağ” futbol klubu UEFA Çempionlar Liqasında ikinci oyununa çıxacaq.

"Ölkə.Az" xəbər verir ki, turnirin birinci seçmə mərhələsinin cavab oyunları çərçivəsində “Qarabağ” Tofiq Bəhramov adına Respublika Stadionunda Sloveniyanın “Olimpiya” komandasını qəbul edəcək.

“Qarabağ”ın start heyətində Vaqner, Bədavi Hüseynov, Yakub Jezniçak, Maksim Medvedev, Donald Gerye, Coşğun Diniyev, Simeon Slavçev, Miçel, Abdella Zubir, Dani Kintana və Mahir Mədətov yer alıblar.

“Olimpiya”nın ilk onbirliyində isə meydana Alyaj İvaçiç, Maki Banyak, Marko Qaiç, Aris Zarifoviç, Dino Ştiqlets, Marko Putinçanin, Rok Kronaveter, Ştefan Saviç, Kinqsli Boatenq, Tomislav Tomiç və Daniel Avramovski çıxacaqlar.

Komandalar arasında keçirilmiş ilk oyunda “Qarabağ” 1:0 hesabı ilə qələbə qazanıb. “Qarabağ” bu mərhələni adlayacağı təqdirdə növbəti turda Albaniya çempionu “Kukesi” ilə qarşılaşacaq. “Kukesi” iki oyunun nəticəsinə görə, Maltanın “Valetta” komandasından üstün olub.

Ölkə.Az

ŞƏRH YAZ
0
BAĞLA