Dünya əhalisinin sayı açıqlandı — Artım var

Dünya əhalisinin sayı açıqlandı
18:25
10.07.2018
2650
Dünya
A
Almaniyanın “Yer əhalisi” fondu hazırda dünyada 7 milyard 635 milyon insanın yaşadığını açıqlayıb.

“Ölkə.Az” xəbər verir ki, ötən il ərzində dünya əhalisinin sayı 83 milyon nəfər artıb. Bununla yanaşı, hər 10 saniyədə dünyada 26 uşaq dünyaya gəlib.

Ekspertlər qeyd ediblər ki, artım xüsusilə Afrikada nəzərə çarpır. 2050-ci ildə qara qitə əhalisinin sayı 1.3 milyard nəfərdən 2.5 milyard nəfərə çatacaq. Artımın əsas səbəblərindən biri arzulanmayan hamiləlikdir.

“EC Eurostat”ın məlumatlarına əsasən, 2018-ci ilin 1 yanvar tarixində Avropa İttifaqında əhali sayı 512.6 milyon nəfər olub. Avropa İttifaqında ən çox əhali Almaniyada yaşayır-82.9 milyon nəfər. Sonra isə 67.2 milyon nəfər əhalisi olan Fransa, 66.2 milyon nəfər əhalisi olan Böyük Britaniya gəlir.

Ekspertlər qeyd ediblər ki, dünyada ən çox əhali Tokioda yaşayır-37 milyon nəfər. Hindistanın paytaxtı Nyu-Delidə də 29 milyon, Şanxayda isə 26 milyon nəfər yaşayır.

Hikmət Həsənov
Ölkə.Az

ŞƏRH YAZ
0

Vətənsiz qalan azərbaycanlı qardaşlar kömək istəyirlər — FOTO

Vətənsiz qalan azərbaycanlı qardaşlar kömək istəyirlər
20:30
Bu gün
1101
Dünya
A
Türkiyənin Bursa şəhərində yaşayan iki azərbaycanlı qardaş - 21 yaşlı Sabir Bağırov və 19 yaşlı Zaminkar Bağırov vətəndaşlıq pasportu ala bilmədikləri üçün böyük problemlər yaşayırlar.

"Ölkə.Az" oxu.az-a istinadla bildirir ki, 12 il öncə Türkiyə vətəndaşı ilə ailə quran anaları ilə birgə bu ölkəyə gələn qardaşlar, şəxsiyyət vəsiqəsi ala bilmədikləri üçün nə Azərbaycana gələ bilirlər, nə də tam huquqlu Türkiyə vətəndaşı ola bilirlər. 

Qardaşlar Türkiyədə hərbi xidmətə getmək, ailə qurmaq istəsələr də, problemlərinin həllini tapa bilmirlər.

Sabir və Zaminkar 12 il öncə Türkiyəyə gediblər. Həmin vaxt uşaqlar 9 və 7 yaşlarında olub və doğum haqqında şəhadətnamə ilə oraya aparılıblar.

5 il öncə qardaşlarla ögey atalarının münasibətləri pozulub və evi tərk ediblər. İndi çox çətin vəziyyətdə olan qardaşlar  sosial şəbəkələr vasitəsi ilə əlaqədar rəsmi qurumlardan kömək istəyirlər.

Ölkə.Az

ŞƏRH YAZ
0

Zakir Həsənov Türkiyənin müdafiə sənayesi şirkətlərinin məhsulları ilə tanış olub — FOTO

Zakir Həsənov Türkiyənin müdafiə sənayesi şirkətlərinin məhsulları ilə tanış olub
19:54
Bu gün
1383
Dünya
A
Birləşmiş Ərəb Əmirliklərində səfərdə olan Müdafiə naziri general-polkovnik Zakir Həsənov İDEX - 2019 Beynəlxalq Müdafiə Sərgisində nümayiş etdirilən Türkiyə Respublikasının Makina və Kimya Sənayesi Qurumu, ROKETSAN, ASELSAN və Otokar şirkətlərinin istehsalı olan silah, texnika və hərbi təyinatlı vasitələrə baxış keçirib.

"Ölkə.Az" bildirir ki, trend-ə Müdafiə Nazirliyinin mətbuat xidmətindən verilən məlumata əsasən, müdafiə naziri general-polkovnik Z.Həsənov şirkətlərin rəhbərləri ilə görüşərək iki ölkə arasında hərbi texniki sahədə mövcud əməkdaşlığın inkişaf etdirilməsinin vacibliyini vurğulayıb. Müdafiə naziri hərbi sahədə birgə layihələrin hər iki ölkənin ordularının güclənməsinə xidmət edəcəyinə əmin olduğunu bildirib.

Ölkə.Az

ŞƏRH YAZ
0
BAĞLA