Dünya futbol ulduzları Bakıya gələcəklər

Dünya futbol ulduzları Bakıya gələcəklər
00:57
22.02.2019
1293
İdman
A
UEFA Avropa Liqasının final oyununun Bakıda keçirilməsi ilə əlaqədar futbolsevərlər üçün bir sıra yeniliklər baş verməkdədir. Belə yeniliklərdən biri də martın 3-də saat 12:30-da Bakının mərkəzində “Bakı 2019: Ulduzlar Finalı” adlı möhtəşəm qarşılaşma olacaq. Həmin oyunda yerli və əcnəbi futbolçuları çıxış edəcəklər.

“Ölkə.Az” xəbər verir ki, bu barədə AFFA-nın mətbuat xidməti məlumat yayıb.

 Eydur Qudyonsen, Maykl Essien, Anderson Luis de Souza (Deku), Yeju Dudek, Revaz Arveladze, yerli futbol veteranlarından Vəli Qasımov, Nazim Süleymanovun və digər futbol ulduzlarının iştirakı ilə keçiriləcək oyunda hər komandadan 5 oyunçu meydana çıxacaq, 1 nəfər isə ehtiyat oyunçular skamyasında əyləşəcək. Komandanın heyətinə bir nəfər Region Liqasından, 2 nəfər isə müsabiqə yolu ilə seçiləcək. Bundan əlavə, “Avropa Liqası Final 2019”a həsr olunmuş “İntellektual Kubok”un qalibi olan İTV komandasının kapitanı Tural Dadaşov “böyük oyun”da media nümayəndələrini təmsil edəcək.

Paytaxt sakinləri hər kəsə açıq olacaq bu maraqlı qarşılaşmanı yalnız izləməyəcəklər. Eyni zamanda, müsabiqədə iştirak etməklə futbol ulduzları ilə eyni meydanı paylaşmaq şansı qazanacaqlar.

Yarış iştirakçıları üçün müsabiqə iki istiqamətdə keçiriləcək. Birinci şərtə görə, iştirakçılar fevralın 23-24-də Topaz Premyer Liqasının XVIII turunda oyunların baş tutacağı stadionlardan birində (oyun zamanı) selfi çəkdirməli, şəkli şəxsi “Facebook” hesabında “#joinallstar” həştəqi ilə paylaşmalı və paylaşımı hər kəsə açıq etməlidirlər.

İştirak üçün digər seçim isə futbol bacarıqları ilə bağlıdır. Belə ki, iştirakçılar futbol oyunu zamanı hər hansı maraqlı futbol hərəkətlərini və ya qol vurduqları anı videoya çəkməli, eyni qaydada videonu şəxsi “Facebook” hesabından #joinallstar həştəqi ilə paylaşmalı və paylaşımı hər kəsə açıq etməlidirlər. Videoda iştirakçının üzü aydın görünməli və görüntü 10 saniyəni keçməməlidir.

İlk müsabiqənin qalibi təsadüfi seçim əsasında müəyyənləşəcək. İkinci müsabiqənin qalibini isə münsiflər heyəti təyin edəcək. İştirakçılar müsabiqələrdən yalnız birində iştirak edə bilərlər.

www.finalbaku2019.az saytında qeydiyyatdan keçməyən iştirakçıların paylaşımı qəbul olunmayacaq. Qeydiyyatdan keçmək üçün https://goo.gl/forms/4Y6NCWnefozlxzpB2 keçidinə daxil olmaq, qeydiyyat formasını doldurmaq və ən əsası, “Facebook” paylaşımının linkini müvafiq xanada qeyd etmək lazımdır.

Müsabiqənin qaydaları ilə bağlı ətraflı məlumatı www.finalbaku2019.az/allstar keçidindən əldə etmək mümkündür.

“Bakı 2019: Ulduzlar Finalı” günü izləyicilər üçün də maraqlı və əyləncəli proqramlar nəzərdə tutulub. Yarışın keçiriləcəyi ərazi saat 12:00-dan paytaxt sakinləri üçün açıq olacaq. Bundan əlavə, www.finalbaku2019.az saytında fəaliyyət göstərən “Hesabı Tap” yarışının fevral ayına olan qalibi də həmin gün mükafatlandırılacaq.

Ölkə.Az

ŞƏRH YAZ
0

“Arsenal”ın Bakı təxribatına UEFA qarışdı — Erməni lobbisinin ürəyində qalan növbəti arzusu

“Arsenal”ın Bakı təxribatına UEFA qarışdı
09:40
Bu gün
1629
İdman
A
Londonun “Arsenal” klubu iki gün sonra Bakıda baş tutacaq Avropa Liqasının finalına hazırlaşır.

“Ölkə.Az” xəbər verir ki, futbolçular məşqə hazırlaşdıqları bir dövrdə komandanın rəhbərliyi başqa məsələlər üzərində baş sındırıb. Nüfuzlu “Daily Mail” nəşrinin yazdığına əsasən, klub ən yüksək təhlükəsizlik qarantiyası alsa da, Bakıya səfərdən imtina edən Henrix Mxitaryanı dəstəkləmək üçün dəstək aksiyası keçirmək istəyib. Futbolçular üzərində Mxitaryan familiyası yazılan köynəklərdə məşqə çıxmalı imişlər. Beləcə, 22 “mxitaryan” meydançada o tərəf bu tərəfə qaçmalı imiş. Amma məsələyə UEFA qarışıb.

UEFA-nın qaydaları çox sərtdir və futbolçuların hansı paltarda oynayacağı, məşqlərə hansı geyimdə çıxacaqları, komandanın istənilən jestləri qaydarlarla müəyyənləşdirilir. Komandalar hətta qurbanların və ya hansısa faciənin yad edilməsi üçün bir dəqiqə sükut elan edəndə və digər aksiyalar da qaydalara əsasən müəyyən edilir. 

Bu dəfə də UEFA rəsmiləri “Arsenal”ın planından xəbər tutdular və komandaya belə bir aksiyanı qadağan etdilər. Beləcə, erməni lobbisinin bu arzusu da ürəyində qaldı.

Ölkə.Az

ŞƏRH YAZ
0

“Arsenal” Bakıda ilk məşqinə çıxdı — FOTOLAR

“Arsenal” Bakıda ilk məşqinə çıxdı
23:16
26.05.2019
1566
İdman
A
UEFA-nın final oyunu çərçivəsində “Arsenal” klubunun oyunçuları artıq Bakıdadır.

“Ölkə.Az” Day.az-a istinadən xəbər verir ki, artıq London klubu ilk məşqinə çıxıb. Oyunçular Avropa Liqasının final oyunundan əvvəl yaşıl meydançada məşq ediblər.
Məşqlər “Bakcell Arena” stadionunda baş tutub. Fotoları təqdim edirik.

Ölkə.Az

ŞƏRH YAZ
0
BAĞLA