Dünya çempionatının qalibləri mükafatlandırıldı

Dünya çempionatının qalibləri mükafatlandırıldı
00:41
10.06.2018
1779
İdman
A
Bakıda velosiped idmanının BMX növü üzrə dünya çempionatının qaliblərinin mükafatlandırma mərasimi olub.

"Ölkə.Az" xəbər verir ki, qaliblərə medalları Azərbaycan Velosiped İdmanı Federasiyasının birinci vitse-prezidenti, Avropa Velosipedçilər Birliyinin Rəhbər Komitəsinin üzvü Sahib Ələkbərov, Azərbaycanın gənclər və idman nazirinin müavini İsmayıl İsmayılov, Beynəlxalq Velosipedçilər İttifaqının BMX komissiyasının və İttifaqın idarə heyətinin üzvü Artur Lopes və qurumun vitse-prezidenti Renato Di Rokko təqdim ediblər.

İlk üç pillədə qərarlaşan idmançılara medallarla yanaşı, qalib idmançıya çempionluq köynəyi verilib.

Mükafatlandırma mərasimi möhtəşəm atəşfəşanlıqla başa çatıb.

Qeyd edək ki, dünya çempionatında 43 ölkədən 1500-dək velosipedçi birincilik uğrunda mübarizə aparıb.

Azərbaycan indiyədək Olimpiya idman növü olan güləş, boks və bədii gimnastika üzrə dünya çempionatlarına uğurla ev sahibliyi edib. Velosiped idmanının Olimpiya növü olan BMX üzrə bu mundial isə Azərbaycanda keçirilən sayca dördüncü dünya çempionatıdır.

Çempionatın keçirildiyi BMX stadionu 2014-cü ildə tikilib və burada ilk Avropa Oyunlarının BMX üzrə velosiped yarışları təşkil olunub. 2016-cı ildə isə Beynəlxalq Velosipedçilər İttifaqı (UCI) BMX stadionlarının standartlarını dəyişib. Trekin uzunluğu, eni, döngələrin hündürlüyü artırılıb, maneələrin konfiqurasiyası dəyişdirilib.

Ölkə.Az

ŞƏRH YAZ
0

Cəbrayıl Həsənov dünya çempionatında gümüş medal qazanıb

Cəbrayıl Həsənov dünya çempionatında gümüş medal qazanıb
22:59
22.10.2018
367
İdman
A
Macarıstanın paytaxtı Budapeştdə keçirilən dünya çempionatında Azərbaycanın sərbəst güləşçisi Cəbrayıl Həsənov gümüş medal qazanıb.

"Ölkə.Az" xəbər verir ki, çempionatın ikinci yarış günündə 57, 65, 79 və 92 kiloqram çəki dərəcələrində çıxış edən güləşçilər mübarizə aparıblar.

Mübarizəyə səkkizdəbir finaldan qoşulan Cəbrayıl Həsənov (79 kq) çətinlik çəkmədən Puerto-Riko idmançısına qalib gəlib. Yığmamızın kapitanı dörddəbir finalda Belarus təmsilçisi üzərində də inamlı qələbə qazanaraq yarımfinala adlayan ilk güləşçimiz olub. Finalın bir addımlığında Cəbrayıl əsl əzmkarlıq nümayiş etdirib. İranlı güləşçi 3:0 hesabı ilə önə keçsə də, son yarım dəqiqədə möhtəşəm geridönüş edən həmyerlimiz karyerasında ilk dəfə finala yüksəlib.

İdmançımız oktyabrın 22-də amerikalı Kayl Duqlas Deyklə qarşılaşıb. Gərgin mübarizə şəraitində keçən görüş rəqibin qələbəsi ilə başa çatıb. Beləliklə, C.Həsənov dünya çempionatında gümüş medala sahib çıxıb.

Ölkə.Az

ŞƏRH YAZ
0

Elmar Vəliyevin oğlu istefa verib

Elmar Vəliyevin oğlu istefa verib
15:42
22.10.2018
6531
İdman
A
“Kəpəz” Peşəkar Futbol Klubu İctimai Birliyinin İdarə Heyətinin sədri Elmir Vəliyev tutduğu vəzifədən istefa verib.

"Ölkə.Az" klubun rəsmi saytına istinadən xəbər verir ki, E.Vəliyev qərarını işlərinin çoxluğu ilə əlaqələndirib. Onun yerinə hələlik heç bir təyinat yoxdur. 

Xatırladaq ki, Elmir Vəliyev 2015-ci ilin may ayından “Kəpəz” PFK İctimai Birliyinin İdarə Heyətinin sədri idi. O, Gəncə şəhərinin keçmiş icra başçısı Elmar Vəliyevin oğludur. 

ŞƏRH YAZ
0
BAĞLA