Dünya əhalisinin sayı açıqlandı — Artım var

Dünya əhalisinin sayı açıqlandı
18:25
10.07.2018
2520
Dünya
A
Almaniyanın “Yer əhalisi” fondu hazırda dünyada 7 milyard 635 milyon insanın yaşadığını açıqlayıb.

“Ölkə.Az” xəbər verir ki, ötən il ərzində dünya əhalisinin sayı 83 milyon nəfər artıb. Bununla yanaşı, hər 10 saniyədə dünyada 26 uşaq dünyaya gəlib.

Ekspertlər qeyd ediblər ki, artım xüsusilə Afrikada nəzərə çarpır. 2050-ci ildə qara qitə əhalisinin sayı 1.3 milyard nəfərdən 2.5 milyard nəfərə çatacaq. Artımın əsas səbəblərindən biri arzulanmayan hamiləlikdir.

“EC Eurostat”ın məlumatlarına əsasən, 2018-ci ilin 1 yanvar tarixində Avropa İttifaqında əhali sayı 512.6 milyon nəfər olub. Avropa İttifaqında ən çox əhali Almaniyada yaşayır-82.9 milyon nəfər. Sonra isə 67.2 milyon nəfər əhalisi olan Fransa, 66.2 milyon nəfər əhalisi olan Böyük Britaniya gəlir.

Ekspertlər qeyd ediblər ki, dünyada ən çox əhali Tokioda yaşayır-37 milyon nəfər. Hindistanın paytaxtı Nyu-Delidə də 29 milyon, Şanxayda isə 26 milyon nəfər yaşayır.

Hikmət Həsənov
Ölkə.Az

ŞƏRH YAZ
0

Mafiya sıralarını tərk edib kitab yazdı, təqdimatda öldürüldü

Mafiya sıralarını tərk edib kitab yazdı, təqdimatda öldürüldü
19:31
Bu gün
851
Dünya
A
Danimarkanın paytaxtı Kopenhagen şəhərində “Los Guerreros” qruplaşmasının keçmiş lideri Nedim Yaşar öldürülüb.

“Ölkə.Az” xəbər verir ki, bu barədə Kopenhagen polisi açıqlama verib. Açıqlamaya əsasən, dünən axşam saatlarında şəhərin Nörrebro səmtindəki bir küçədə Yaşara 2 dəfə atəş açan şəxs hadisə yerindən qaçıb. Ağır yaralı xəstəxanaya çatdırılsa da, onu xilas etmək mümkün olmayıb.

Nedim Yaşar bir müddət əvvəl təhdid edildiyini bildirmişdi, ötən il də hücuma məruz qalmışdı. Yaşar yerli bir radioda “Polis radiosu” adlı proqram hazırlayırdı. Bundan başqa onun mafiyaya aid kitabı da çapdan çıxmışdı. Yaşar isə kitabın təqdimatından çıxanda güllələnib.

Hikmət Həsənov
Ölkə.Az

ŞƏRH YAZ
0

Moskvada qazıntı zamanı mamont kəlləsi və xəzinə tapıldı

Moskvada qazıntı zamanı mamont kəlləsi və xəzinə tapıldı
18:21
Bu gün
1052
Dünya
A
Moskva vilayətinin Zaraysk dayanacağında arxeoloqlar ibtidai insanın yaşadığı qədim məskəni aşkar ediblər.

 “Ölkə.Az” xəbər verir ki, bundan başqa içərisində xəzinə gizlədilmiş mamont kəlləsi də tapılıb. Bu barədə mədəniyyət nazirliyinin Moskva idarəsi məlumat yayıb.

Arxeologiya institununun ekspedisiyasına rəhbərlik edən Sergey lev bildirib ki, xəzinədə zinət əşyaları və silahlar var. Bundan başqa alimlər ibtidai insanın məskənini, mamontun sümük və dişlərini də tapıblar.

Bundan başqa alimlər ilk insan düşərgəsini qazıblar və çoxlu heyvan sümüyü aşkar ediblər. Bütün düşərgədə kömür izi və qırmızı rəng izi də tapılıb. Qeyd edək ki, düşərgə üst paleolit dövrünə aiddir.

Hikmət Həsənov
Ölkə.Az

ŞƏRH YAZ
0
BAĞLA