Dünya çempionatının 4-cü günündə 7 ölkənin cüdoçuları fəxri kürsüyə qalxıblar

Dünya çempionatının 4-cü günündə 7 ölkənin cüdoçuları fəxri kürsüyə qalxıblar
19:56
23.09.2018
3653
İdman
A
Bakıda keçirilən cüdo üzrə dünya çempionatının dördüncü günündə yeddi ölkə təmsilçisi fəxri kürsüdə yer alıb.

"Ölkə.Az" xəbər verir ki, qadınlar arasında 63 kiloqram çəki dərəcəsində Klarisse Aqbeqnenu (Fransa) qızıl, Miku Taşiro (Yaponiya) gümüş, Tina Trstenjak (Sloveniya) və Cuul Franssen (Hollandiya) bürünc medal qazanıb.

Kişilər arasında 81 kiloqram çəki dərəcəsində dünya çempionu İran cüdoçusu Saeid Mollaei olub. Yaponiya idmançısı Sotaro Fucivara ikinci yeri tutub. Türkiyəli Vedat Albayraq və Almaniya təmsilçisi Aleksandr Vieczerzak turniri üçüncü pillədə başa vurublar.

Sonra mükafatlandırma mərasimi keçirilib.

Xatırladaq ki, Azərbaycan bugünkü çəki dərəcələrində təmsil olunmayıb.

Sentyabrın 24-də kişilər arasında 90, qadınlar arasında 70 kiloqram çəki dərəcəsində yarışlar keçiriləcək.

Cüdoçumuz Məmmədəli Mehdiyev ilk görüşündə Belarus təmsilçisi Viktar Kliavusau ilə qarşılaşacaq. Qadınların yarışında isə təmsilçimiz yoxdur.

Ölkə.Az

ŞƏRH YAZ
0

"“Arsenal” rəhbərliyinin Mxitaryanla bağlı qərarına təəssüflənirik" — Elxan Məmmədov

22:25
21.05.2019
294
İdman
A
"Biz “Arsenal” rəhbərliyinin Avropa Liqasının final oyununda iştirak etmək üçün Henrix Mxitaryanı Bakıya gətirməyəcəklərinə dair bəyanatına görə məyus olduq".

"Ölkə.Az" bildirir ki, bu fikirləri AFFA-nın baş katibi Elxan Məmmədov səsləndirib.

“Biz “Arsenal” klubu, Mxitaryan və onun ailəsi tərəfindən birgə qəbul edilmiş bu əsassız qərara görə təəssüflənirik. Oyunçunun şəxsi qərarını başa düşürük, lakin bir daha qeyd etmək istəyirəm ki, oyuna ev sahibliyi edən ölkə olaraq Azərbaycan UEFA-nın da tələb etdiyi kimi, Mxitaryanın təhlükəsizliyinin təmin edilməsinə zəmanət verir. Azərbaycanın zəmanətini hansısa şübhə altına qoymaq üçün heç bir əsas yoxdur”.

“ Son onilliklərdə çoxlu sayda erməni idmançı heç bir insident olmadan Azərbaycanda keçirilmiş beynəlxalq yarışlarda iştirak edib. Hesab edirik ki,  təəssüf doğuran bu məqam böyük idman bayramının üzərinə kölgə salmayacaq. Hər iki komandanın  Bakıya gəlişini səbirsizliklə gözləyirik”, - deyə AFFA rəsmisi bəyan edib.

Xatırladaq ki, London klubu erməni əsilli Henrix Mxitaryanın Bakıya  gəlməyinə icazə verməyib.

“ Biz təəssüflə qeyd edirik ki, Henrix Mxitaryan komandayla birlikdə Avropa Liqasının final oyununda  iştirak etmək üçün Bakıya getməyəcək. Biz Mxitaryanı komandanın heyətinə qəbul etmək üçün bütün yolları araşdırdıq.

Lakin bu məsələni onunla və ailə üzvləri ilə müzakirə etdikdən sonra, onun getməməsinə dair birgə qərar verdik. Biz bu barədə UEFA-ya dərin narahatlığımızı bildirmişik. Mxitaryan qələbə yolunda bizim üçün əsas oyunçulardan biridir və onun oyunda iştirak etməməsi bizim üçün böyük itkidir. Oyunçunun finalı buraxması nadir hallardandır. Biz Bakıya gedənə qədər o hazırlıq məşqlərində iştirak edəcək”, - deyə “Arsenal” rəhbərliyi bildirib.

Ölkə.Az

ŞƏRH YAZ
0

AFFA: "Bakı finalı Mxitaryansız da möhtəşəm keçəcək"

AFFA:
21:48
21.05.2019
333
İdman
A
"Ölkə.Az" bildirir ki, AFFA “Arsenal” komandasının futbolçusu Henrix Mxitaryanın Bakıya gəlməməsi ilə bağlı qərarına cavab verib:

“Növbəti həftənin çərşənbə günü UEFA Avropa Liqasının final oyununda “Çelsi” ilə qarşılaşacaq “Arsenal” komandasının futbolçusu Henrix Mxitaryanın Bakıya gəlməməsi ilə bağlı klubun açıqlaması, anladığımız qədər “Arsenal”, futbolçu və onun ailəsi tərəfindən kollektiv şəkildə verilmiş bu əsaslandırılmamış qərar bizi təəssüfləndirdi. 

Futbolçunun ölkəmizə gəlməməklə bağlı şəxsi qərarını anlasaq da, bir daha bildiririk ki, UEFA-nın tələblərinə uyğun olaraq, Azərbaycan finalın ev sahibi kimi Mxitaryanın şəxsi təhlükəsizliyinə təmin olunmasına zəmanət verdi. Azərbaycan tərəfinin verdiyi zəmanətin ciddiliyini şübhə altına salmaq üçün heç bir səbəb yoxdur. Ötən illər ərzində Azərbaycan öz ərazisində keçirilmiş beynəlxalq idman tədbirlərində çoxsaylı erməni əsilli idmançıların problemsiz iştirakını təmin edib.

Nəhayət, hesab edirik ki, bu təəssüf doğuran açıqlama səbirsizliklə gözlədiyimiz final oyununun keyfiyyətinə və möhtəşəmliyinə heç bir şəkildə mənfi təsir göstərməyəcək. Tezliklə Bakıya təşrif buyuracaq hər iki komandanı qarşılamağa tam hazırıq”.

Ölkə.Az

ŞƏRH YAZ
0
BAĞLA