Mətn ölçüsü:
  • 100%

Dünya dövlətlərinin başçıları nikah dövründə necə dəyişiliblər?

Dünya dövlətlərinin başçıları kimi onların həyat yoldaşları da mətbuat üçün hər zaman maraqlı olub.

“Ölkə.Az” bir çox dövlət başçısı və birinci xanımının evləndiyi gündən bu günə qədər necə dəyişdiyini fotolarla oxucularına təqdim edir.


Donald və Melaniya Tramp

ABŞ-ın birinci cütlüyü 2005-ci ildən evlidir. Melanyenin 34, Trampın isə 58 yaşı var idi.

2004/2006

Melanya Sloveniyadan olan keçmiş foto modeldir. İşi sayəsində milyarder Donald Trampla tanış olub.

2008/2010

2012/2014

2018

1999-cu ildə Melanya Knavs “Allure” jurnalına çəkilirdi. Jurnalın sahibi isə Tramp idi. 6 il sonra isə gözəl Melanya ABŞ-ın gələcək prezidentinə ərə getdi.


Emmnuel və Bricit Makron

Fransanın birinci cütlüyü 2007-ci ildən evlidir. Makron gələcək arvadını 15 yaşından sevir.


Bricit Tronyö ona ədəbiyyat fənnindən dərs deyib və 24 yaş böyükdür.
Yeniyetmə müəlliminə aşiq oldu və 17 yaşı olanda evlənmək istədiyini bildirdi.

Təbii ki, Bricit buna təbəssümlə cavab verdi. Çünki həm 24 yaş böyük idi, həm də ailəli idi. Onun Emmanuel boyda övladı var idi. Bundan başqa, Bricitin bir qızı Emmanuellə eyni sinifdə oxuyurdu.


Məktəbi bitirən Emmanuel oxumaq üçün Parisə yola düşsə də, Bricitdən əl çəkmirdi. Nəhayət, 12 il sonra Bricit ərindən boşanaraq Emmanuelə ərə getdi.
10 il sonra isə Emmanuel Fransa prezidenti seçildi. O, Fransa tarixinin ən gənc prezidentidir.


Angela Merkel və İoahim Zauer

Almaniyanın birinci cütlüyü 1998-ci ildən evlidir. Kimyaçı İoahim Zauer Angelanın ikinci əridir.  1980-ci illərdə Angela Almaniya Elmlər Akademiyasının tərkibindəki fizika-kimya institutunda işləyərkən İoahimlə tanış olub.


Zauer evli olsa da, cütlük arasında sevgi romanı başlayıb. Bu səbəbdən Zauer boşandıqdan sonra cütlük toy edərək diqqət cəlb etmək istəmədi.


2005-ci ildə Angela Almaniyanın ilk qadın kansleri oldu. Amma onun əri bu günə qədər də elmi fəaliyyətlə məşğul olur və ictimaiyyətdən qaçır.

Kolinda Qrabar-Kitaroviç və Yakov Kitaroviç

Xorvatiyanın birinci cütlüyü 1996-cı ildə evlənib. Kolinda bu il keçirilən futbol üzrə dünya çempionatı ilə daha da məşhurlaşdı. O, tamaşaçıları, digər dövlət başçılarını gözəlliyi ilə məftun etdi.


30 il əvvəl isə Kolinda Zaqreb universitetində qrup yoldaşının qəlbini ovsunladı. Bu universitetdə Kolinda beynəlxalq münasibətlər üzrə ali təhsil alıb.

Kolinda və Yakov 1980-ci illərin sonunda görüşməyə başlayıb. Universiteti bitirdikdən sonra isə evləniblər.

II Elizabet və şahzadə Filipp

Böyük Britaniyanın birinci cütlüyü 1947-ci ildən evlidir. 13 yaşı olanda şahzadə Elizabet əmisinin, yəni hersoq Georqun toyuna dəvət edilmişdi. Hersoq şahzadə Marina ilə evlənirdi.


Toyda Elizabet gəlinin 18 yaşlı xalası oğlu şahzadə Filiplə tanış oldu. 6 il sonra cütlük evləndi. Nişan barədə məlumat veriləndə, şahzadə sevinirmiş.

Hikmət Həsənov
Ölkə.Az